പിതാവിന്റെ വെടിയേറ്റ് മകൻ മരിച്ചു

മടിക്കേരി: മറുഗോഡു ഗ്രാമപഞ്ചായത്തിലെ കട്ടേമാടിൽ പിതാവിന്റെ വെടിയേറ്റ് മകന് ദാരുണാന്ത്യം. കട്ടേമാടിലെ ചെറുകിട കർഷകൻ എൻ.എം. ചിട്ടിയപ്പയാണ് (68) നിസ്സാര കാരണത്തിന് സ്വന്തം മകൻ നരേൻ തിമ്മയ്യയെ (34) വെടിവെച്ചുകൊന്നത്. ഗോവയിൽ റിസോർട്ടിൽ ജീവനക്കാരനായിരുന്ന തിമ്മയ്യ ഈയിടെയാണ് ജോലി ഒഴിവാക്കിയത്.

കുടുംബസ്വത്തായ കാപ്പികൃഷി നോക്കി നടത്തിവരുകയാണ്. മാസാന്തം കൊടുക്കുന്ന ചെലവ് തുകയുടെ പേരിൽ അച്ഛൻ ചിട്ടിയപ്പ മകൻ തിമ്മയ്യയുമായി വഴക്കിടാറുണ്ടായിരുന്നു. ചിട്ടിയപ്പക്ക് മറ്റൊരു മകനുമുണ്ട്. മരിച്ച തിമ്മയ്യക്ക് ഭാര്യയും ഒരു മകനുമുണ്ട്.