പാർലമെന്റ് സമ്മേളനം ജൂലൈ 18ന് തുടങ്ങും

ന്യൂഡൽഹി: പാർലമെന്റിന്റെ വർഷകാല സമ്മേളനം ജൂലൈ 18ന് തുടങ്ങിയേക്കും. രാഷ്ട്രപതി തെരഞ്ഞെടുപ്പ് അന്നാണ്. ഉപരാഷ്ട്രപതി തെരഞ്ഞെടുപ്പ് നടക്കേണ്ടത് വർഷകാല സമ്മേളനത്തിലാണ്.

ആഗസ്റ്റ് 10 വരെയാണ് രാജ്യസഭ ചെയർമാൻ കൂടിയായ ഉപരാഷ്​ട്രപതി എം.​ വെങ്കയ്യനായിഡുവി​ന്റെ പ്രവർത്തന കാലാവധി. രാഷ്ട്രപതി തെരഞ്ഞെടുപ്പിന്റെ വരണാധികാരി രാജ്യസഭ സെക്രട്ടറി ജനറലാണ്. ​

ഉപരാഷ്ട്രപതി തെരഞ്ഞെടുപ്പിന്റെ വരണാധികാരി ലോക്സഭ സെക്രട്ടറി ജനറലായിരിക്കും. ആഗസ്റ്റ് 12 വരെ നീളുന്ന വർഷകാല സമ്മേളനത്തിനാണ് സർക്കാർ ഒരുങ്ങുന്നത്. ഇതിന് പാർലമെന്ററികാര്യ മന്ത്രിസഭ സമിതി ശിപാർശ ചെയ്തു.