Begin typing your search above and press return to search.
proflie-avatar
Login
exit_to_app
exit_to_app
afspa
cancel
camera_alt

representative image

Homechevron_rightNewschevron_rightIndiachevron_rightസൈന്യത്തിന്​ പ്രത്യേക...

സൈന്യത്തിന്​ പ്രത്യേക അധികാരം നൽകുന്ന 'അഫ്​സ്​പ' പിൻവലിക്കാൻ നാഗാലാൻഡ്​ സർക്കാർ കേന്ദ്രത്തിന്​ കത്തെഴുതും

text_fields
bookmark_border

കൊഹിമ: സൈനിക നടപടിയിൽ 14 സാധാരണക്കാർ കൊല്ലപ്പെട്ടതിന്​ പിന്നാലെയുണ്ടായ ജരോഷത്തിനിടെ, സായുധ സേനയുടെ പ്രത്യേക അധികാര നിയമമായ 'അഫ്​സ്​പ' പിൻവലിക്കണമെന്നാവശ്യപ്പെട്ട് നാഗാലാൻഡ് സർക്കാർ കേന്ദ്രത്തിന് കത്തെഴുതും. ആയിരക്കണക്കിന് സ്വദേശികളും വിദേശികളുമായ വിനോദസഞ്ചാരികളെ ആകർഷിക്കുന്ന വാർഷിക പരിപാടിയായ ഹോൺബിൽ ഫെസ്റ്റിവലും നാഗാലാൻഡ് നിർത്തലാക്കും. നാഗാലാൻഡ് മന്ത്രിസഭയുടെ അടിയന്തര യോഗത്തിലാണ് തീരുമാനങ്ങൾ കൈക്കൊണ്ടത്.

സൈനിക വെടിവെപ്പിനെതിരെ പ്രതിഷേധം ഉയരുന്നതിനിടെ, സംസ്​ഥാനത്ത്​ നിലവിലുള്ള സൈനിക പ്രത്യേക അധികാര നിയമം (അഫ്​സ്​പ) പിൻവലിക്കണമെന്ന ആവശ്യം ശക്തമായിട്ടുണ്ട്​. മേഘാലയ മുഖ്യമന്തി കോൺറഡ്​ കെ. സാങ്​മ ഉൾപ്പെടെയുള്ളവർ ഈ ആവശ്യം കഴിഞ്ഞദിവസം ഉന്നയിച്ചിരുന്നു. സാങ്​മയുടെ പാർട്ടിയായ 'എൻ.പി.പി' ബി.ജെ.പിയുടെ സഖ്യകക്ഷിയാണ്​.

സംസ്​ഥാന കോൺഗ്രസ്​ ഘടകവും ഈ ആവശ്യം ഉന്നയിച്ച്​ മുഖ്യമന്ത്രിക്ക്​ പിന്തുണ അറിയിച്ചു. 'അഫ്​സ്​പ' വിഷയത്തിൽ മുഖ്യമന്തി യോഗം വിളിക്കണമെന്ന്​ കോൺഗ്രസ്​ ആവശ്യപ്പെട്ടിരുന്നു.

'ദ ഹൈന്നീവ്​ട്രെപ്​ യൂത്ത്​ കൗൺസിൽ' (എച്ച്​.വൈ.സി), ഖാസി സ്​റ്റുഡൻറ്​ യൂനിയൻ (കെ.എസ്​.യു) തുടങ്ങിയ സംഘടനകളും ഇതേ ആവശ്യവുമായി രംഗത്തെത്തി. മേഖലയിലെ സൈനിക സാന്നിധ്യം കുറക്കണമെന്നും ഇവർ ആവശ്യപ്പെട്ടിട്ടുണ്ട്​.

രാജ്യത്തെ ഇടതുകക്ഷികളും 'അഫ്​സ്​പ'ക്കെതിരെ രംഗത്തുവന്നു. ഇൻറിലജൻസ്​ പിഴവാണ്​ കൊലയിലേക്ക്​ നയിച്ചതെന്ന സൈന്യത്തി​െൻറ വിശദീകരണം തൃപ്​തികരമല്ലെന്നും സംഭവത്തിൽ വിശദ അന്വേഷണം നടത്തി കുറ്റക്കാർക്ക്​ ശിക്ഷ ഉറപ്പാക്കണമെന്നും സി.പി.എം പ്രസ്​താവനയിൽ പറഞ്ഞു. മേഖലയിൽ സമാധാനം സ്​ഥാപിക്കുന്നതിൽ 'അഫ്​സ്​പ' ഫലപ്രദമല്ലെന്ന്​ വ്യക്തമായതായി സി.പി.ഐ അഭിപ്രായപ്പെട്ടു.

അസമിലെ പ്രതിപക്ഷ കക്ഷികളും 'അഫ്​സ്​പ'ക്കെതിരെ പ്രതിഷേധമുയർത്തി. കോടതിയോട്​ ഉത്തരം പറ​യേണ്ട ബാധ്യത 'അഫ്​സ്​പ' ഇല്ലാതാക്കുന്നത്​ അതിക്രമങ്ങൾക്ക്​ തുണയാവുകയാണെന്ന്​ 'റെയ്​ജോർ ദൾ' അധ്യക്ഷൻ അഖിൽ ഗോഗോയ്​ പറഞ്ഞു.

'അസം ജാതീയ പരിഷദ്​' അധ്യക്ഷൻ ലുറിൻജ്യോതി ഗോഗോയ്​ 'അഫ്​സ്​പ'ക്കെതിരെ ആഞ്ഞടിച്ചു. സൈന്യം ​സ്വന്തം ജനതയെ കൊന്നൊടുക്കുന്നത്​ ഹൃദയം തകർക്കുന്ന സംഭവമാണെന്ന്​ അദ്ദേഹം പറഞ്ഞു.

നാഗാലാൻഡ്​ സംഭവം 'അഫ്​സ്​പ'യെ ചോദ്യമുനയിലാക്കിയതായി മുതിർന്ന തൃണമൂൽ കോൺഗ്രസ്​ നേതാവ്​ സുഷ്​മിത ദേവ്​ പറഞ്ഞു. വിഷയത്തിൽ അമിത്​ ഷാ വടക്കു കിഴക്കൻ സംസ്​ഥാന മുഖ്യമന്ത്രിമാരുടെ യോഗം വിളിക്കണമെന്നും തൃണമൂൽ ആവശ്യപ്പെട്ടു. തൃണമൂൽ സംഘം അടുത്തയാഴ്​ച വെടിവെപ്പുണ്ടായ സ്​ഥലം സന്ദർശിക്കും.

എന്താണ്​ അഫ്​സ്​പ?

സംഘർഷ മേഖലകളിൽ സൈന്യത്തിന്​ സവിശേഷ അധികാരം നൽകുന്ന 1958ലെ നിയമമാണ്​ 'അഫ്​സ്​പ' അഥവാ 'ആംഡ്​ ഫോഴ്​സസ്​ സ്​പെഷൽ പവേഴ്​സ്​ ആക്​ട്​'. 'സംഘർഷ ബാധിത മേഖലക'ളായി തരംതിരിച്ച ​പ്രദേശങ്ങളിലാണ്​ ഈ നിയമം നടപ്പാക്കുന്നത്​.

ഇവിടെ സൈന്യത്തിനും പൊലീസിനും വെടിവെപ്പ്​ നടത്താനും വീടുകളിൽ തിരച്ചിൽ നടത്താനുമുള്ള അധികാരമുണ്ടായിരിക്കും. തീവ്രവാദം, ഭീകരത, രാജ്യത്തി​െൻറ അഖണ്ഡതക്കുള്ള വെല്ലുവിളി തുടങ്ങിയ സാഹചര്യങ്ങളിൽ നിയമം നടപ്പാക്കാം. സംശയത്തി​െൻറ പേരിൽ പോലും വാറൻറില്ലാതെ അറസ്​റ്റു ചെയ്യാം.

സേനയുടെ പ്രവർത്തനങ്ങൾക്ക്​ സമ്പൂർണ നിയമ പരിരക്ഷ ലഭിക്കും. നിലവിൽ അസം, നാഗാലാൻഡ്​ (ഇംഫാൽ മുനിസിപ്പൽ കൗൺസിൽ മേഖല ഒഴികെ) എന്നിവിടങ്ങളിലും അരുണാചൽ പ്രദേശിലെ ചില ജില്ലകളും അതിർത്തി പ്രദേശങ്ങളിലും ഈ നിയമമുണ്ട്​. ക്വിറ്റ്​ ഇന്ത്യ സമരം അടിച്ചമർത്താൻ ബ്രിട്ടീഷുകാർ 1942ൽ കൊണ്ടുവന്ന ഓർഡിനൻസി​െൻറ തുടർച്ചയാണിത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:nagalandafspa
News Summary - The Nagaland government will write to the Center to withdraw the AFSPA
Next Story