അഭിഭാഷകനെത്തിയില്ല; ശർജീൽ ഇമാമിന്‍റെ ഹരജി നീട്ടി

ന്യൂഡൽഹി: പൗരത്വ സമരവേദിയിൽ നടത്തിയ പ്രസംഗത്തിന് ജയിലിലടക്കപ്പെട്ട ജെ.എൻ.യു വിദ്യാർഥി ശർജീൽ ഇമാം സുപ്രീംകോടതിയിൽ സമർപ്പിച്ച ഹരജി കേൾക്കുന്നത് രണ്ടാഴ്ചത്തേക്ക് മാറ്റി. തനിക്കെതിരെ വിവിധ സംസ്ഥാനങ്ങളിൽ രജിസ്റ്റർ ചെയ്ത എഫ്.ഐ.ആറുകൾ ഒന്നാക്കി വിചാരണ നടത്താൻ സമർപ്പിച്ച ഹരജിയിൽ ശർജീലിനുവേണ്ടി വാദിക്കുന്ന മുതിർന്ന അഭിഭാഷകന് ചൊവ്വാഴ്ച ഹാജരാകാൻ കഴിയാതിരുന്നതിനാലാണ് നീട്ടിയത്.