ഗീ​ത പ്ര​സി​ന്​ ഗാ​ന്ധി പു​ര​സ്കാ​രം നി​ശ്ച​യി​ച്ച​ത്​ ജൂ​റി​യെ ഇ​രു​ട്ടി​ൽ നി​ർ​ത്തി

ന്യൂ​ഡ​ൽ​ഹി: ഗീ​ത പ്ര​സി​ന്​ ഗാ​ന്ധി സ​മാ​ധാ​ന പു​ര​സ്കാ​രം ന​ൽ​കാ​ൻ സ​ർ​ക്കാ​ർ തീ​രു​മാ​നി​ച്ച​ത്​ ജൂ​റി​യെ ഇ​രു​ട്ടി​ൽ നി​ർ​ത്തി​യെ​ന്ന്​ വെ​ളി​പ്പെ​ടു​ത്ത​ൽ. പ്ര​ധാ​ന​മ​ന്ത്രി ന​രേ​ന്ദ്ര മോ​ദി അ​ധ്യ​ക്ഷ​നാ​യ സ​മി​തി​യാ​ണ്​ പു​ര​സ്കാ​രം ആ​ർ​ക്കു ന​ൽ​ക​ണ​മെ​ന്ന്​ നി​ശ്ച​യി​ക്കു​ന്ന​ത്. സ​മി​തി​യി​ൽ ലോ​ക്സ​ഭ​യി​ലെ ഏ​റ്റ​വും വ​ലി​യ പ്ര​തി​പ​ക്ഷ പാ​ർ​ട്ടി​യു​ടെ നേ​താ​വ്​ എ​ന്ന നി​ല​യി​ൽ കോ​ൺ​ഗ്ര​സ്​ നേ​താ​വ്​ അ​ധി​ർ ര​ഞ്ജ​ൻ ചൗ​ധ​രി അം​ഗ​മാ​ണ്. എ​ന്നാ​ൽ, അ​വാ​ർ​ഡ് നി​ർ​ണ​യ​ത്തെ​ക്കു​റി​ച്ച്​ താ​ൻ ഒ​ന്നും അ​റി​ഞ്ഞി​ട്ടി​ല്ലെ​ന്ന്​ അ​ധി​ർ ര​ഞ്ജ​ൻ വെ​ളി​പ്പെ​ടു​ത്തി.

ജൂ​റി​യു​ടെ ഒ​രു യോ​ഗ​ത്തി​ലേ​ക്കും ഫോ​ണി​ൽ പോ​ലും ത​ന്നെ ക്ഷ​ണി​ച്ചി​ട്ടി​ല്ല. ഗീ​ത പ്ര​സി​നാ​ണ്​ അ​വാ​ർ​ഡെ​ന്ന്​ മാ​ധ്യ​മ​ങ്ങ​ളി​ലൂ​ടെ​യാ​ണ്​ അ​റി​ഞ്ഞ​തെ​ന്നും ചൗ​ധ​രി പ​റ​ഞ്ഞു.

എ​ന്നാ​ൽ, ചൗ​ധ​രി​യെ ക്ഷ​ണി​ച്ചി​രു​ന്നെ​ന്നാ​ണ്​ സാം​സ്കാ​രി​ക മ​ന്ത്രാ​ല​യം അ​വ​കാ​ശ​പ്പെ​ടു​ന്ന​ത്. ബ​ന്ധ​പ്പെ​ടാ​ൻ പ​ല​വ​ട്ടം ശ്ര​മി​ച്ചി​ട്ടും പ്ര​തി​ക​ര​ണ​മൊ​ന്നും ല​ഭി​ച്ചി​ല്ലെ​ന്നും വി​ശ​ദീ​ക​രി​ക്കു​ന്നു.

ഗാ​ന്ധി സ​മാ​ധാ​ന പു​ര​സ്കാ​രം സ​മ്മാ​നി​ക്കു​ന്ന​തി​ന്​ ന​ട​പ​ടി​ക്ര​മ​ങ്ങ​ളു​ണ്ട്. അ​ത​നു​സ​രി​ച്ച്​ അ​ഞ്ചം​ഗ സ​മി​തി​യാ​ണ്​ ആ​ർ​ക്കു സ​മ്മാ​നം ന​ൽ​ക​ണ​മെ​ന്ന്​ തീ​രു​മാ​നി​ക്കു​ന്ന​ത്.

പ്ര​ധാ​ന​മ​ന്ത്രി, സു​പ്രീം​കോ​ട​തി ചീ​ഫ്​ ജ​സ്റ്റി​സ്, ലോ​ക്സ​ഭ​യി​ലെ ഏ​റ്റ​വും വ​ലി​യ പ്ര​തി​പ​ക്ഷ പാ​ർ​ട്ടി​യു​ടെ നേ​താ​വ്, ര​ണ്ടു​ പ്ര​മു​ഖ വ്യ​ക്തി​ക​ൾ എ​ന്നി​വ​രാ​ണ്​ ജൂ​റി അം​ഗ​ങ്ങ​ൾ.

ചു​രു​ങ്ങി​യ​ത് മൂ​ന്നു പേ​ർ പ​​ങ്കെ​ടു​ക്കു​ന്ന യോ​ഗ​ത്തി​ൽ വെ​ച്ചു വേ​ണം പു​ര​സ്കാ​രം ആ​ർ​ക്ക്​ ന​ൽ​ക​ണ​മെ​ന്ന്​ തീ​രു​മാ​നി​ക്കാ​ൻ.

ഹി​ന്ദു മ​ഹാ​സ​ഭ​യു​മാ​യി ഗീ​ത പ്ര​സി​നും ഗാ​ന്ധി ഘാ​ത​ക​നാ​യ ഗോ​ദ്​​സെ​ക്കു​മു​ള്ള ബ​ന്ധം ഇ​ത്ത​വ​​ണ​ത്തെ ഗാ​ന്ധി സ​മാ​ധാ​ന പു​ര​സ്കാ​ര​ത്തെ വി​വാ​ദ​ത്തി​ലാ​ക്കി​യ​തി​നു പി​ന്നാ​ലെ​യാ​ണ്​ ജൂ​റി അം​ഗ​ത്തി​ന്‍റെ വെ​ളി​പ്പെ​ടു​ത്ത​ൽ. സ​മ്മാ​ന​ത്തു​ക സ്വീ​ക​രി​ക്കാ​തെ പ്ര​ശം​സ​പ​ത്രം മാ​ത്രം സ്വീ​ക​രി​ക്കാ​നു​ള്ള പു​റ​പ്പാ​ടി​ലാ​ണ്​ ഗോ​ര​ഖ്​​പു​രി​ലെ ഹി​ന്ദു​ത്വാ​ശ​യ പ്ര​സാ​ധ​ന കേ​ന്ദ്ര​മാ​യ ഗീ​ത പ്ര​സ്.