രാജ്യത്ത്​ അരനൂറ്റാണ്ടിനിടെ ഉഷ്​ണതരംഗം കവർന്നത്​ 17,000 ജീവൻ

ന്യൂ​ഡ​ൽ​ഹി: ഇ​ന്ത്യ​യി​ൽ 50വ​ർ​ഷ​ത്തി​നി​ടെ 17,000ല​ധി​കം പേ​ർ ഉ​ഷ്​​ണ​ത​രം​ഗ​ത്തി​െൻറ ഇ​ര​ക​ളാ​യി ജീ​വ​ൻ​വെ​ടി​ഞ്ഞു​വെ​ന്ന്​ റി​പ്പോ​ർ​ട്ട്. രാ​ജ്യ​ത്തെ മു​ൻ​നി​ര കാ​ലാ​വ​സ്ഥ നി​രീ​ക്ഷ​ക​ർ ചേ​ർ​ന്ന്​ അ​ടു​ത്തി​ടെ പ്ര​സി​ദ്ധീ​ക​രി​ച്ച ഗ​വേ​ഷ​ണ പ്ര​ബ​ന്ധ​ത്തി​ലാ​ണ്​ ഇ​ക്കാ​ര്യ​മു​ള്ള​ത്. 1971മു​ത​ൽ 2019 വ​രെ​യു​ള്ള 48 വ​ർ​ഷ​ങ്ങ​ൾ​ക്കി​ടെ രാ​ജ്യ​ത്ത് 706 ഉ​ഷ്​​ണ​ത​രം​ഗ ങ്ങ​ളു​ണ്ടാ​യെ​ന്ന്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു.

ഭൗ​മ​ശാ​സ്ത്ര മ​ന്ത്രാ​ല​യം സെ​ക്ര​ട്ട​റി എം. ​രാ​ജീ​വ​ൻ, ശാ​സ്ത്ര​ജ്ഞ​രാ​യ ക​മ​ൽ​ജി​ത് റേ, ​എ​സ്.​എ​സ്. റേ, ​ആ​ർ.​കെ. ഗി​രി, എ.​പി. ദി​മ്രി എ​ന്നി​വ​ർ ചേ​ർ​ന്നാ​ണ്​ ഈ ​വ​ർ​ഷം ആ​ദ്യ​ത്തി​ൽ പ്ര​ബ​ന്ധം ത​യാ​റാ​ക്കി​യ​ത്. അ​ങ്ങേ​യ​റ്റ​ത്തെ കാ​ലാ​വ​സ്ഥ വ്യ​തി​യാ​ന സം​ഭ​വ​ങ്ങ​ളി​ലൊ​ന്നാ​ണ് 'ഹീ​റ്റ് വേ​വ്' അ​ഥ​വ ഉ​ഷ്​​ണ ത​രം​ഗം. ഈ ​കാ​ല​യ​ള​വി​ൽ ആ​ന്ധ്രാ​പ്ര​ദേ​ശ്, തെ​ല​ങ്കാ​ന, ഒ​ഡി​ഷ എ​ന്നി​വി​ട​ങ്ങ​ളി​ലാ​ണ​േ​ത്ര ഏ​റ്റ​വും കൂ​ടു​ത​ൽ മ​ര​ണം ന​ട​ന്ന​ത്.

ഉ​ഷ്​​ണ​ത​രം​ഗം ക​ടു​ത്ത​തോ​തി​ൽ സം​ഭ​വി​ക്കു​ന്ന പ്ര​ദേ​ശ​ങ്ങ​ളെ കോ​ർ ഹീ​റ്റ് വേ​വ് സോ​ൺ (സി.​എ​ച്ച്.​ഇ​സ​ഡ്) എ​ന്നു പ​റ​യു​ന്നു. പ​ഞ്ചാ​ബ്, ഹി​മാ​ച​ൽ പ്ര​ദേ​ശ്, ഉ​ത്ത​രാ​ഖ​ണ്ഡ്, ഡ​ൽ​ഹി, ഹ​രി​യാ​ന, രാ​ജ​സ്ഥാ​ൻ, ഉ​ത്ത​ർ​പ്ര​ദേ​ശ്, ഗു​ജ​റാ​ത്ത്, മ​ധ്യ​പ്ര​ദേ​ശ്, മ​ഹാ​രാ​ഷ്​​ട്ര, ഛത്തീ​സ്​​ഗ​ഢ്, ബി​ഹാ​ർ, ഝാ​ർ​ഖ​ണ്ഡ്, പ​ശ്ചി​മ ബം​ഗാ​ൾ, ഒ​ഡി​ഷ, ആ​ന്ധ്ര, തെ​ല​ങ്കാ​ന എ​ന്നീ സം​സ്ഥാ​ന​ങ്ങ​ളാ​ണ്​ ഈ ​വി​ഭാ​ഗ​ത്തി​ൽ.

വ​ട​ക്കെ അ​ർ​ധ​ഗോ​ള​ത്തി​െൻറ വി​വി​ധ ഭാ​ഗ​ങ്ങ​ളി​ൽ അ​ടു​ത്തി​ടെ​യു​ണ്ടാ​യ ഉ​ഷ്​​ണ​ത​രം​ഗ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ഈ ​പ​ഠ​നം വ​ലി​യ പ്രാ​ധാ​ന്യം അ​ർ​ഹി​ക്കു​ന്നു. പോ​യ​വാ​ര​ത്തി​െൻറ തു​ട​ക്ക​ത്തി​ൽ കാ​ന​ഡ​യി​ലും യു.​എ​സ്സി​ലും ഉ​ണ്ടാ​യ ക​ഠി​ന​മാ​യ ചൂ​ടി​ൽ നൂ​റു​ക​ണ​ക്കി​ന്​ പേ​ർ ഇ​തു​വ​രെ​യാ​യി മ​ര​ണ​പ്പെ​ട്ടു. 49 ഡി​ഗ്രി സെ​ൽ​ഷ്യ​സി​ൽ കൂ​ടു​ത​ൽ താ​പ​നി​ല​യാ​ണ്​ വാ​ൻ​കൂ​വ​റി​ൽ രേ​ഖ​പ്പെ​ടു​ത്തി​യ​ത്.

രാ​ജ്യ​ത്ത്​ ഉ​ത്ത​രേ​ന്ത്യ​ൻ സ​മ​ത​ല​ങ്ങ​ളി​ലും ഉ​യ​ർ​ന്ന പ്ര​ദേ​ശ​ങ്ങ​ളി​ലും ക​ഠി​ന ചൂ​ട് അ​നു​ഭ​വ​പ്പെ​ടു​ന്നു​ണ്ട്. സ​മ​ത​ല​ങ്ങ​ളി​ൽ പ​ല ഭാ​ഗ​ങ്ങ​ളി​ലും താ​പ​നി​ല 40 ഡി​ഗ്രി സെ​ൽ​ഷ്യ​സി​നു മു​ക​ളി​ലെ​ത്തി. രാ​ജ്യ​ത്തി​െൻറ പ​ല ഭാ​ഗ​ങ്ങ​ളി​ലും ഉ​ഷ്​​ണ​ത​രം​ഗ​ങ്ങ​ൾ ഉ​ണ്ടാ​കു​ന്നു​വെ​ന്ന്​ പു​തി​യ പ​ഠ​ന​ങ്ങ​ൾ പ​റ​യു​ന്ന​താ​യി ഭൗ​മ​ശാ​സ്​​ത്ര മ​ന്ത്രി ഹ​ർ​ഷ് വ​ർ​ധ​ൻ ക​ഴി​ഞ്ഞ വ​ർ​ഷം ജ​നു​വ​രി​യി​ൽ പാ​ർ​ല​മെൻറി​നെ അ​റി​യി​ച്ചി​രു​ന്നു. 2017ൽ ​രാ​ജ്യ​ത്ത് 30 ഉ​ഷ്​​ണ​ത​രം​ഗ​ങ്ങ​ൾ ഉ​ണ്ടാ​യി. കേ​ര​ള​ത്തി​ൽ ഇ​ത്​ ആ​റു ത​വ​ണ സം​ഭ​വി​ച്ചു.