'​ൈഹകോടതികൾ സുപ്രീം കോടതിക്ക്​ വഴികാട്ടുകയാണ്​'; സുദർശൻ ടി.വിക്കെതിരായ നടപടിയെ പ്രകീർത്തിച്ച്​ പ്രശാന്ത്​ ഭൂഷൻ

യു.പി.എസ്​.സി ജിഹാദ്​ എന്ന തലക്കെട്ടിൽ സുദർശൻ ടി.വി നടത്താനിരുന്ന വർഗീയ പരിപാടി തടഞ്ഞ ഡൽഹി ഹൈകോടതി വിധിയെ പ്രകീർത്തിച്ച്​ അഭിഭാഷകൻ പ്രശാന്ത്​ ഭൂഷൻ. രാജ്യത്ത്​ സമുദായങ്ങൾ തമ്മിൽ വെറുപ്പ്​ പരത്തുന്നത്​ ഗൗവരതരമായ കുറ്റമാണ്​. ഇതോടൊപ്പം ഹൈകോടതികൾ സുപ്രീം കോടതികൾക്ക്​ വഴികാട്ടുകയാമെന്നും അദ്ദേഹം ട്വിറ്ററിൽ കുറിച്ചു.

'സുദർശൻ ടി.വിയുടെ വർഗീയ പരിപാടി തടയാൻ ഡൽഹി ഹൈകോടതി തീരുമാനിച്ചിരിക്കുന്നു. രാജ്യത്ത്​ സമുദായങ്ങൾ തമ്മിൽ വെറുപ്പ്​ പരത്തുന്നത്​ ഗൗവരതരമായ കുറ്റമാണ്​. ഹൈകോടതികൾ സുപ്രീം കോടതികൾക്ക്​ വഴികാട്ടുകയാണ്​'-അദ്ദേഹം കുറിച്ചു. മുസ്​ലിംകൾ പരീക്ഷ ജയിക്കാനും ജിഹാദ്​ നടത്തുന്നുവെന്ന് ആരോപിച്ചാണ്​​ സുദർശൻ ടി.വി എഡിറ്റർ ഇൻ ചീഫ്​ സുരേഷ് ചവങ്കെ പ്രത്യേക പരിപാടി പ്രഖ്യാപിച്ചത്​.

യു.പി.എസ്​.സി ജിഹാദ്​ എന്ന ഹാഷ്​ടാഗിലായിരുന്നു പരിപാടിയുടെ പ്രമോഷൻ നടത്തിയത്​. ഇതിനായി പങ്കുവച്ച വീഡിയോയിൽ സുദർശൻ വംശീയതയും വർഗീയതയും നിറഞ്ഞ പ്രചരണമാണ്​ നടത്തിയത്​. 'ഉന്നത​ സർക്കാർ ജോലികളിൽ മുസ്​ലിംകളുടെ എണ്ണം കൂടുന്നു. ഇത്ര പെ​െട്ടന്ന്​ മുസ്​ലിംകൾ എങ്ങിനെ ​െഎ.എ.എസ്​, ​െഎ.പി.എസ്​ പോലുള്ള ഉയർന്ന പരീക്ഷകളിൽ ജയിക്കുന്നു.

ഇത്രയും കഠിന പരീക്ഷകളിൽ ഉന്നത മാർക്ക്​ നേടി ഇത്രയും കൂടുതൽ മുസ്​ലിംകൾ ജയിക്കാനുള്ള രഹസ്യം എന്താണ്​. ജാമിയയിലെ ജഹാദികൾ നമ്മുടെ ജില്ല അധികാരികളും വിവിധ മന്ത്രാലയങ്ങളിൽ ഉന്നത ഉദ്യോഗസ്​ഥരും ആയാലുള്ള അവസ്​ഥ എന്താകും. രാജ്യത്തെ ഭരണസംവിധാനങ്ങൾ മുസ്​ലിംകൾ പിടിച്ചെടുക്കുന്നതിനുപിന്നിലെ രഹസ്യം വെളിപ്പെടുന്നു'-യു.പി.എസ്​.സി ജിഹാദ് എന്ന ഹാഷ്​ടാഗിലായിരുന്നു ഇയാൾ പരിപാടിയുടെ പ്രചരണം നടത്തിയത്​.

ഇയാളുടെ ട്വിറ്റർ അകൗണ്ടിൽ കവർ ഫോ​േട്ടായായി നൽകിയിരിക്കുന്നത്​ പ്രധാനമന്ത്രി നരേന്ദ്ര മോദിയോടും ആഭ്യന്തര മന്ത്രി അമിത്​ ഷായോടും ഒപ്പമുള്ള ഫോ​േട്ടായാണ്​. സാമുദായിക സംഘർഷങ്ങൾ സൃഷ്ടിക്കുന്നതിനും മതപരമായ അക്രമങ്ങൾക്ക് പ്രേരിപ്പിക്കുന്നതിനും സുരേഷ് ചാവങ്കെ കുപ്രസിദ്ധനാണ്.