ഉന്നതർ അയോധ്യയിൽ വാങ്ങിക്കൂട്ടിയത് കോടികളുടെ ഭൂമി

ന്യൂ​ഡ​ൽ​ഹി: രാ​മ​ക്ഷേ​ത്രം നി​ര്‍മി​ക്കാ​ൻ സു​പ്രീം​കോ​ട​തി ഉ​ത്ത​ര​വു​വ​ന്ന 2019 ന​വം​ബ​ർ മു​ത​ല്‍ 2024 മാ​ര്‍ച്ച് വ​രെ​യു​ള്ള കാ​ല​യ​ള​വി​ൽ അ​രു​ണാ​ച​ൽ പ്ര​ദേ​ശ് ഉ​പ​മു​ഖ്യ​മ​ന്ത്രി​യു​ടെ മ​ക്ക​ൾ മു​ത​ൽ രാ​ഷ്ട്രീ​യ, ഉ​ദ്യോ​ഗ​സ്ഥ ഉ​ന്ന​ത​രും കോ​ർ​പ​റേ​റ്റ് കു​ത്ത​ക​ക​ൾ വ​രെ​യു​ള്ള​വ​രും അ​യോ​ധ്യ​യി​ൽ ഭൂ​മി വാ​ങ്ങി​ക്കൂ​ട്ടി. ഇ​ക്കാ​ല​യ​ള​വി​ൽ ​അ​യോ​ധ്യ​ക്ക് 15 കി​ലോ​മീ​റ്റ​ർ ചു​റ്റ​ള​വി​ൽ 2,500 ഭൂ​മി കൈ​മാ​റ്റ ര​ജി​സ്ട്രേ​ഷ​നു​ക​ളാ​ണ് ന​ട​ന്ന​തെ​ന്ന് ക​ണ​ക്കു​ക​ൾ വ്യ​ക്ത​മാ​ക്കു​ന്നു. പ​ല​രും പി​ന്നീ​ട് ഭൂ​മി ഉ​യ​ർ​ന്ന വി​ല​ക്ക് മ​റി​ച്ചു​വി​റ്റ് ലാ​ഭം കൊ​യ്തു.

ലോ​ക്സ​ഭ തെ​ര​ഞ്ഞെ​ടു​പ്പി​ൽ അ​യോ​ധ്യ സ്ഥി​തി​ചെ​യ്യു​ന്ന ഫൈ​സാ​ബാ​ദ് മ​ണ്ഡ​ലം ബി.​ജെ.​പി​യി​ൽ​നി​ന്നും ഇ​ൻ​ഡ്യ മു​ന്ന​ണി പി​ടി​ച്ചെ​ടു​ത്തി​രു​ന്നു. ഇ​തി​നു പി​ന്നാ​ലെ ‘ദ ​ഇ​ന്ത്യ​ൻ എ​ക്സ്പ്ര​സ്’ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ബി.​ജെ.​പി​യു​മാ​യി ബ​ന്ധ​മു​ള്ള ഉ​ന്ന​ത​ർ അ​യോ​ധ്യ​യി​ലും പ​രി​സ​ര​ത്തും ഭൂ​മി വാ​ങ്ങി​ക്കൂ​ട്ടി​യ​തി​ന്റെ​യും വി​ൽ​പ​ന ന​ട​ത്തി​യ​തി​ന്റെ​യും കൂ​ടു​ത​ൽ വി​ശ​ദാം​ശ​ങ്ങ​ൾ പു​റ​ത്തു​വ​ന്ന​ത്.

അ​രു​ണാ​ച​ല്‍പ്ര​ദേ​ശ് ഉ​പ​മു​ഖ്യ​മ​ന്ത്രി​യു​ടെ മ​ക്ക​ളാ​യ ചൗ ​കാ​ന്‍ സെ​ങ് മേ​ന്‍, ആ​ദി​ത്യ മേ​ന്‍ എ​ന്നി​വ​ര്‍, ക്ഷേ​ത്രം നി​ർ​മി​ച്ച സ്ഥ​ല​ത്തു​നി​ന്നും എ​ട്ടു കി​ലോ​മീ​റ്റ​ർ അ​ക​ലെ സ​ര​യൂ ന​ദി​ക്ക​ര​യി​ലാ​യി 2022 സെ​പ്റ്റം​ബ​റി​നും 2023 സെ​പ്റ്റം​ബ​റി​നും ഇ​ട​യി​ല്‍ 3.99 ഹെ​ക്ട​ര്‍ ഭൂ​മി​യാ​ണ് 3.72 കോ​ടി രൂ​പ​ക്ക് വാ​ങ്ങി​യ​ത്. ഇ​തി​ൽ 0.768 ഹെ​ക്ട​ര്‍ ഭൂ​മി 98 ല​ക്ഷം രൂ​പ​ക്ക് 2023 ഏ​പ്രി​ല്‍ 25ന് ​വി​ൽ​ക്കു​ക​യും ചെ​യ്തു.

ദേ​ശീ​യ വ​നി​താ ഗു​സ്തി താ​ര​ങ്ങ​ൾ​ക്ക് നേ​രെ​യു​ണ്ടാ​യ ലൈം​ഗി​കാ​തി​ക്ര​മ കേ​സി​ലെ പ്ര​തി​യും ബി.​ജെ.​പി നേ​താ​വു​മാ​യ മു​ന്‍ എം.​പി ബ്രി​ജ്ഭൂ​ഷ​ണ്‍ സി​ങ്ങി​ന്റെ കു​ടും​ബ​വും സ്ഥ​ലം വാ​ങ്ങി​ക്കൂ​ട്ടി​യി​ട്ടു​ണ്ട്. ഇ​ദ്ദേ​ഹ​ത്തി​ന്റെ മ​ക​ൻ ക​ര​ണ്‍ ഭൂ​ഷ​ണി​ന്റെ ഉ​ട​മ​സ്ഥ​ത​യി​ലു​ള്ള ന​ന്ദി​നി ഇ​ന്‍ഫ്രാ​സ്ട്ര​ക്ച​ര്‍ അ​യോ​ധ്യ​ക്ക് സ​മീ​പം മ​ഹേ​ഷ​ർ പു​രി​ല്‍ 2023 ജ​നു​വ​രി​യി​ൽ 1.15 കോ​ടി രൂ​പ മു​ട​ക്കി 0.97 ഹെ​ക്ട​ര്‍ ഭൂ​മി​യാ​ണ് വാ​ങ്ങി​യ​ത്. ആ​റ് മാ​സ​ത്തി​നു​ശേ​ഷം 635.72 സ്‌​ക്വ​യ​ര്‍ മീ​റ്റ​ര്‍ ഭൂ​മി 60.96 ല​ക്ഷ​ത്തി​ന് വി​ൽ​ക്കു​ക​യു​മു​ണ്ടാ​യി.

യു.​പി സ്‌​പെ​ഷ​ല്‍ ടാ​സ്‌​ക് ഫോ​ഴ്‌​സ് ചീ​ഫ് അ​ഡീ​ഷ​ന​ല്‍ ഡി.​ജി.​പി അ​മി​താ​ഭ് യ​ഷ് ഐ.​പി.​എ​സി​ന്റെ മാ​താ​വ് ഗീ​ത സി​ങ്ങി​ന്റെ പേ​രി​ൽ 2022 ഫെ​ബ്രു​വ​രി​ക്കും 2024 ഫെ​ബ്രു​വ​രി​ക്കും ഇ​ട​യി​ൽ ക്ഷേ​ത്ര​ത്തി​ന് എ​ട്ടു​മു​ത​ല്‍ 13 കി​ലോ​മീ​റ്റ​ര്‍ വ​രെ ചു​റ്റ​ള​വി​ലു​ള്ള മ​ഹേ​ഷ​ര്‍പു​ർ, ദു​ര്‍ഗാ​ഗ​ഞ്ച്, യ​ദു​വം​ശ്പു​ർ എ​ന്നി​വി​ട​ങ്ങ​ളി​ലാ​യി 9.955 ഹെ​ക്ട​ര്‍ ഭൂ​മി​യാ​ണ് വാ​ങ്ങി​യ​ത്. ഇ​തി​ൽ 0.505 ഹെ​ക്ട​ര്‍ 20.40 ല​ക്ഷം രൂ​പ​ക്ക് വി​ൽ​പ​ന ന​ട​ത്തി.

2023 സെ​പ്റ്റം​ബ​റി​ൽ അ​ദാ​നി ഗ്രൂ​പ് ക്ഷേ​​ത്ര സ​മു​ച്ച​യ​ത്തി​ൽ​നി​ന്നും ആ​റു കി​ലോ​മീ​റ്റ​ർ അ​ക​ലെ 1.4 ഹെ​ക്ട​ര്‍ കൃ​ഷി ഭൂ​മി​യാ​ണ് 3.55 കോ​ടി​ക്ക് വാ​ങ്ങി​യ​ത്. മ​ഹാ​രാ​ഷ്ട്ര മ​ന്ത്രി മം​ഗ​ൾ പ്ര​ഭാ​ത് ലോ​ധ​യു​ടെ മ​ക​ന്റെ പേ​രി​ലു​ള്ള എ​ച്ച്.​ഒ.​എ.​ബി.​എ​ല്‍ ക​മ്പ​നി 2023 ജൂ​ണി​നും 2024 മാ​ര്‍ച്ചി​നും ഇ​ട​യി​ല്‍ 17.73 ഹെ​ക്ട​ര്‍ കൃ​ഷി​ഭൂ​മി​യും 12,693 സ്‌​ക്വ​യ​ര്‍ മീ​റ്റ​ര്‍ പാ​ര്‍പ്പി​ട ഭൂ​മി​യും വാ​ങ്ങി. സ​മീ​പം 7.54 ഹെ​ക്ട​ര്‍ ഭൂ​മി കൂ​ടി പി​ന്നീ​ട് വാ​ങ്ങി. ആ​കെ 105.39 കോ​ടി രൂ​പ​യു​ടെ ഭൂ​മി ഇ​ട​പാ​ടാ​ണ് ക​മ്പ​നി ന​ട​ത്തി​യ​ത്.

യു.​പി ബി.​ജെ.​പി എം.​എ​ൽ.​എ അ​ജ​യ് സി​ങ്ങി​ന്റെ സ​ഹോ​ദ​ര​ന്‍ കൃ​ഷ്ണ കു​മാ​ര്‍ സി​ങ്, ഗോ​സ​യ്ഗ​ഞ്ച് ന​ഗ​ര്‍ പ​ഞ്ചാ​യ​ത്ത് ബി.​ജെ.​പി നേ​താ​വ് വി​ജ​യ് ല​ക്ഷ്മി ജ​യ്‌​സ്വാ​ള്‍, അ​മേ​ത്തി ജി​ല്ല പ​ഞ്ചാ​യ​ത്ത് ചെ​യ​ര്‍പേ​ഴ്‌​സ​ൻ രാ​ജേ​ഷ് അ​ഗ്ര​ഹാ​രി അ​ട​ക്കം നൂ​റു​ക​ണ​ക്കി​ന് രാ​ഷ്ട്രീ​യ​ക്കാ​രും ഉ​യ​ർ​ന്ന ഉ​ദോ​ഗ​സ്ഥ​രും ഇ​ത്ത​ര​ത്തി​ൽ സ്ഥ​ലം വാ​ങ്ങു​ക​യും വി​ൽ​പ​ന ന​ട​ത്തു​ക​യും ചെ​യ്തി​ട്ടു​ണ്ട്.

കോടികളുടെ ഭൂമി തട്ടിപ്പെന്ന് അഖിലേഷ് യാദവ്

ല​ഖ്നോ: അ​യോ​ധ്യ​യി​ൽ കോ​ടി​ക​ളു​ടെ ഭൂ​മി ത​ട്ടി​പ്പ് ന​ട​ക്കു​ന്ന​താ​യി സ​മാ​ജ്‍വാ​ദി പാ​ർ​ട്ടി മേ​ധാ​വി അ​ഖി​ലേ​ഷ് യാ​ദ​വ് ആ​രോ​പി​ച്ചു. ഇ​വി​ടെ പു​റ​ത്തു​നി​ന്നു​ള്ള​വ​ർ ഭൂ​മി വാ​ങ്ങി​ക്കൂ​ട്ടു​ന്ന​തി​ൽ സം​സ്ഥാ​ന​ത്തെ ബി.​ജെ.​പി സ​ർ​ക്കാ​റി​നെ അ​ഖി​ലേ​ഷ് വി​മ​ർ​ശി​ച്ചു. അ​രു​ണാ​ച​ൽ ഉ​പ​മു​ഖ്യ​മ​ന്ത്രി മു​ത​ൽ യു.​പി പ്ര​ത്യേ​ക ദൗ​ത്യ സേ​ന മേ​ധാ​വി​വ​രെ​യു​ള്ള​വ​ർ അ​യോ​ധ്യ​യി​​ൽ ഭൂ​മി വാ​ങ്ങി​ക്കൂ​ട്ടു​ന്ന​താ​യു​ള്ള പ​ത്ര​വാ​ർ​ത്ത ഉ​ൾ​പ്പെ​ടെ ‘എ​ക്സി’​ൽ പോ​സ്റ്റ് ചെ​യ്താ​യി​രു​ന്നു അ​ഖി​ലേ​ഷി​ന്റെ വി​മ​ർ​ശ​നം. ഇ​വി​ട​ത്തെ ഭൂ​മി​യു​ടെ അ​ടി​സ്ഥാ​ന വി​ല സ​ർ​ക്കാ​ർ ഏ​ഴു വ​ർ​ഷ​മാ​യി കൂ​ട്ടു​ന്നി​ല്ല. ഇ​ത് വ​ഴി കോ​ടി​ക​ളു​ടെ ത​ട്ടി​പ്പാ​ണ് ഭൂ​മി ഇ​ട​പാ​ടി​ലൂ​ടെ ന​ട​ക്കു​ന്ന​ത്. അ​യോ​ധ്യ​യി​ൽ വി​ശ്വാ​സി​ക​ള​ല്ല, മാ​ഫി​യ​യാ​ണ് ഭൂ​മി വാ​ങ്ങി​ക്കൂ​ട്ടു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.