Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right...

സുരക്ഷയുണ്ടായിരുന്നെങ്കിൽ പിതാവ്​ കൊല്ലപ്പെടില്ലായിരുന്നുവെന്ന്​ ശൗര്യചക്ര ബൽവീന്ദർ സിങ്ങി​െൻറ മകൾ

text_fields
bookmark_border
സുരക്ഷയുണ്ടായിരുന്നെങ്കിൽ പിതാവ്​ കൊല്ലപ്പെടില്ലായിരുന്നുവെന്ന്​ ശൗര്യചക്ര ബൽവീന്ദർ സിങ്ങി​െൻറ മകൾ
cancel
camera_alt

ബൽവീന്ദർ സിങ്ങി​െൻറ മകൾ

ടാൺ ടരൺ(പഞ്ചാബ്​): ആവശ്യമായ സുരക്ഷ ഉണ്ടായിരുന്നെങ്കിൽ പിതാവ്​ കൊല്ലപ്പെടില്ലായിരുന്നുവെന്ന്​ അജ്ഞാതരായ അക്രമികളു​ടെ വെടിയേറ്റു മരിച്ച ശൗര്യചക്ര ജേതാവ്​ ബൽവീന്ദർ സിങ്ങി​െൻറ മകൾ ​പ്രാൺപ്രീത്​ കൗർ. സുരക്ഷ ആവശ്യപ്പെട്ട്​ നിരവധി അപേക്ഷകൾ നൽകിയിരുന്നുവെന്നും സർക്കാറും ഇൻറലിജൻസ്​ ഏജൻസികളുമാണ് മരണത്തിന്​ ഉത്തരവാദികളെന്നും അദ്ദേഹത്തി​െൻറ ഭാര്യയും ആരോപിച്ചു.

''ഞങ്ങൾക്ക്​ സുരക്ഷയുണ്ടായിരുന്നെങ്കിൽ ഇങ്ങനെ സംഭവിക്കില്ലായിരുന്നു. കൊലയാളികൾ തിരിച്ചടി ഭയന്നേനെ. ഞങ്ങൾ നിരവധി ഇ മെയിലുകളും അപേക്ഷകളും അയച്ചിരുന്നു. അധികാരികളെ നേരിൽ കാണുകയും ചെയ്​തു. പക്ഷെ ഞങ്ങൾക്ക്​ യാതൊരുവിധ സുരക്ഷയും ലഭിച്ചില്ല.'' - പ്രാൺപ്രീത്​ കൗർ പറഞ്ഞു.

അക്രമികളെ അറസ്​റ്റ്​ ചെയ്യാതെ മൃതദേഹം സംസ്​കരിക്കില്ലെന്ന്​ ബൽവീന്ദർ സിങ്ങി​െൻറ ഭാര്യ ജഗദീഷ്​ കൗർ നിലപാടെടുത്തിരുന്നു. എന്നാൽ അക്രമികളെ ഉടൻ പിടികൂടുമെന്ന അധികൃതരു​​ടെ ഉറപ്പിൻമേൽ ശനിയാഴ്​ച സംസ്​കാരം നടത്താൻ പിന്നീട്​ സമ്മതിക്കുകയായിരുന്നു. തങ്ങളുടെ​ സുരക്ഷ സർക്കാർ പിൻവലിച്ചുവെന്നും അവർ ആരോപിച്ചു.

''ഞങ്ങളു​ടെ കുടുംബത്തിന​ു നേരെ ആക്രമണം നടന്നതുമായി ബന്ധപ്പെട്ട്​ 42 പ്രഥമ വിവര റിപ്പോർട്ടുകളാണ്​ രജിസ്​റ്റർ ചെയ്​തത്​. ഇതുകൂടാതെ രേഖ​പ്പെടുത്താത്ത എണ്ണമറ്റ ആക്രമണങ്ങൾ വേറെയും നടന്നു. സുരക്ഷ പിൻവലിച്ചത്​ തെറ്റായിരുന്നു. '' -ജഗദീഷ്​ കൗർ പറഞ്ഞു.

ബൽവീന്ദർ സിങ്ങി​െൻറ മരണത്തിന്​ സർക്കാറും ജില്ലാ ഭരണകൂടവും ഇൻറലിജൻസ്​ ഏജൻസികളുമാണ്​ ഉത്തരവാദികൾ. സുരക്ഷയെ ഒരു പദവി ചിഹ്​നമായി കണക്കാക്കുന്നവർക്ക്​ അത്​ നൽകുന്നു. യഥാർഥത്തിൽസുരക്ഷ ആവശ്യമുണ്ടായിരുന്ന തങ്ങൾക്ക്​ അത്​ നൽകിയില്ലെന്നും അവർ കൂട്ടിച്ചേർത്തു.

പഞ്ചാബിൽ ഭീകരവാദത്തിനെതിരെ​ പോരാട്ടം നടത്തിയ ശൗര്യ ചക്ര ജേതാവ്​ ബൽവീന്ദർ സിങ്​ സന്ദു കഴിഞ്ഞ വെള്ളിയാഴ്​ചയാണ് അദ്ദേഹത്തി​െൻറ വീട്ടിൽ വെച്ച​ അജഞാതരായ അക്രമികളാൽ വെടിയേറ്റു മരിച്ചത്​. രണ്ട്​ പേർ അദ്ദേഹത്തി​െൻറ വസതിയിലെത്തുകയും അതിൽ ഒരാൾ വീടിനകത്ത്​ കടന്ന്​ സിങ്ങിന്​ നേരെ നിറയൊഴിക്കുകയുമായിരുന്നു.

ഭീകരവാദികളുടെ വധഭീഷണിയുണ്ടായിരുന്ന ബൽവീന്ദർ സിങ്ങിനും കുടുംബത്തിനും സർക്കാർ സുരക്ഷ നൽകിയിരുന്നെങ്കിലും പിന്നീട്​ ജില്ല ഭരണകൂടത്തി​െൻറ ശിപാർശ കണക്കിലെടുത്ത്​ അത്​ പിൻവലിക്കുകയായിരുന്നു.

Show Full Article
TAGS:Balwinder Singh 
News Summary - The daughter of Shaurya Chakra Balwinder Singh said that her father would not have been killed if there had been security
Next Story