മുഖ്യമന്ത്രി എത്തിയില്ല; മറാത്ത സംവരണ ഉപവാസ സമരം അവസാനിച്ചില്ല

മും​ബൈ: മു​ഖ്യ​മ​ന്ത്രി​യും ഉ​പ​മു​ഖ്യ​മ​ന്ത്രി​മാ​രും എ​ത്താ​ത്ത​തി​നാ​ൽ ഉ​പ​വാ​സ​സ​മ​രം അ​വ​സാ​നി​പ്പി​ക്കാ​തെ മ​റാ​ത്ത സം​വ​ര​ണ​പ്ര​ക്ഷോ​ഭ നേ​താ​വ്​ മ​നോ​ജ്​ ജ​രാ​ൻ​ഗെ പാ​ട്ടീ​ൽ. ഉ​പാ​ധി​ക​ളോ​ടെ ഉ​പ​വാ​സ സ​മ​രം അ​വ​സാ​നി​പ്പി​ക്കാ​ൻ ത​യാ​റാ​ണെ​ന്ന്​ ചൊ​വ്വാ​ഴ്ച സ​ർ​ക്കാ​റി​നെ അ​റി​യി​ച്ചി​രു​ന്നു. 30 ദി​വ​സ​ത്തി​ന​കം മ​റാ​ത്ത​ക​ളെ ഒ.​ബി.​സി കു​ൻ​ഭി വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി സാ​ക്ഷ്യ​പ​ത്രം ന​ൽ​ക​ണം, സ​മ​ര​ക്കാ​ർ​ക്കു​​നേ​രെ ലാ​ത്തി​ച്ചാ​ർ​ജി​ന്​ ഉ​ത്ത​ര​വി​ട്ട പൊ​ലീ​സ്​ ഉ​ദ്യോ​ഗ​സ്ഥ​രെ സ​സ്​​പെ​ൻ​ഡ് ചെ​യ്യ​ണം, സ​മ​ര​ക്കാ​ർ​ക്ക്​ എ​തി​രെ​യു​ള്ള കേ​സു​ക​ൾ പി​ൻ​വ​ലി​ക്ക​ണം, മു​ഖ്യ​മ​ന്ത്രി​യും ര​ണ്ട്​ ഉ​പ​മു​ഖ്യ​മ​ന്ത്രി​മാ​രും മ​റാ​ത്ത ച​ക്ര​വ​ർ​ത്തി ശി​വ​ജി​യു​ടെ പി​ൻ​ഗാ​മി ഉ​ദ​യ​ൻ രാ​ജെ ഭോ​സ്​​ലെ​യും നേ​രി​ട്ടെ​ത്ത​ണം, സ​ർ​ക്കാ​ർ രേ​ഖാ​മൂ​ലം ഉ​റ​പ്പു​ന​ൽ​ക​ണം എ​ന്നി​വ​യാ​ണ്​ ഉ​പാ​ധി​ക​ൾ. എ​ന്നാ​ൽ, മു​ഖ്യ​മ​ന്ത്രി​യും ഉ​പ​മു​ഖ്യ​മ​ന്ത്രി​മാ​രും ചെ​ന്നി​ല്ല.

പ​ക​രം മ​ന്ത്രി​സ​ഭ പ്ര​തി​നി​ധി​ക​ളെ വി​ടാ​മെ​ന്നാ​ണ്​ അ​റി​യി​ച്ച​ത്. മ​റാ​ത്ത പ്ര​ക്ഷോ​ഭ​ക​ർ​ക്കെ​തി​രെ​യു​ള്ള അ​ഞ്ച്​ കേ​സു​ക​ൾ പി​ൻ​വ​ലി​ക്കാ​മെ​ന്ന്​ ക​ഴി​ഞ്ഞ ദി​വ​സം സ​ർ​ക്കാ​ർ വാ​ക്കാ​ൽ ഉ​റ​പ്പു​ന​ൽ​കി​യി​രു​ന്നു. സ​മ​ര​ക്കാ​ർ​ക്ക്​ എ​തി​രെ ലാ​ത്തി​ച്ചാ​ർ​ജ്​ ന​ട​ത്തി​യ​തി​ന്​ ജ​ൽ​ന പൊ​ലീ​സ്​ സൂ​പ്ര​ണ്ടി​നെ നി​ർ​ബ​ന്ധ അ​വ​ധി​യി​ൽ വി​ടു​ക​യും എ.​എ​സ്.​പി, ഡി.​എ​സ്.​പി, അ​സി​സ്റ്റ​ന്റ്​ ഇ​ൻ​സ്​​പെ​ക്ട​ർ എ​ന്നി​വ​രെ സ​സ്​​പെ​ൻ​ഡ്​ ചെ​യ്യു​ക​യും ചെ​യ്തു. സം​വ​ര​ണം ന​ട​പ്പാ​ക്കാ​ൻ ഒ​ക്​​ടോ​ബ​ർ 11 വ​രെ​യാ​ണ്​ ജ​രാ​ൻ​ഗെ പാ​ട്ടീ​ൽ സ​ർ​ക്കാ​റി​ന്​ സ​മ​യം ന​ൽ​കി​യ​ത്.

ഇ​തി​നി​ട​യി​ൽ, മ​റാ​ത്ത സം​വ​ര​ണ ച​ർ​ച്ച​ക്കു​ശേ​ഷം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ന്​ തൊ​ട്ടു​മു​മ്പ്​ മു​ഖ്യ​മ​ന്ത്രി ഏ​ക്​​നാ​ഥ്​ ഷി​ൻ​ഡെ​യും ഉ​പ​മു​ഖ്യ​മ​ന്ത്രി​മാ​രാ​യ അ​ജി​ത്​ പ​വാ​ർ, ദേ​വേ​ന്ദ്ര ഫ​ഡ്​​നാ​വി​സും​ പ​ര​സ്പ​രം ന​ട​ത്തി​യ സം​സാ​ര​ത്തി​ന്റെ വി​ഡി​യോ ചോ​ർ​ന്ന​ത്​ സ​ർ​ക്കാ​റി​നെ പ്ര​തി​രോ​ധ​ത്തി​ലാ​ക്കി. പെ​ട്ടെ​ന്നു പ​റ​ഞ്ഞ്​ സ്ഥ​ലം​വി​ടാ​മ​ല്ലേ എ​ന്ന്​ ഷി​ൻ​ഡെ ചോ​ദി​ക്കു​ക​യും അ​തെ എ​ന്ന്​ അ​ജി​ത്​ പ​റ​യു​ന്ന​തും മൈ​ക്ക്​ ഓ​ണാ​ണെ​ന്ന്​ ഫ​ഡ്​​നാ​വി​സ്​ ഓ​ർ​മ​പ്പെ​ടു​ത്തു​ന്ന​തു​മാ​ണ്​ വി​ഡി​യോ.