ഉവൈസിയുടെ കാറിന് വെടിവെച്ച പ്രതിയുടെ വീട്ടിലെത്തി പിന്തുണച്ച് ബി.ജെ.പി നേതാവ്

ന്യൂ​ഡ​ൽ​ഹി: തെ​ര​ഞ്ഞെ​ടു​പ്പ്​ പ്ര​ചാ​ര​ണ​യാ​ത്ര​ക്കി​ട​യി​ൽ എ.​ഐ.​എം.​ഐ.​എം നേ​താ​വും എം.​പി​യു​മാ​യ അ​സ​ദു​ദ്ദീ​ൻ ഉ​വൈ​സി​യു​ടെ കാ​റി​ന് വെ​ടി​വെ​ച്ച കേ​സി​ലെ പ്ര​തി​യു​ടെ വീ​ട്ടി​ൽ 'ജ​യ്ശ്രീ​റാം' വി​ളി​ക​ളു​ടെ അ​ക​മ്പ​ടി​യോ​ടെ മ​ന്ത്രി​പ​ദ​വി​യു​ള്ള ബി.​ജെ.​പി നേ​താ​വ്. പ്ര​തി നി​ര​പ​രാ​ധി​യാ​ണെ​ന്നും കു​ടും​ബ​ത്തി​നൊ​പ്പം പാ​ർ​ട്ടി​യു​ണ്ടെ​ന്നു​മു​ള്ള പ്ര​ഖ്യാ​പ​ന​വും അ​ദ്ദേ​ഹം ന​ട​ത്തി. കാ​ബി​ന​റ്റ് റാ​ങ്കു​ള്ള തൊ​ഴി​ലാ​ളി​ക്ഷേ​മ ബോ​ർ​ഡ് ചെ​യ​ർ​മാ​ൻ സു​നി​ൽ ഭ​റാ​ല​യാ​ണ് ബു​ധ​നാ​ഴ്ച പ​ശ്ചി​മ യു.​പി​യി​ലെ ദാ​​ദ്രി​ക്കാ​ര​നാ​യ പ്ര​തി സ​ചി​ൻ ശ​ർ​മ​യു​ടെ വീ​ട്ടി​ലെ​ത്തി​യ​ത്. അ​യാ​ളും ര​ണ്ടാ​മ​ത്തെ പ്ര​തി ശു​ഭ​വും ഇ​പ്പോ​ൾ ജ​യി​ലി​ലാ​ണ്.

നി​ര​പ​രാ​ധി​യാ​യ ഒ​രു മ​നു​ഷ്യ​നെ ശി​ക്ഷി​ക്കാ​ൻ പാ​ടി​ല്ലെ​ന്നും നി​ഷ്​​​​പ​ക്ഷ​മാ​യ അ​ന്വേ​ഷ​ണം ന​ട​ക്ക​ണ​മെ​ന്നും ബി.​ജെ.​പി നേ​താ​വ് പ​റ​ഞ്ഞു. സ​ചി​ന്റെ മാ​താ​പി​താ​ക്ക​ളെ​യും സ​ഹോ​ദ​ര​നെ​യും ക​ണ്ടു. കേ​സി​ൽ അ​യാ​ൾ ഉ​ൾ​പ്പെ​ട്ടു​വെ​ന്നു​പോ​ലും ഉ​റ​പ്പി​ല്ല. എ​ല്ലാ നേ​ര​ത്തും ഉ​വൈ​സി​യു​ടെ ഭാ​ഷ മോ​ശ​മാ​ണ്. സ​ചി​ന്റെ കു​ടും​ബ​ത്തി​ന് എ​ല്ലാ പി​ന്തു​ണ​യും ഉ​റ​പ്പു​ന​ൽ​കി​യി​ട്ടു​ണ്ട് -സു​നി​ൽ ഭ​റാ​ല പ​റ​ഞ്ഞു.

ഈ ​മാ​സം മൂ​ന്നി​നാ​ണ് ഉ​വൈ​സി​യു​ടെ കാ​റി​നു​നേ​രെ ഹാ​പൂ​രി​നു സ​മീ​പം ടോ​ൾ പ്ലാ​സ​യി​ൽ വെ​ച്ച് വെ​ടി​യേ​റ്റ​ത്. ആ​ർ​ക്കും പ​രി​ക്കേ​റ്റി​ല്ല. സം​ഭ​വ​ത്തെ തു​ട​ർ​ന്ന് സു​ര​ക്ഷാ​ഭീ​ഷ​ണി മു​ൻ​നി​ർ​ത്തി ആ​ഭ്യ​ന്ത​ര മ​ന്ത്രി അ​മി​ത് ഷാ ​വാ​ഗ്ദാ​നം ചെ​യ്ത സെ​ഡ്-​കാ​റ്റ​ഗ​റി സു​ര​ക്ഷ ഉ​വൈ​സി നി​ര​സി​ച്ചി​രു​ന്നു. രാ​ജ്യ​ത്തെ ന്യൂ​ന​പ​ക്ഷ​ങ്ങ​ളും ദു​ർ​ബ​ല വി​ഭാ​ഗ​ങ്ങ​ളും സു​ര​ക്ഷി​ത​രാ​ണെ​ങ്കി​ൽ താ​നും സു​ര​ക്ഷി​ത​നാ​ണെ​ന്നാ​യി​രു​ന്നു ഉ​വൈ​സി​യു​ടെ നി​ല​പാ​ട്. എം.​പി​ക്കു​നേ​രെ വെ​ടി​വെ​ച്ച​വ​ർ​ക്കെ​തി​രെ യു.​എ.​പി.​എ ചു​മ​ത്താ​ത്ത​തി​നെ ഉ​വൈ​സി പാ​ർ​ല​മെ​ന്റി​ൽ ചോ​ദ്യം ചെ​യ്തി​രു​ന്നു.