താനെയിൽ കാർ മോഷ്ടിച്ചതിന് പതിനേഴുകാരൻ പിടിയിൽ

മുംബൈ: മഹാരാഷ്ട്രയിലെ താനെയിൽ കാർ മോഷ്ടിച്ചതിന് 17 വയസ്സുള്ള ആൺകുട്ടിയെ പൊലീസ് അറസ്റ്റ് ചെയ്തു. ഞായറാഴ്ച ക്യാബ് ഡ്രൈവർ ഒരു യാത്രക്കാരനെയും കൊണ്ട് കല്യാണിലേക്ക് ട്രിപ്പ് പോയിരുന്നു. മുംബൈ - നാസിക് റൂട്ടിലെ ഒരു ഗ്രാമത്തിൽ പ്രകൃതിദൃശ്യങ്ങൾ കാണാന്‍ വേണ്ടി ഇരുവരും പുറത്തിറങ്ങിയപ്പോഴാണ് മോഷണം നടന്നത്.

ക്യാബ് ഡ്രൈവറെയും യാത്രക്കാരനെയും റോഡരികിലെ കുഴിയിലേക്ക് തള്ളിയിട്ട് പ്രതി കാറുമായി രക്ഷപ്പെടുകയായിരുന്നെന്ന് കോങ്കാവ് പൊലീസ് പറഞ്ഞു.

തിങ്കളാഴ്ച പൊലീസ് നടത്തിയ അന്വേഷണത്തിലാണ് കൽവ പ്രദേശത്തിനടുത്ത് നിന്ന് കാറിൽ യാത്രചെയ്യുന്ന പ്രതിയെ കണ്ടെത്തുന്നത്. പ്രതിയെ കസ്റ്റഡിയിലെടുത്തതായും ബന്ധപ്പെട്ട വകുപ്പുകൾ പ്രകാരം കേസെടുത്തതായും പൊലീസ് അറിയിച്ചു.