പ്രളയക്കെടുതി: സഹായം വേണ്ടെന്ന്​ ഇന്ത്യ അനൗപചാരികമായി അറിയി​ച്ചെന്ന്​ തായ്​ അംബാസഡർ

ന്യൂഡൽഹി: കേരളത്തിലെ പ്രളയത്തി​​​​െൻറ പശ്ചാത്തലത്തിൽ തായ്​ലൻറ്​ വാഗ്​ദാനം ചെയ്​ത അന്താരാഷ്​ട്ര സഹായം സ്വീകരിക്കില്ലെന്ന്​ ഇന്ത്യ അനൗപചാരികമായി അറിയിച്ചുവെന്ന്​ ഇന്ത്യയിലെ തായ്​ലൻറ്​ അംബാസഡർ  ട്വീറ്റ്​ ചെയ്​തു. തങ്ങളുടെ ഹൃദയങ്ങൾ ഇന്ത്യയിലെ ജനങ്ങൾക്കൊപ്പം ഉണ്ടെന്നും അദ്ദേഹം ത​​​​​െൻറ ട്വീറ്റിൽ വ്യക്തമാക്കി.

പ്രളയത്തിൽ വൻ നാശനഷ്​ടം സംഭവിച്ച കേരളത്തെ ദുരിതത്തിൽ നിന്ന്​ കര കയറ്റാൻ വിവിധ സംസ്​ഥാനങ്ങളും ലോക രാഷ്​ട്രങ്ങളും സഹായ ഹസ്​തവുമായി രംഗത്തു വന്നിരുന്നു. യു.എ.ഇ 700 കോടി രൂപ വാഗ്​ദാനം നൽകിയിരുന്നു. കൂടാതെ യു.എന്നും  റെ​ഡ്​​ക്രോ​സ്, ജാ​പ്പ​നീ​സ്​ ഏ​ജ​ൻ​സി​ക​ൾ തു​ട​ങ്ങി​യ​വ​യും സ​ഹാ​യം വാ​ഗ്​​ദാ​നം ചെ​യ്​​തി​രു​ന്നു.  

എന്നാൽ നിലവിലെ സാഹചര്യത്തിൽ കേരളത്തിന്​​ അന്താരാഷ്​ട്ര സഹായം ആവശ്യമില്ലെന്ന്​ കേന്ദ്രം നിലപാടെടുക്കുകയായിരുന്നു. ദേ​ശീ​യ ദു​ര​ന്ത​മെ​ന്നു​പോ​ലും പേ​രി​ടാ​ത്ത കേ​ര​ള​ത്തി​ലെ കെ​ടു​തി​ക്ക്​ അ​ന്താ​രാ​ഷ​്ട്ര ഏ​ജ​ൻ​സി​യു​ടെ ഇ​ത്ത​ര​ത്തി​ലു​ള്ള സ​ഹാ​യം തേ​ടു​ന്ന​ത്​ ഇ​ന്ത്യ​യു​ടെ പ്ര​തി​ച്ഛാ​യ​യെ ബാ​ധി​ക്കു​മെ​ന്നാ​ണ്​ കേ​ന്ദ്ര​ത്തി​​​​​​െൻറ നി​ല​പാ​ട്. 

Informally informed with regret that GOI is not accepting overseas donations for Kerala flood relief. Our hearts are with you the people of Bharat. https://t.co/b4iyc3aQez

— Ambassador Sam (@Chutintorn_Sam) August 21, 2018