അവഗണിക്കപ്പെട്ട നായകരെ കുറിച്ച്​ പാഠം വേണമെന്ന്​ യോഗി​: യു.പി സ്​കൂളുകളിൽ പുതുക്കിയ പാഠപുസ്​തകം

ലക്​നൗ: ഉത്തർപ്രദേശിലെ സ്​കൂളുകളിൽ ജൂലൈയിൽ പുതിയ അധ്യയന വർഷം പിറക്കുന്നതോടെ സർക്കാർ സ്​കൂളുകളിൽ ഉള്ളടക്കത്തിൽ പുതിയ കൂട്ടിച്ചേർക്കലുകളുമായി പാഠപുസ്​തകങ്ങളെത്തും. 

നാഥ്​ പരമ്പരയിലെ മഹാത്മാക്കളായ ബാബ ഖൊരക്​നാഥ്​, ബാബ ഗംഭീർനാഥ്, സ്വാതന്ത്ര്യ സമര സേനാനികളായ ബന്ധു സിങ്​, റാണി അവന്തി ഭായ്​, 12ാം നൂറ്റാണ്ടിലെ സഹോദരങ്ങളായ യോദ്ധാക്കൾ അൽഹ, ഉദാൽ തുടങ്ങിയ വ്യക്തിത്വങ്ങളെ പരിചയപ്പെടുത്തുന്ന പുതിയ പാഠഭാഗങ്ങളുമായാണ്​ പുസ്​തകമെത്തുന്നത്​.

അഞ്ചു തവണ എം.പിയായിരുന്ന ഉത്തർപ്രദേശ്​ മുഖ്യമന്ത്രി യോഗി ആദിത്യനാഥി​​​​െൻറ ഇടപെടലാണ്​ പുതിയ പാഠഭാഗം ഉൾപ്പെടുത്തിയതിനു പിന്നിൽ. മുൻ കാലങ്ങളിലെ ഭരണകർത്താക്കൾ അവഗണിച്ച നായകരെ കുറിച്ചു പഠിപ്പിക്കുന്ന ഭാഗങ്ങൾ പുസ്​തകത്തിൽ ഉൾപ്പെടുത്തണമെന്ന്​ യോഗി ആദിത്യനാഥ്​ വിദ്യാഭ്യാസ വകുപ്പിന്​ നിർദ്ദേശം നൽകിയിരുന്നു. 

ഒന്നു മുതൽ എട്ടു വരെ ക്ലാസ്സുകളിലെ പുസ്​തകങ്ങളിലായാണ്​ ഇവരെ കുറിച്ച്​ പഠിപ്പിക്കുന്നത്​.