മുംബൈയിൽ ഭീകരാക്രമണം നടത്തുമെന്ന് ഭീഷണി

മും​ബൈ: മും​ബൈ ഭീ​ക​രാ​ക്ര​മ​ണ​ത്തി​ന്റെ ഓ​ർ​മ പു​തു​ക്കാ​ൻ വീ​ണ്ടും ന​ഗ​ര​ത്തി​ൽ സ​മാ​ന ആ​ക്ര​മ​ണം ന​ട​ത്തു​മെ​ന്ന ഭീ​ഷ​ണി​യു​മാ​യി മും​ബൈ പൊ​ലീ​സി​ന്​ സ​ന്ദേ​ശം.

പാ​കി​സ്താ​ൻ ന​മ്പ​റി​ൽ​നി​ന്ന്​ മും​ബൈ ട്രാ​ഫി​ക്​ പൊ​ലീ​സ്​ ഹെ​ൽ​പ്​ ഡെ​സ്കി​ന്റെ വാ​ട്​​സ്​​ആ​പ്പി​ലാ​ണ്​ ഭീ​ഷ​ണി സ​ന്ദേ​ശം ല​ഭി​ച്ച​ത്.

വെ​ള്ളി​യാ​ഴ്ച രാ​ത്രി 11.35നാ​ണ്​ സ​ന്ദേ​ശം ല​ഭി​ച്ച​തെ​ന്ന്​ മും​ബൈ പൊ​ലീ​സ്​ ക​മീ​ഷ​ണ​ർ വി​വേ​ക്​ ഫ​ൻ​സാ​ൽ​ക​ർ പ​റ​ഞ്ഞു. സ​ന്ദേ​ശം അ​യ​ച്ച​യാ​ൾ താ​ൻ പാ​കി​സ്താ​നി​യാ​ണെ​ന്നും ഇ​ന്ത്യ​യി​ൽ ത​ന്നെ ചി​ല​ർ സ​ഹാ​യി​ക്കു​മെ​ന്നും അ​വ​കാ​ശ​പ്പെ​ട്ടു. ചി​ല ഇ​ന്ത്യ​ൻ ന​മ്പ​റു​ക​ളും സ​ന്ദേ​ശ​ത്തി​ലു​ണ്ട്. അ​ജ്ഞാ​ത​ർ​ക്കെ​തി​രെ പൊ​ലീ​സ്​ കേ​സെ​ടു​ത്തു. മും​ബൈ പൊ​ലീ​സ്, ക്രൈം​ബ്രാ​ഞ്ച്, മ​ഹാ​രാ​ഷ്ട്ര എ.​ടി.​എ​സ്​ എ​ന്നി​വ​ർ അ​ന്വേ​ഷ​ണം ആ​രം​ഭി​ച്ചു. തീ​ര​ദേ​ശ​സേ​ന​ക്ക്​ ജാ​ഗ്ര​ത നി​ർ​ദേ​ശം ന​ൽ​കി. ന​ഗ​ര​ത്തി​ൽ സു​ര​ക്ഷ ശ​ക്ത​മാ​ക്കി.

2008 ന​വം​ബ​റി​ലാ​ണ്​ 10​ പാ​ക്​ ഭീ​ക​ര​ർ മും​ബൈ ന​ഗ​ര​ത്തി​ലെ താ​ജ്, ട്രൈ​ഡ​ന്റ്​ ഹോ​ട്ട​ലു​ക​ൾ, ജൂ​ത കേ​ന്ദ്ര​മാ​യ ന​രി​മാ​ൻ ഹൗ​സ്, സി.​എ​സ്.​ടി റെ​യി​ൽ​വേ സ്​​റ്റേ​ഷ​ൻ, കാ​മ ഹോ​സ്പി​റ്റ​ൽ തു​ട​ങ്ങി​യ സ്ഥ​ല​ങ്ങ​ളി​ൽ ആ​ക്ര​മ​ണം ന​ട​ത്തി​യ​ത്. വി​ദേ​ശി​ക​ളും ഉ​ന്ന​ത സൈ​നി​ക, പൊ​ലീ​സ്​ ഉ​ദ്യോ​ഗ​സ്ഥ​രും ഉ​ൾ​പ്പെ​ടെ 166 പേ​രാ​ണ്​ അ​ന്ന്​ ഭീ​ക​രാ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്.