ശ്രീനഗറിൽ ഭീകരാക്രമണം; സൈനികർക്കുനേരേ വെടിവയ്​പ്പ്​

ശ്രീനഗർ: കശ്​മീരിൽ വീണ്ടും ഭീകരാക്രമണം. ശ്രീനഗറിൽ സൈനികർക്കുനേരേ വെടിയുതിർത്തു. ശ്രീനഗർ, ബെമിന, സ്​കിംസ്​ മെഡിക്കൽ കോളേജിന്​ സമീപത്താണ്​ ആക്രമണം നടന്നത്​​. കുറച്ചുദിവസങ്ങളായി ശാന്തമായിരുന്നതിനുശേഷമാണ്​ കശ്​മീരിൽ വീണ്ടും ഭീകരർ സൈനികരുമായി ഏറ്റുമുട്ടുന്നത്​. ദിവസങ്ങൾ നീണ്ടുനിന്ന തിരച്ചിൽ സൈന്യം കഴിഞ്ഞ ദിവസമാണ്​ നിർത്തിവച്ചത്​. ഇതിനിടെ നിരവധി ഭീകരരെ വധിക്കുകയും ചെയ്​തിരുന്നു. സംഭവത്തിന്‍റെ കൂടുതൽ വിവരങ്ങൾ പുറത്തുവന്നിട്ടില്ല.