Top
Begin typing your search above and press return to search.
keyboard_arrow_down
Login
exit_to_app
exit_to_app
സാമ്പത്തിക തകർച്ചയും കോവിഡും തീവ്രവാദികൾ മുതലെടുക്കുന്നെന്ന്​ ഇന്ത്യ യു.എന്നിൽ
cancel
Homechevron_rightNewschevron_rightIndiachevron_rightസാമ്പത്തിക തകർച്ചയും...

സാമ്പത്തിക തകർച്ചയും കോവിഡും തീവ്രവാദികൾ മുതലെടുക്കുന്നെന്ന്​ ഇന്ത്യ യു.എന്നിൽ

text_fields
bookmark_border

ഡൽഹി: സാമ്പത്തിക തകർച്ചയും കോവിഡ്​മൂലമുണ്ടായ അരക്ഷിതാവസ്​ഥയും തീവ്രവാദികൾ മുതലെടുക്കുന്നെന്ന്​ ഇന്ത്യ യു.എന്നിൽ. ലോക്​ഡൗൺ കാരണം രൂപപ്പെട്ട സാമ്പത്തികവും വൈകാരികവുമായ ദുരിതങ്ങൾ മുതലെടുക്കാൻ തീവ്രവാദികൾ തീവ്രശ്രമം നടത്തുകയാണെന്നും മനുഷ്യാവകാശ കൗൺസലി​െൻറ 45-ാമത് സെഷനിൽ ഇന്ത്യ പറഞ്ഞു.

'സുരക്ഷാ സേനയെയും ആരോഗ്യ പ്രവർത്തകരെയും ലക്ഷ്യമിടാൻ തീവ്രവാദ ഗ്രൂപ്പുകൾ ശ്രമിക്കുന്നുണ്ട്​. ജീവകാരുണ്യ പ്രവർത്തനങ്ങളുടെ മറവിൽ പണം സ്വരൂപിക്കുകയാണ്​ ഇവർ ചെയ്യുന്നത്​. വാസ്തവത്തിൽ അത് ഭീകരതയ്ക്ക് ധനസഹായം നൽകാൻ ഉപയോഗിക്കുകയാണ്​'-ജനീവയിലെ യുഎൻ മിഷൻ ഓഫ് ഇന്ത്യയുടെ പ്രഥമ സെക്രട്ടറി പവൻ ബാദെ പറഞ്ഞു. 'ശ്രദ്ധ ആവശ്യമുള്ള മനുഷ്യാവകാശ സാഹചര്യങ്ങൾ'എന്ന വിഷയത്തിലുള്ള ചർച്ചക്കിടയിലാണ്​ ഇന്ത്യൻ പ്രതിനിധി ഇത്​ പറഞ്ഞത്​.

പവൻ ബാദെ

'ഓൺലൈനിലും സോഷ്യൽ മീഡിയയിലും ആളുകളുടെ വർധിച്ച സാന്നിധ്യം മുതലാക്കി വിദ്വേഷ പ്രസംഗങ്ങൾ, വ്യാജ വാർത്തകൾ, വീഡിയോകൾ എന്നിവ പ്രചരിപ്പിക്കാൻ തീവ്രവാദികൾ ലക്ഷ്യമിടുന്നു. ദുർബല വ്യക്തികളെ പ്രലോഭിപ്പിക്കുകയും ബന്ധം സ്ഥാപിക്കുകയും അവരെ കേഡറുകളിൽ ഉൾപ്പെടുത്തുകയുമാണ്​ ഇവരുടെ ഉദ്ദേശ്യം. തീവ്രവാദ പ്രത്യയശാസ്ത്രങ്ങളുടെ വ്യാപനത്തെ ചെറുക്കാനും അവരുമായി ബന്ധപ്പെടുന്നവരെ തിരി​ച്ചെത്തിക്കാനും കഴിയുന്ന സമൂഹത്തെ വളർത്തിയെടുക്കേണ്ടതി​െൻറ ആവശ്യകത ഞങ്ങൾ അടിവരയിടുന്നു,'-പവൻ ബാദെ കുട്ടിച്ചേർത്തു.

ഭീകരത മൂലമുണ്ടായ വിനാശകരമായ മനുഷ്യാവകാശ ലംഘനങ്ങളിൽ നിന്ന് മാറിനിൽക്കാൻ കൗൺസലിന് കഴിയില്ലെന്നും തീവ്രവാദ പ്രത്യയശാസ്ത്രങ്ങളുടെ വളർച്ച തടയുന്നതിനും കുട്ടികളിലും ചെറുപ്പക്കാരിലും അവബോധം സൃഷ്ടിക്കുന്നതിലും പ്രധാന പങ്ക് വഹിക്കേണ്ടതുണ്ടെന്നും ഇന്ത്യൻ പ്രതിനിധി പറഞ്ഞു.

Show Full Article
TAGS:Terrorists covid 19 lockdown Financial Distress India At UN 
Next Story