കശ്മീരിൽ വെടിവെപ്പ്; ജവാന് വീരമൃത്യു, മൂന്ന് ജവാന്മാർക്കും നാട്ടുകാരനും പരിക്ക്

ശ്രീനഗർ: ജമ്മു കശ്മീരിലെ സോപോറിൽ സി.ആർ.പി.എഫ് സംഘത്തിനു നേരെ ഭീകരർ നടത്തിയ വെടിവെപ്പിൽ ജവാന് വീരമൃത്യു. ആക്രമണത്തിൽ മൂന്ന് ജവാന്മാർക്കും ഒരു പ്രദേശവാസിക്കും പരിക്കേറ്റു.

ബുധനാഴ്ച രാവിലെ പെട്രോളിങ് നടത്തുകയായിരുന്ന സി.ആർ.പി.എഫ് സംഘത്തിനു നേരെ ഭീകരർ വെടിയുതിർക്കുകയായിരുന്നു. രണ്ട് ജവാന്മാരുടെ പരിക്ക് ഗുരുതരമാണെന്ന് വാർത്താ ഏജൻസി എ.എൻ.ഐ റിപ്പോർട്ട് ചെയ്യുന്നു.