കശ്മീരിൽ ഏറ്റുമുട്ടലിൽ നാല് ഭീകരരെ വധിച്ചു

ശ്രീനഗർ: ജമ്മു കശ്മീരിലെ ഷോപിയാൻ ജില്ലയിലുണ്ടായ ഏറ്റുമുട്ടലിൽ സൈന്യം നാല് ഭീകരവാദികളെ വധിച്ചു. ഷോപിയാനിലെ ദ രംദോറ കീഗം മേഖലയിലാണ് ഏറ്റുമുട്ടൽ നടന്നത്. ഭീകരരിൽനിന്ന് ആയുധങ്ങളും വെടിക്കോപ്പുകളും കണ്ടെടുത്തു.

ഭീകരർ തമ്പടിച്ചതായ വിവരത്തെ തുടർന്ന് മേഖലയിൽ സുരക്ഷാ സേന തിരച്ചിൽ നടത്തിയിരുന്നു. ഇതിനിടെ സൈന്യത്തിനു നേരെ ഭീകരർ വെടിവെക്കുകയായിരുന്നു. സൈന്യത്തിന്‍റെ പ്രത്യാക്രമണത്തിലാണ് ഭീകരർ കൊല്ലപ്പെട്ടത്.