ജമ്മു കശ്മീരിൽ വീണ്ടും ഏറ്റുമുട്ടൽ; ഭീകരനെ സുരക്ഷാസേന വധിച്ചു

ശ്രീനഗർ: ജമ്മു കശ്മീരിലെ റിയാസിലുണ്ടായ ഏറ്റുമുട്ടലിൽ സുരക്ഷാസേന ഭീകരനെ വധിച്ചു. ഏറ്റുമുട്ടലിനിടെ സുരക്ഷാ സേനാംഗത്തിന് പരിക്കേറ്റു.

ഭീകരരുടെ സാന്നിധ്യമുണ്ടെന്ന സന്ദേശത്തിന്‍റെ അടിസ്ഥാനത്തിലാണ് സുരക്ഷാസേന പ്രദേശത്ത് തിരച്ചിൽ നടത്തിയത്. തുളി ഏരിയയിലെ ഗാലി സോഹാബിൽ ഏറ്റുമുട്ടൽ തുടരുകയാണെന്ന് എ.ഡി.ജി.പി മുകേഷ് സിങ് പറഞ്ഞു.

ആഗസ്റ്റ് 21ന് കശ്മീരിലെ പുൽവാമയിൽ ഭീകരരും സുരക്ഷാസേനയും ഏറ്റുമുട്ടിയിരുന്നു.