ദാവുദി​െൻറ സ്വത്തുക്കൾ ഏറ്റെടുക്കാൻ കേന്ദ്രസർക്കാറിന്​ സുപ്രീംകോടതി നിർദേശം

ന്യൂഡൽഹി: അ​ധോലോക നായകൻ ദാവൂദ്​ ഇബ്രാഹിമി​​​െൻറ മുംബൈയിലെ സ്വത്തുക്കൾ ഏറ്റെടുക്കാൻ കേന്ദ്രസർക്കാറിന്​ സുപ്രീംകോടതി നിർദേശം. ജസ്​റ്റിസ്​ ആർ.കെ അഗർവാൾ അധ്യക്ഷനായ ബെഞ്ചാണ്​ ഉത്തരവ്​ പുറപ്പെടുവിച്ചത്​. സ്വത്തുക്കൾ ഏറ്റെടുക്കുന്നതിനെതിരെ ദാവുദി​​​െൻറ അമ്മ അമിന ബി കസ്​കർ, സഹോദരി ഹസീന പാർക്കർ എന്നിവർ നൽകിയ ഹരജി തള്ളിക്കൊണ്ടാണ്​​ ഉത്തരവ്​.

1988ൽ ദാവുദി​​​െൻറ സ്വത്തുക്കൾ കേന്ദ്രസർക്കാർ സീൽ ചെയ്​തിരുന്നു. കള്ളകടത്തുകാരുടെ സ്വത്തുക്കൾ ഏറ്റെടുക്കാനുള്ള നിയമം,വിദേശനാണയ വിനിമയചട്ടം ലംഘിക്കുന്നവർക്കെതിരായ നിയമം എന്നിവ മുൻനിർത്തിയായിരുന്നു കേന്ദ്രസർക്കാർ നടപടി. ഇതിനെതിരെ അമിനയും ഹസീനയും സുപ്രീംകോടതിയെ സമീപിക്കുകയായിരുന്നു. ആദ്യം ഇതുമായി ബന്ധപ്പെട്ട ട്രിബ്യൂണലിനെയും ഡൽഹി ഹൈകോടതി​യേയും സമീപിച്ചുവെങ്കിലും വിധി പ്രതികൂലമായിരുന്നു. തുടർന്നാണ്​ കേസ്​ സുപ്രീംകോടതിയുടെ പരിഗണനയിലെത്തുന്നത്​. 

2012 നവംബറിൽ കേസിൽ തൽസ്ഥിതി തുടരാൻ സുപ്രീംകോടതി ഉത്തരവിട്ടിരുന്നു. തുടർന്നാണ്​ കേസിൽ അന്തിമ വിധി വരുന്നത്​. സ്വത്തുക്കൾ തങ്ങളുടേതാണെന്ന്​ ​തെളിയിക്കാൻ ഹരജിക്കാർക്ക്​ നിരവധി അവസരങ്ങൾ നൽകിയെങ്കിൽ അതിൽ അവർ പരാജയപ്പെടുകയാണുണ്ടായതെന്ന്​ സ​​ുപ്രീംകോടതി നിരീക്ഷിച്ചു. ഇതേ തുടർന്നാണ്​ സ്വത്തുക്കൾ ഏറ്റെടുക്കാൻ സുപ്രീംകോടതി ​കേന്ദ്രസർക്കാറിന്​ നിർദേശം നൽകിയത്​.