ഗീലാനിയുമായി അടുത്ത കേന്ദ്രങ്ങളിൽ​ എൻ.​െഎ.എ റെയ്​ഡ്​

ജമ്മു-ന്യൂഡൽഹി: ജമ്മു-കശ്​മീരിലെ ഭീകരവാദപ്രവർത്തനങ്ങൾക്കുപിന്നിലെ സാമ്പത്തിക സ്രോതസ്സിനെക്കുറിച്ച്​ അന്വേഷിക്കുന്നതി​​​​െൻറ ​ഭാഗമായി ദേശീയ അന്വേഷണ ഏജൻസി രണ്ടിടത്ത്​ റെയ്​ഡ്​ നടത്തി. വിഘടനവാദി നേതാവ്​ സയ്യിദ്​ അലിഷാ ഗീലാനിയുമായി അടുത്ത ബന്ധമുള്ള കേന്ദ്രങ്ങളിലായിരുന്നു റെയ്​ഡ്​. ഗീലാനിയുടെ ബിനാമിയെന്ന്​ പറയപ്പെടുന്ന അഭിഭാഷക​​​​െൻറ ഒാഫിസിലും വീട്ടിലുമാണ്​ എൻ.​െഎ.എ ഒരേസമയം റെയ്​ഡ്​ നടത്തിയത്​. ഇദ്ദേഹത്തി​​​​െൻറ വിദേശയാത്രകളും പണമിടപാടുകളും സൂക്ഷ്​മമായി നിരീക്ഷിച്ചതിന്​ ശേഷമായിരുന്നു നടപടി​. അഭിഭാഷകനെ ഉടനെ ചോദ്യം ചെയ്യും.നേര​േത്ത ഭീകരവാദപ്രവർത്തനങ്ങൾക്ക്​ ഫണ്ട്​ നൽകിയെന്ന സംശയത്തെതുടർന്ന്​ എൻ.​െഎ.എ ജമ്മുവിലെ ബിസിനസുകാര​​​​െൻറ കേന്ദ്രങ്ങളിൽ റെയ്​ഡ്​ നടത്തിയിരുന്നു. 

താഴ്​വരയിൽ നടക്കുന്ന ഹവാല പണമിടപാടുകൾ, സുരക്ഷാസൈനികൾക്ക്​ നേരെയുള്ള കല്ലേറ്​, സ്​കൂളുകൾ തീവെക്കൽ, പൊതുസ്വത്ത്​​ നശിപ്പിക്കൽ, സർക്കാറിനെതിരായ പ്രവർത്തനങ്ങൾ തുടങ്ങിയ ഭീകരപ്രവർത്തനങ്ങൾക്ക്​ ഫണ്ട്​ ലഭ്യമാക്കുന്നവർക്കെതിരെ കഴിഞ്ഞ ​േമയ്​ 30ന്​ എൻ.​െഎ.എ രജിസ്​റ്റർ ചെയ്​ത കേസി​​​​െൻറ ഭാഗമായാണ്​ റെയ്​ഡുകൾ​. 

അതിനിടെ ​ഗീലാനിയുടെ രണ്ടാമത്തെ മകനും വിമതസംഘടനയായ തെഹ്​രീ​െക ഹുർറിയത്തി​​​​െൻറ നേതാവുമായ നസീമിനോട്​ ബുധനാഴ്​ച ചോദ്യംചെയ്യലിന്​ ഹാജരാവാൻ എൻ.​െഎ.എ നോട്ടീസ്​ നൽകി. നേര​േത്ത ഗീലാനിയുടെ മൂത്ത പുത്രനും ഡോക്​ടറുമായ നയീമിനോട്​ തിങ്കളാഴ്​ച ഹാജരാവാൻ നോട്ടീസ്​ നൽകിയിരുന്നു. മ​ുമ്പ്​ പാകിസ്​താനിലായിരുന്ന നയീം 11 വർഷമായി ഇന്ത്യയിലാണ്​. 

ഗീലാനിയുടെ മകളുടെ ഭർത്താവ്​ അൽതാഫ്​ ഷാ എന്ന അൽതാഫ്​ ഫൻറൂഷ്​,  തെഹ്​രീകെ ഹുർറിയത്​ വക്​താവ്​ അയാസ്​ അക്​ബർ, ഗീലാനിയുമായി അടുത്ത ബന്ധമുള്ള പീർ സൈഫുല്ല എന്നിവരെ കേസുമായി ബന്ധപ്പെട്ട്​ എൻ.​െഎ.​എ നേര​േത്ത അറസ്​റ്റ്​ ചെയ്​തിരുന്നു. 
ഇതിനിടെ, ശ്രീനഗറിൽ തീവ്രവാദികൾക്കായ​ുള്ള തിരച്ചിലിനിടെ സുരക്ഷാസൈന്യം രണ്ടുപേരെ വെടിവെച്ചുകൊന്നു. പുൽവാമ ജില്ലയിലെ തഹാബ്​ മേഖലയിലാണ്​ രഹസ്യവിവരത്തെതുടർന്ന്​ സൈന്യം തിരച്ചിൽ നടത്തിയത്​. ഞായറാഴ്​ച പുലർച്ചയുണ്ടായ വെടിവെപ്പിലാണ്​ ഭീകരർ കൊല്ലപ്പെട്ടത്​.