Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബി.ജെ.പിക്കെതിരായ...

ബി.ജെ.പിക്കെതിരായ തീവ്രവാദ പരാമർശം: മലക്കം മറിഞ്ഞ്​ സിദ്ധരാമയ്യ

text_fields
bookmark_border
ബി.ജെ.പിക്കെതിരായ തീവ്രവാദ പരാമർശം: മലക്കം മറിഞ്ഞ്​ സിദ്ധരാമയ്യ
cancel

ബംഗളൂരു: ബി.ജെ.പിക്കെതിരായ തീവ്രവാദ പരാമർശത്തിൽ മലക്കംമറിഞ്ഞ്​ കർണാടക മുഖ്യമന്ത്രി സിദ്ധരാമയ്യ. ബി.ജെ.പിയും ആർ.എസ്​.എസും തീവ്രവാദ സംഘടനകളാണെന്ന സിദ്ധരാമയ്യയുടെ പരാമർശം വിവാദമായിരുന്നു. എന്നാൽ, താൻ ഹിന്ദുത്വ തീവ്രവാദമാണ്​ ഉദ്ദേശിച്ചതെന്ന വിശദീകരണവുമായി രംഗത്തെത്തിയിരിക്കുകയാണ്​ അദ്ദേഹം.

‘‘ബി.ജെ.പിയും ആർ.എസ്​.എസും രാഷ്​ട്രീയ നേട്ടങ്ങൾക്കു വേണ്ടി ഹിന്ദുത്വ തീവ്രവാദം പ്രചരിപ്പിക്കുകയാണെന്നാണ്​ താൻ ഉദ്ദേശിച്ചത്​. ത​​​െൻറ അഭിപ്രായത്തിൽ സമൂഹത്തിൽ വിദ്വേഷവും കലാപവും പ്രചരിപ്പിക്കുന്നവർ തീവ്രവാദികൾ തന്നെയാണ്​‘‘^ സിദ്ധരാമയ്യ വിശദീകരിച്ചു. മൈസൂരിലെ എം.എം ഹിൽസിൽ മാധ്യമപ്രവർത്തകരോട്​ സംസാരിക്കവെയാണ്​ മുഖ്യമന്ത്രി വിവാദപരാമർശം തിരുത്തിയത്​.

സിദ്ധരാമയ്യയുടെ പരാമർശത്തിനെതിരെ ബി.ജെ.പി രംഗത്തെത്തിയിരുന്നു. കോൺഗ്രസ്​ പാർട്ടിയാണ്​ തീവ്രവാദത്തെ ​പ്രോത്സാഹിപ്പിക്കുന്നതെന്നും തീവ്രവാദ നിലപാടുകൾ പിന്തുണക്കുന്നതെന്നും ബി.ജെ.പി ആരോപിച്ചു. 

സിദ്ധരാമയ്യ സര്‍ക്കാര്‍ ഹിന്ദു വിരുദ്ധമാണെന്നും കോണ്‍ഗ്രസി​േൻറത്​ വോട്ടുബാങ്ക് രാഷ്ട്രീയമാണെന്നും ബി.ജെ.പി. ദേശീയ അധ്യക്ഷന്‍ അമിത് ഷാ കഴിഞ്ഞ ദിവസം ചിത്രദുർഗയിലെ റാലിയിൽ ആരോപിച്ചിരുന്നു. എന്നാൽ സമാധാനം ഇല്ലാതാക്കുന്നവരെ സര്‍ക്കാര്‍ വെറുതെ വിടില്ലെന്ന്​ സിദ്ധരാമയ്യ തിരിച്ചടിച്ചു. എസ്.ഡി.പി.ഐയോ ബജറംഗദളോ ഇനി ഏത് സംഘടനയായാലും സമാധാനം ഇല്ലാതാക്കുന്നതി​ന്​ സര്‍ക്കാര്‍ അനുവദിക്കില്ലെന്നും അദ്ദേഹം വ്യക്തമാക്കിയിരുന്നു. 

Show Full Article
TAGS:siddaramaiah Terror Comment bjp Hindutva Terror malayalam news india news 
News Summary - Terror Comment: Siddaramaiah Says Was Referring to Hindutva Terror- India news
Next Story