മോഷണത്തിനിടെ കൊല: മഥുരയിൽ ഇന്ന്​ വ്യാപാരി ഹർത്താൽ

ലക്​നോ:  മോഷണത്തിനിടെ രണ്ട്​ ജ്വല്ലറി വ്യാപാരികളെ കൊല​പ്പെടുത്തിയ സംഭവത്തിൽ പ്രതികളെ ഉടൻ പിടികൂടണമെന്നാവശ്യ​പ്പെട്ട്​ മഥുരയിൽ ഇന്ന്​ വ്യാപാരി ഹർത്താൽ. കൃത്യാമയ നടപടികൾ ഉണ്ടാകുന്നില്ലെങ്കിൽ ഹർത്താൽ  തുടരുമെന്ന്​ വ്യാപാരികൾ അറിയിച്ചു. ഹർത്താലിനെ അനുകൂലിച്ച്​ പെട്രോൾ പമ്പുകളും ഇന്ന്​ അടച്ചിടും​. 

തിങ്കളാഴ്​ച രാത്രിയാണ്​ സംഭവം നടന്നത്​. കൊയാലവാലി ഗലിയിലെ ജ്വല്ലറികളിൽ  തിങ്കളാഴ്​ച രാത്രി ആറ്​ ആയുധധാരികൾ എത്തി വെടിവെപ്പ്​ നടത്തുകയും ജ്വല്ലറികൾ കൊള്ളയടിക്കുകയും ചെയ്​തു. വെടിവെപ്പിൽ രണ്ട്​ ജ്വല്ലറി വ്യാപാരികൾ കൊല്ലപ്പെട്ടു. വികാസ്​. മേഘ്​ എന്നിവരാണ്​ ​കൊല്ലപ്പെട്ടത്​. രണ്ടുപേരെ പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്​. സംഭവ സമയം കൃത്യമായ നടപടികൾ സ്വീകരിക്കാത്തതിനെ തുടർന്ന്​ പൊലീസ്​ സബ്​ ഇൻസ്​പെക്​ടറെയും രണ്ട്​ കോൺസ്​റ്റബിൾമാരെയും സസ്​പ​െൻറ്​ ചെയ്​തിരുന്നു. 

മുഖ്യമന്ത്രി യോഗി ആദിത്യനാഥ്​ ഡി.ജി.പി സുൽഖൻ  സിങ്ങിനോട്​ സ്​ഥലംസന്ദർശിക്കാൻ ആവശ്യപ്പെട്ടിട്ടുണ്ട്​.  ആഭ്യന്തരമന്ത്രി ശ്രീകാന്ത്​ ശർമയും അവരോടൊപ്പം സ്​ഥലംസന്ദർശിക്കുമെന്നാണ്​ കരുതുന്നത്​. മരിച്ചവരുടെ കുടുംബക്കാർക്ക്​ 50ലക്ഷം രൂപ നഷ്​ടപരിഹാരം നൽക​ണമെന്ന്​ വ്യാപാരികൾ ആവശ്യപ്പെട്ടു.