വിവാദ ബിൽ അവതരണത്തിനിടെ രാജ്യസഭയിൽ സംഘർഷാവസ്ഥ

ന്യൂ​ഡ​ൽ​ഹി: തെ​ര​ഞ്ഞെ​ടു​പ്പ് ക​മീ​ഷ​നെ പ്ര​ധാ​ന​മ​ന്ത്രി​യു​ടെ നി​യ​ന്ത്ര​ണ​ത്തി​ലാ​ക്കാ​ൻ പൊ​ടു​ന്ന​നെ കൊ​ണ്ടു​വ​ന്ന ബി​ൽ രാ​ജ്യ​സ​ഭ​യി​ൽ സം​ഘ​ർ​ഷാ​വ​സ്ഥ സൃ​ഷ്ടി​ച്ചു. സ​ഭാ​ച​ട്ട​ങ്ങ​ൾ​ക്ക് വി​രു​ദ്ധ​മാ​യ ബി​ൽ അ​വ​ത​ര​ണ​ത്തി​നെ​തി​രെ ക്ര​മ​പ്ര​ശ്നം ഉ​ന്ന​യി​ക്കാ​ൻ കോ​ൺ​ഗ്ര​സ് നേ​താ​വ് സു​ർ​​ജെ​വാ​ല​യെ അ​നു​വ​ദി​ക്കാ​തെ കേ​​ന്ദ്ര​മ​ന്ത്രി അ​ർ​ജു​ൻ മേ​ഘ്‍വാ​ളി​നെ അ​വ​ത​ര​ണ​വു​മാ​യി മു​ന്നോ​ട്ടു​പോ​കാ​ൻ അ​നു​വ​ദി​ച്ച​തി​ൽ പ്ര​തി​ഷേ​ധി​ച്ച് പ്ര​തി​പ​ക്ഷം ന​ടു​ത്ത​ള​ത്തി​ലേ​ക്ക് കു​തി​ച്ചു.

മു​തി​ർ​ന്ന നേ​താ​ക്ക​ൾ അ​ട​ക്ക​മു​ള്ള​വ​ർ ചെ​യ​ർ​മാ​ന്റെ ഇ​രി​പ്പി​ട​ത്തി​ലേ​ക്ക് ത​ള്ളി​ക്ക​യ​റാ​ൻ​കൂ​ടി ശ്ര​മി​ച്ച​തോ​ടെ സു​ര​ക്ഷ ഗാ​ർ​ഡു​ക​ൾ അ​ണി​നി​ര​ന്ന് പ്ര​തി​പ​ക്ഷ​ത്തെ ത​ങ്ങ​ളു​ടെ വ​ല​യ​ത്തി​ലാ​ക്കി.

ഒ​രു​ഭാ​ഗ​ത്ത് റൂ​ൾ​ബു​ക്കു​മാ​യി ചെ​യ​റി​ലേ​ക്ക് നീ​ങ്ങി​യ സു​ർ​ജെ​വാ​ല​യെ സു​ര​ക്ഷ ഗാ​ർ​ഡു​ക​ൾ ത​ട​ഞ്ഞ​ത് മ​റി​ക​ട​ക്കാ​ൻ തൃ​ണ​മൂ​ലി​ന്റെ ഡെ​റി​ക് ഒ​ബ്റേ​നും സി.​പി.​ഐ​യു​ടെ സ​​ന്തോ​ഷ് കു​മാ​റും ശ്ര​മം ന​ട​ത്തി.

മ​റു​ഭാ​ഗ​ത്ത് ന​ദീ​മു​ൽ ഹ​ഖി​ന്റെ നേ​തൃ​ത്വ​ത്തി​ൽ തൃ​ണ​മൂ​ൽ എം.​പി​മാ​ർ ചെ​യ​റി​ന്റെ പോ​ഡി​യ​ത്തി​ൽ പി​ടി​ച്ചു​ക​യ​റാ​ൻ നോ​ക്കി. ഇ​തി​നി​ട​യി​ൽ ബി​ൽ അ​വ​ത​ര​ണ​ത്തെ എ​തി​ർ​ക്കാ​ൻ സി.​പി.​എ​മ്മി​ന്റെ ജോ​ൺ ബ്രി​ട്ടാ​സ് നോ​ട്ടീ​സ് ന​ൽ​കി​യെ​ന്നു​പ​റ​ഞ്ഞ ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ അ​ദ്ദേ​ഹ​ത്തെ സം​സാ​രി​ക്കാ​ൻ അ​നു​വ​ദി​ച്ചി​ല്ല. അ​തോ​ടെ, പ്ര​തി​ഷേ​ധം ശ​ക്ത​മാ​ക്കി​യ പ്ര​തി​പ​ക്ഷം ധ​ൻ​ഖ​റു​ടെ ഇ​രി​പ്പി​ട​ത്തി​ലേ​ക്ക് ത​ള്ളി​ക്ക​യ​റാ​ൻ വീ​ണ്ടും നോ​ക്കി. സു​ര​ക്ഷ ഗാ​ർ​ഡു​ക​ളും എം.​പി​മാ​രും ത​മ്മി​ലു​ള്ള ഉ​ന്തും​ത​ള്ളു​മാ​യി. വി​വാ​ദ ബി​ൽ അ​ട​ക്കം മൂ​ന്ന് ബി​ല്ലു​ക​ളു​ടെ അ​വ​ത​ര​ണം പൂ​ർ​ത്തി​യാ​ക്കി എ​ന്നു​റ​പ്പു​വ​രു​ത്തി സ​ഭ പി​രി​ഞ്ഞ​താ​യി ചെ​യ​ർ​മാ​ൻ അ​റി​യി​ച്ചു.

ബി​ൽ അ​വ​ത​ര​ണം ത​ട​യ​ണ​മെ​ന്നാ​വ​ശ്യ​പ്പെ​ട്ട് ഉ​ച്ച​ക്ക് ര​ണ്ടു​മ​ണി​ക്കു മു​​മ്പെ താ​ൻ നോ​ട്ടീ​സ് ന​ൽ​കി​യി​രു​ന്നു​വെ​ന്ന് ജോ​ൺ ബ്രി​ട്ടാ​സ് പ​റ​ഞ്ഞു. അ​ത് സ്വീ​ക​രി​ച്ച​തു​കൊ​ണ്ടാ​ണ് ബി​ൽ അ​വ​ത​ര​ണ​വേ​ള​യി​ൽ ചെ​യ​ർ​മാ​ൻ ത​ന്റെ പേ​രു പ​റ​ഞ്ഞ​ത്. ച​ട്ട​പ്ര​കാ​രം ത​ന്നെ സം​സാ​രി​ക്കാ​ൻ വി​ളി​ക്കു​ന്ന​തി​നു പ​ക​രം അ​വ​സ​രം നി​ഷേ​ധി​ക്കു​ക​യാ​ണ് ചെ​യ​ർ​മാ​ൻ ചെ​യ്ത​തെ​ന്ന് ബ്രി​ട്ടാ​സ് കു​റ്റ​പ്പെ​ടു​ത്തി.

സു​പ്രീം​കോ​ട​തി വി​ധി ത​ള്ളി​ക്ക​ള​ഞ്ഞ് കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​നെ ‘മോ​ദി തെ​ര​ഞ്ഞെ​ടു​പ്പ് ക​മീ​ഷ​നാ’​ക്കാ​നു​ള്ള ബി​ൽ ആ​ണ് കേ​ന്ദ്ര സ​ർ​ക്കാ​ർ കൊ​ണ്ടു​വ​ന്ന​​തെ​ന്ന് പാ​ർ​ല​മെ​ന്റി​നു പു​റ​ത്ത് മാ​ധ്യ​മ​ങ്ങ​ളെ ക​ണ്ട ര​ൺ​ദീ​പ് സു​ർ​ജെ​വാ​ല കു​റ്റ​പ്പെ​ടു​ത്തി.

മൂ​ന്ന് എ​തി​ർ​പ്പു​ക​ളാ​ണ് വി​വാ​ദ ബി​ല്ലി​ൽ ത​ങ്ങ​ൾ​ക്കു​ള്ള​തെ​ന്ന് സു​ർ​ജെ​വാ​ല പ​റ​ഞ്ഞു. ഒ​ന്ന്: സു​പ്രീം​കോ​ട​തി​യു​ടെ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ചി​ന്റെ വി​ധി മ​റി​ക​ട​ക്കാ​നു​ള്ള​താ​ണ് ബി​ൽ.

ര​ണ്ട്: ഈ ​ബി​ൽ നി​യ​മ​മാ​കു​ന്ന​തോ​ടെ ക​മീ​ഷ​ൻ നി​ഷ്പ​ക്ഷ​മാ​കി​ല്ല. മൂ​ന്ന്: ജു​ഡീ​ഷ്യ​റി​യും ലെ​ജി​സ്ലേ​ച്ച​റും എ​ക്സി​ക്യൂ​ട്ടി​വും അ​ധി​കാ​രം പ​ര​സ്പ​രം ക​വ​ര​രു​ത് എ​ന്ന ഭ​ര​ണ​ഘ​ട​ന​യു​ടെ അ​ടി​സ്ഥാ​ന​ത്തി​ന് വി​രു​ദ്ധം.

തള്ളിയത്​ സുപ്രീംകോടതിയുടെ മുന്നറിയിപ്പുകൾ

ന്യൂ​ഡ​ൽ​ഹി: 2024ലെ ​പൊ​തു​തെ​ര​ഞ്ഞെ​ടു​പ്പ് ബി.​ജെ.​പി​ക്കും ‘ഇ​ൻ​ഡ്യ’ സ​ഖ്യ​ത്തി​നും ജീ​വ​ന്മ​ര​ണ പോ​രാ​ട്ട​മാ​കു​മെ​ന്ന നി​ല​യി​ലേ​ക്ക് ദേ​ശീ​യ രാ​ഷ്ട്രീ​യം നീ​ങ്ങു​ന്ന​തി​നി​ട​യി​ലാ​ണ് തെ​ര​ഞ്ഞെ​ടു​പ്പ് ക​മീ​ഷ​ൻ കൈ​പ്പി​ടി​യി​ലാ​ക്കാ​ൻ സു​പ്രീം​കോ​ട​തി​യു​ടെ മു​ന്ന​റി​യി​പ്പു​ക​ൾ ത​ള്ളി കേ​ന്ദ്ര സ​ർ​ക്കാ​ർ ബി​ല്ലു​മാ​യി പാ​ർ​ല​മെ​ന്റി​ലെ​ത്തി​യ​ത്. രാ​ജ്യ​ത്തി​ന് സ്വ​ത​ന്ത്ര തെ​ര​ഞ്ഞെ​ടു​പ്പ് ക​മീ​ഷ​നെ വേ​ണ​മെ​ന്ന സു​പ്രീം​കോ​ട​തി വി​ധി​യു​ടെ ചൈ​ത​ന്യ​ത്തെ പ​രാ​ജ​യ​പ്പെ​ടു​ത്തു​ക മാ​ത്ര​മ​ല്ല, ഒ​രു ഭ​ര​ണ​ഘ​ട​ന സ്ഥാ​പ​ന​ത്തെ പൂ​ർ​ണ​മാ​യും ഭ​ര​ണ​ക​ക്ഷി​ക്ക് വി​ധേ​യ​മാ​ക്കു​ന്ന​താ​ണ് വി​വാ​ദ നി​യ​മ​നി​ർ​മാ​ണം.

തെ​ര​ഞ്ഞെ​ടു​പ്പ് ക​മീ​ഷ​നെ സ്വ​ത​ന്ത്ര​മാ​ക്കാ​ൻ ജ​സ്റ്റി​സു​മാ​രാ​യ കെ.​എം. ജോ​സ​ഫ്,​ അ​ജ​യ് ര​സ്‌​തോ​ഗി,​ അ​നി​രു​ദ്ധ ബോ​സ്,​ ഹൃ​ഷി​കേ​ശ് റോ​യ്,​ സി.​ടി. ര​വി​കു​മാ​ർ എ​ന്നി​വ​ര​ട​ങ്ങു​ന്ന ഭ​ര​ണ​ഘ​ട​ന ബെ​ഞ്ച് പു​റ​പ്പെ​ടു​വി​ച്ച ച​രി​ത്ര വി​ധി​യി​ൽ രാ​ജ്യ​ത്തി​ന് ന​ൽ​കി​യ നി​ര​വ​ധി മു​ന്ന​റി​യി​പ്പു​ക​ളാ​ണ് കേ​ന്ദ്ര സ​ർ​ക്കാ​ർ ത​ള്ളി​ക്ക​ള​ഞ്ഞി​രി​ക്കു​ന്ന​ത്.