Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightആയിരങ്ങൾ...

ആയിരങ്ങൾ രോഗക്കിടക്കയിൽ, ആയിരം കോടിയുടെ പാർലമെൻറ് കെട്ടിടം നിർമിക്കാൻ കേന്ദ്രസർക്കാർ

text_fields
bookmark_border
ആയിരങ്ങൾ രോഗക്കിടക്കയിൽ, ആയിരം കോടിയുടെ പാർലമെൻറ് കെട്ടിടം നിർമിക്കാൻ കേന്ദ്രസർക്കാർ
cancel

ന്യൂഡൽഹി: രാജ്യം കടുത്ത സാമ്പത്തിക പ്രതിസന്ധി നേരിടുന്നതിനിടയിൽ പുതിയ പാർലമ​െൻറ് കെട്ടിടം നിർമിക്കുന്നതി​ ​െൻറ നടപടികളുമായി കേ​ന്ദ്രസർക്കാർ. കോവിഡ്​ വ്യാപനത്തിനിടയിൽ മുങ്ങിപ്പോയ പദ്ധതിയുടെ ടെൻഡർ നടപടികൾ ലോക്​ഡ ൗണിന്​ ശേഷം പൂർത്തിയാക്കാനാണ്​ തീരുമാനം.

ആഗസ്​റ്റ്​ 2022 ഓടെ കെട്ടിടത്തി​​െൻറ നിർമാണം പൂർത്തീകരിച്ച്​ ഉദ്​ ഘാടനം ചെയ്യുന്നതിനായി അടിയന്തര നടപടികളായിരിക്കും ലോക്​ഡൗണിന്​ ശേഷം നടപ്പാക്കുകയെന്ന്​ ദേശീയ മാധ്യമമായ ‘ദ ഹിന്ദു’ റിപ്പോർട്ട്​ ചെയ്​തു.

നിലവിലെ പാർലമ​െൻറ് കെട്ടിടത്തോട്​ ചേർന്ന്​ ത്രികോണാകൃതിയിലുള്ള മൂന്നു ​ഗോപുരങ്ങളോട്​ കൂടിയ കെട്ടിട സമുച്ചയമായിരിക്കും നിർമിക്കുക​. കേന്ദ്രസർക്കാരി​​െൻറ സെൻട്രൽ വിസ്​ത പുനർവി കാസി​​െൻറ ഭാഗമായാണ്​ പദ്ധതി. പ്രധാനമന്ത്രിയുടെ സ്വപ്​ന പദ്ധതിയാണിതെന്ന്​ നേരത്തേ കേന്ദ്രസർക്കാർ വ്യക്തമാക് കിയിരുന്നു. നഗരവികസന വകുപ്പാണ്​ പദ്ധതി പ്രഖ്യാപിച്ചത്​.

പ​ുതിയ പാർല​െമൻറ്​ കെട്ടിടം നിർമിക്കുന്നതിൻെറ ഭ ാഗമായി സമുച്ചയത്തിലെ 194 മരങ്ങൾ മുറിച്ചുമാറ്റും. നിലവിലെ പാർലമ​െൻറ്​ കെട്ടിടം 44,940 ചതുരശ്ര മീറ്ററാണ്​. പുതിയ കെട്ടിടം 1.05 ലക്ഷം ചതുരശ്ര മീറ്ററാകും.

പുതിയ പാർലമ​െൻറ്​ കെട്ടിടത്തിൻെറ മാതൃക

ഗുജറാത്ത്​ കേന്ദ്രീകരിച്ച്​ പ്രവർത്തിക്കുന്ന ഡോ. ബിമൽ പ​ട്ടേലി​​െൻറ നേതൃത്വത്തിലുള്ള എച്ച്​​.സി.പി ഡിനൈൻ, പ്ലാനിങ്​ ആൻഡ്​ മാനേജ്​മ​െൻറ്​ പ്രൈവറ്റ്​ എന്ന കമ്പനിക്കാണ്​ ​െകട്ടിടം നിർമിക്കാനുള്ള കരാർ നൽകിയിരിക്കുന്നത്​. ​കെട്ടിടത്തിനുള്ളിൽ പ്രത്യേക സൗകര്യങ്ങളോട്​ കൂടി പ്രധാനമന്ത്രിക്കും ഒരു വസതിയുണ്ടാകും. 2022ലെ സ്വാതന്ത്ര്യ ദിനത്തിൽ കെട്ടിടം നാടിന്​ സമർപ്പിക്കുന്ന രീതിയിലാണ്​ നിർമാണം പുരോഗമിക്കുകയെന്ന്​ ഹൗസിങ്​ ആൻഡ്​ അർബൻ അഫയേഴ​്​സ്​ മിനിസ്​റ്റർ ഹർദീപ്​ സിങ്​ പുരി പറഞ്ഞു.

ലോക്​ഡൗൺ സമയത്ത്​ നിർമാണ പ്രവർത്തനങ്ങൾക്ക്​ കാലതാമസം നേരിട്ടാല​ും പിന്നീട്​ യുദ്ധ കാലാടിസ്​ഥാനത്തിൽ നിർമാണം മുന്നോട്ടുകൊണ്ടു​പോകാൻ കമ്പനിക്ക്​ കഴിയുമെന്നും മറ്റു തടസ്സ​ങ്ങളൊന്നും നിലവിലില്ലെന്നും കമ്പനി അധികൃതർ വ്യക്തമാക്കി. പറഞ്ഞ സമയ പരിധിക്കുള്ളിൽ കെട്ടിടം നിർമിച്ചുനൽകാൻ കഴിയുമെന്നും ടെണ്ടർ നടപടികൾ പുരോഗമിക്കുകയാണെന്നും ഇവർ കൂട്ടിച്ചേർത്തു.

അതേസമയം, രാജ്യം കോവിഡ്​ മഹാമാരിയിലും അതോടനുബന്ധിച്ച സാമ്പത്തിക ​പ്രതിസന്ധികൾക്കിടയിലും ഞെരുങ്ങു​േമ്പാൾ പുതിയ പാർല​െമൻറ്​ കെട്ടിടം നിർമിക്കാനുള്ള തീരുമാനം നീട്ടി വെക്കണമെന്നോ അല്ലെങ്കിൽ റദ്ദാക്കണമെന്നോ കോൺഗ്രസ്​ പ്രസിഡൻറ്​ സോണിയ ഗാന്ധി ഉൾ​പ്പടെയുള്ളവർ ആവശ്യപ്പെട്ടു.

എന്നാൽ, ഇതൊന്നും കണക്കാക്കാതെ പഴയ പാർല​െമൻറ്​ കെട്ടിടത്തോട്​ ചേർന്ന 9.5 ഏക്കർ ഭൂമി വിനിയോഗ നടപടികൾക്കായി മാർച്ച്​ 20ന്​ കൈമാറിയിട്ടുണ്ട്​. കൂടാതെ ഫെബ്രുവരി 12ന്​ പാരിസ്​ഥിതികാനുമതി ലഭിക്കുന്നതിനും അപേക്ഷ നൽകി. ഏപ്രിൽ 22ന്​ കേന്ദ്ര പരിസ്​ഥിതി മ​ന്ത്രാലയത്തിലെ വിദഗ്​ധരടങ്ങുന്ന കമ്മിറ്റി അപേക്ഷ പരിഗണിക്കും.

അതേസമയം, മാർച്ച്​ 12ന്​ നൽകിയ പുതിയ ടെണ്ടറിൽ സെൻട്രൽ പബ്ലിക്​ വർക്​സ്​ വിഭാഗം പദ്ധതിക്കു​​േവണ്ടി ചെലവാകുന്ന തുക 922 കോടിയായി ഉയർത്തിയിട്ടുണ്ട്​. നേരത്തേ ഇത്​ 776 കോടിയായിരുന്നു. കെട്ടിടത്തി​​െൻറ പ്രത്യേകതകളിലെ മാറ്റംകൊണ്ടാണ്​ തുക ഉയർത്തിയതെന്നാണ്​ വിശദീകരണം.

രാജ്​പത്​, പാർലമ​െൻറ്​ കെട്ടിടം, രാഷ്​ട്രപതി ഭവൻ എന്നിവ അടങ്ങുന്ന ഇപ്പോഴത്തെ കെട്ടിടം 1911- 1931 കാലഘട്ടത്തിലാണ്​ നിർമിച്ചത്​. കെട്ടിടത്തിന്​ അധികം പഴക്കമോ മറ്റു പ്രശ്​നങ്ങളോ നിലവിലില്ല. സാമ്പത്തിക ഞെരുക്കത്തിനിടയിൽ ഇത്തരത്തിൽ പുതിയ പാർല​െമൻറ്​ കെട്ടിടം നിർമിക്കാനുള്ള നീക്കത്തിനെതിരെ നിരവധി പേർ രംഗത്തെത്തിയിട്ടുണ്ട്​.

Show Full Article
TAGS:pandamic corona Parliament house financial crisis india news malayalam news indian economy 
News Summary - Tendering Process for new Parliament to be issued after Lockdown -India news
Next Story