‘മൻ കി ബാത്തി’ന് പത്ത്; പിന്നിട്ടത് 114 എപ്പിസോഡുകൾ

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ പ്രതിമാസ റേഡിയോ പരിപാടിയായ ‘മൻ കി ബാത്ത്’ തുടങ്ങിയിട്ട് പത്ത് വർഷം. 2014 ഒക്‌ടോബർ മൂന്നിന് വിജയദശമി ദിനത്തിൽ ആരംഭിച്ച പരിപാടി, ഈ ഒക്‌ടോബർ മൂന്നിന് 10 വർഷം തികയും. 114 എപ്പിസോഡുകൾ പിന്നിട്ടു. ആകാശവാണി, ദൂരദർശൻ, ഓൾ ഇന്ത്യ റേഡിയോ, ന്യൂസ് ഓൺ എയർ ആപ്, യുട്യൂബ് ആപ് തുടങ്ങിയ പ്ലാറ്റ്‌ഫോമുകളിലൂടെയാണ് സംപ്രേഷണം.

മൻ കി ബാത്തിന്റെ ശ്രോതാക്കളാണ് ഈ പരിപാടിയുടെ യഥാർഥ അവതാരകരെന്നും 10 വർഷംകൊണ്ട് പരിപാടിയുടെ ജനപ്രീതി ഗണ്യമായി വർധിച്ചെന്നും മോദി പറഞ്ഞു. ഈ പരിപാടി രാജ്യത്തെ 22 ഭാഷകളിലും 12 വിദേശഭാഷകളിലും കേൾക്കാം. ഒക്‌ടോബർ രണ്ടിന് സ്വച്ഛ് ഭാരത് മിഷനും 10 വർഷം തികയുമെന്നും അദ്ദേഹം കൂട്ടിച്ചേർത്തു.