ജയലളിതയുടെയും എം.ജി.ആറിന്‍റെയും ക്ഷേത്രം ഇന്ന്​ നാടിന്​ സമർപ്പിക്കും

ചെന്നൈ: തമിഴ്​നാട്​ മുൻ മുഖ്യമന്ത്രി ​െജ. ജയലളിതക്കും അവരുടെ മാർഗദർശി എം.ജി. രാമചന്ദ്രനും സമർപ്പിച്ചിരിക്കുന്ന ക്ഷേത്രം ശനിയാഴ്ച ഉദ്​ഘാടനം ​െചയ്യും. മുഖ്യമന്ത്രി ഇ. പളനിസ്വാമിയാണ്​ ഉദ്ഘാടനം നിർവഹിക്കുക. തെരഞ്ഞെടുപ്പ്​ അടുത്തതോടെയാണ്​ അണികളെ ചേർത്തുനിർത്താനുള്ള പുതിയ നീക്കം.

കല്ലുപ്പട്ടി നഗരത്തിലെ ഒന്നരയേക്കർ സ്​ഥലത്താണ്​ ക്ഷേത്രം. ഇരുനേതാക്കളുടെയും വെങ്കലത്തിൽ തീർത്ത പ്രതിമയും ക്ഷേത്രത്തിലുണ്ട്​.

'അമ്മയെ വിവിധ പേരുകളിൽ ഞങ്ങൾ വിളിക്കുന്നു. ഇദയ ദൈവം, കാവൽ ദൈവം, കുലസാമി എന്നിവയെല്ലാം ഇതിൽ ഉൾപ്പെടും. ഇൗ ക്ഷേത്രം അത്​ ഔപചാരികമാക്കുന്നു. ക്ഷേത്രത്തിൽ പ്രാർഥനക്കും സമയം ചിലവഴിക്കുന്നതിനും ആവശ്യത്തിലധികം സ്​ഥലമുണ്ട്​' -മന്ത്രി പറഞ്ഞു.

ജയലളിതയും എം.ജി.ആറും തങ്ങൾക്കുവേണ്ടി ഒരുപാട്​ ത്യാഗം സഹിച്ചു. അതിനാൽ അവരെ ദൈവമായി കണക്കാക്കുന്നുവെന്നായിരുന്നു തെരഞ്ഞെടുപ്പിനെ തുടർന്നാണ്​ ക്ഷേത്രം നിർമിച്ചതെന്ന വിമർശനത്തിന്​ മന്ത്രിമാരുടെ മറുപടി.