തെലങ്കാനയിൽ അന്യ ജാതിക്കാരനെ വിവാഹം കഴിച്ച മകളെ മാതാപിതാക്കൾ ചുട്ടുകൊന്നു

ഹൈദരാബാദ്: മകൾ താഴ്​ന്ന ജാതിയിൽപ്പെട്ട യുവാവിനെ പ്രണയിച്ച്​ വിവാഹം കഴിച്ചതിൽ പ്രകോപിതരായ മാതാപിതാക്കൾ മകള െ ചുട്ടുകൊന്നു. അനുരാധ(20) ആണ് കൊല്ലപ്പെട്ടത്. ചില ബന്ധുക്കളുടെ സഹായത്തോടെയാണ് മാതാപിതാക്കൾ കൊല നടത്തിയത്​. സം ഭവവുമായി ബന്ധപ്പെട്ട് അനുരാധയുടെ മാതാപിതാക്കളായ സത്തേന്ന, ലക്ഷ്മി എന്നിവരെ പൊലീസ് അറസ്റ്റ്​ ചെയ്തു.

ഹൈദ രാബാദിൽ നിന്ന്​ 250 കിലോമീറ്റർ അകലെ മഞ്ചേരിയൽ ജില്ലയിലെ കലമഡുകു ഗ്രാമത്തിൽ ശനിയാഴ്​ച രാത്രിയായിരുന്നു ദാരുണമാ യ ദുരഭിമാന കൊല നടന്നത്​​. യുവതിയെ ചുട്ടുകൊന്ന്​ ചാരം അരുവിയിൽ ഒഴുക്കുകയായിരുന്നു. ഭർത്താവ് ലക്ഷ്മണൻ നൽകിയ പരാതിയെ തുടർന്ന് പൊലീസ് നടത്തിയ അന്വേഷണത്തിൽ ഞായറാഴ്​ചയാണ്​ സംഭവത്തി​​​െൻറ ചുരുളഴിഞ്ഞത്​.​

ഒരേ ഗ്രാമത്തി​ൽ താമസക്കാരായ ലക്ഷ്മണും അനുരാധയും തമ്മിൽ പ്രണയത്തിലായിരുന്നു. വിവാഹിതരാവണമെന്ന ആഗ്രഹത്തിന്​ അനുരാധയുടെ വീട്ടുകാർ എതിരു നിന്നതോടെ ഇരുവരും ഹൈദരാബാദിലേക്ക് ഒളിച്ചോടുകയും ഇൗ മാസം മൂന്നിന് വിവാഹിതരാവുകയും ചെയ്​തു.

20 ദിവസങ്ങൾക്ക് ശേഷം ഇരുവരും ഗ്രാമത്തിൽ തിരിച്ചെത്തിയതറിഞ്ഞ അനുരാധയുടെ മാതാപിതാക്കൾ ബന്ധുക്കളുടെ സഹായത്തോടെ വീട് ആക്രമിച്ച് ലക്ഷ്മണിനെ മർദിച്ച്​ അവശനാക്കിയ ശേഷം അനുരാധയെ ബലമായി പിടിച്ചുകൊണ്ടുപോയി. തുടർന്ന്​ നിർമൽ ജില്ലയിലെ മല്ലാപുർ ഗ്രാമത്തിൽ വെച്ച് അനുരാധയെ ചുട്ടുകൊല്ലുകയായിരുന്നു.

നേരത്തെയും തെലങ്കാനയിൽ ദുരഭിമാന കൊല അരങ്ങേറിയിരുന്നു. കഴിഞ്ഞ സെപ്​തംബറിൽ ഉന്നത ജാതിയിൽപ്പെട്ട അമൃത എന്ന യുവതിയെ വിവിാഹം ചെയ്​ത പ്രണയ് കുമാർ എന്ന ദലിത് യുവാവിനെ ഭാര്യാ പിതാവി​​​െൻറ നേതൃത്വത്തിൽ വെട്ടി കൊലപ്പെടുത്തിയിരുന്നു. ഭാര്യയുടെയും അമ്മയുടെയും മുന്നിൽ വെച്ചായിരുന്നു പ്രണയിയെ കൊന്നത്.