പ്രായപൂർത്തിയാകാത്ത പെൺകുട്ടിയെ പീഡിപ്പിച്ചയാൾക്ക് ശിക്ഷ വെറും ​ 2.5 ലക്ഷം പിഴ

ന്യൂഡൽഹി: പ്രായപൂർത്തിയാകാത്ത പെൺകുട്ടിയെ വിവാഹ വാഗ്​ദാനം നൽകി പീഡിപ്പിച്ച കേസിൽ യുവാവിന്​ നാട്ടുകുട്ടം ശിക്ഷയായി വിധിച്ചത്​ 2.5 ലക്ഷം രൂപ. തെലുങ്കാനയിലാണ്​ സംഭവമുണ്ടായത്​. ആഗസ്​റ്റ്​ ഒന്നിന്​ നടന്ന സംഭവം ഇപ്പോഴാണ്​ പുറംലോകമറിയുന്നത്​.

ആറ്​ പേർ ചേർന്ന്​​ കേസിൽ മധ്യസ്ഥതക്ക്​ ശ്രമിച്ചെന്നാണ്​​ പൊലീസ്​ പറയുന്നത്​. ഇതിൽ നാല്​ പേരെ ​പൊലീസ്​ അറസ്​റ്റ്​ ചെയ്​തിട്ടുണ്ട്​. പെൺകുട്ടിയെ പീഡിപ്പിച്ച യുവാവും പൊലീസ്​ പിടിയിലായിട്ടുണ്ട്​. തുടർന്ന്​ കോടതിയിൽ ഹാജരാക്കിയ ഇവരെ റിമാൻഡ്​ ചെയ്​തു.

​െഎ.പി.സി സെക്ഷൻ 376 പ്രകാരവും പോക്​സോ ആക്​ടിലെ വകുപ്പുകൾ പ്രകാരവുമാണ്​ പ്രതികൾക്കെതിരെ കേസെടുത്തിരിക്കുന്നത്​. സമീപത്തെ പരുത്തിപാടത്ത്​ മാതാപിതാക്കളോടൊപ്പം ജോലി ചെയ്യുകയായിരുന്നു പെൺകുട്ടി. പരുത്തിപാടത്തി​​​​​െൻറ ഉടമ തന്നെയാണ്​ പെൺകുട്ടിയെ പീഡിപ്പിച്ചത്​.