സൗദിയിൽനിന്ന്​ നാട്ടിലേക്ക്​ വരുന്നതിന്​ തൊട്ടുമുമ്പ്​ വിമാനത്താവളത്തിൽ തെലങ്കാന സ്വദേശി മരിച്ചു

നാട്ടിലേക്ക്​ വിമാനം കയറാൻ നിമിഷങ്ങൾ മാത്രം ശേഷിക്കെ തെലങ്കാന സ്വദേശി സൗദി വിമാനത്താവളത്തിൽ മരിച്ചു. തെലങ്കാന സ്വദേശിയായ മുഹമ്മദ് ചന്ദ് പാഷയാണ്​ ഹൃദയാഘാതത്തെ തുടർന്ന്​ മരിച്ചത്​. വിമാനത്താവളത്തിൽ വിമാനം പുറപ്പെടുന്നതിന്​ ഒരു മണിക്കൂർ മുമ്പ്​ പാഷ കുഴഞ്ഞുവീണ്​ മരിക്കുകയായിരുന്നു.

തെലങ്കാന ജഗ്തിയാലിലെ കൊടിമ്യാൽ മണ്ഡലിലെ കൊണ്ടാപൂർ ഗ്രാമത്തിലെ സ്വദേശിയായ പാഷ, സൗദി അബഹ നഗരത്തിൽ ജോലിക്കായി പോയതായിരുന്നു. മാർച്ച്​ രണ്ടിനാണ്​ സംഭവം. മൂന്നാഴ്ചക്ക്​ ശേഷമാണ്​ വിവരം പുറത്തറിയുന്നത്​. ഹൃദയാഘാതം ഉണ്ടായ ഉടൻ തന്നെ ഇദ്ദേഹത്തെ ആശുപത്രിയിൽ എത്തിച്ചു. എത്തിയപ്പോൾ തന്നെ അദ്ദേഹം മരിച്ചതായി ഡോക്ടർമാർ അറിയിച്ചു.