തെലങ്കാന മരുന്ന് ഫാക്ടറിയിലെ സ്ഫോടനം: മരണം 44 ആ​യി

സം​ഗ​റെ​ഡ്ഡി (തെ​ല​ങ്കാ​ന): തെ​ല​ങ്കാ​ന​യി​ലെ ​മ​രു​ന്ന് ഫാ​ക്ട​റി​യി​ലു​ണ്ടാ​യ സ്ഫോ​ട​ന​ത്തി​ൽ മ​രി​ച്ച​വ​ർ 44 ആ​യി. പ​സാ​മൈ​ലാ​രം ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​ലെ സി​ഗാ​ച്ചി ഫാ​ർ​മ ക​മ്പ​നി​യി​ൽ തി​ങ്ക​ളാ​ഴ്ച രാ​വി​ലെ 9.30നാ​ണ് പൊ​ട്ടി​ത്തെ​റി​യു​ണ്ടാ​യ​ത്. സ്ഫോ​ട​നം ന​ട​ന്ന സ്ഥ​ല​ത്തെ അ​വ​ശി​ഷ്ട​ങ്ങ​ൾ​ക്കി​ട​യി​ൽ​നി​ന്ന് നിരവധി മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തു. ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് മൂ​ന്നു​പേ​ർ മ​രി​ച്ച​ത്. പ​രി​ക്കേ​റ്റ പ​ല​രു​ടെ​യും നി​ല ഗു​രു​ത​ര​മാ​ണ്.

സ്ഫോ​ട​ന സ​മ​യ​ത്ത് പ​രി​സ​ര​ത്ത് 143 പേ​ർ ഉ​ണ്ടാ​യി​രു​ന്നു​വെ​ന്നും പ​ല​രെ​യും ക​ണ്ടെ​ത്താ​നാ​യി​ല്ലെ​ന്നും റി​പ്പോ​ർ​ട്ടു​ണ്ട്. മ​രി​ച്ച​വ​രി​ൽ ഒ​മ്പ​തു​പേ​രെ​യാ​ണ് തി​രി​ച്ച​റി​ഞ്ഞ​ത്. മ​റ്റ് മൃ​ത​ദേ​ഹ​ങ്ങ​ൾ തി​രി​ച്ച​റി​യാ​ൻ ഡി.​എ​ൻ.​എ പ​രി​ശോ​ധ​ന ന​ട​ത്തും.

ഫാ​ക്ട​റി​യി​ലെ രാ​സ​പ്ര​വ​ർ​ത്ത​നം മൂ​ല​മാ​ണ് പൊ​ട്ടി​ത്തെ​റി ഉ​ണ്ടാ​യ​തെ​ന്നാ​ണ് നി​ഗ​മ​നം. തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ത് റെ​ഡ്ഡി​യും മ​ന്ത്രി​മാ​രും അ​പ​ക​ട​സ്ഥ​ല​വും പ​രി​ക്കേ​റ്റ​വ​രെ​യും സ​ന്ദ​ർ​ശി​ച്ചു. മ​രി​ച്ച​വ​രു​ടെ ബ​ന്ധു​ക്ക​ൾ​ക്ക് സ​ർ​ക്കാ​റും ക​മ്പ​നി​യും ഒ​രു കോ​ടി രൂ​പ വീ​തം ന​ഷ്ട​പ​രി​ഹാ​രം ന​ൽ​കു​മെ​ന്ന് മു​ഖ്യ​മ​ന്ത്രി അ​റി​യി​ച്ചു. ഗു​രു​ത​ര പ​രി​ക്കേ​റ്റ​വ​ർ​ക്ക് 10 ല​ക്ഷം രൂ​പ​യും നി​സ്സാ​ര പ​രി​​ക്കേ​റ്റ​വ​ർ​ക്ക് അ​ഞ്ചു​ല​ക്ഷം രൂ​പ​യും ന​ൽ​കും.