ലോക്ക്​ഡൗൺ ഏപ്രിൽ 30 വരെ നീട്ടി തെലങ്കാന സർക്കാർ

ഹൈദരാബാദ്​: തെലങ്കാനയിൽ ലോക്ക്​ഡൗൺ ഏപ്രിൽ 30 വരെ നീട്ടി. കോവിഡ്​ വ്യാപനത്തി​​െൻറ പശ്ചാത്തലത്തിൽ ഏപ്രിൽ 30 വരെ സംസ്ഥാനത്ത് ലോക്ക്ഡൗൺ തുടരാനും കർശനമായ രീതിയിൽ തന്നെ ഇനിയുള്ള ദിവസങ്ങളിലും നടപ്പാക്കാനും മന്ത്രിസഭാ യോഗം ത ീരുമാനിച്ചതായി മുഖ്യമന്ത്രി കെ.സി.ആർ പറഞ്ഞു. തെലങ്കാനയെ കൂടാതെ ഒഡീഷയും പഞ്ചാബും ലോക്ക്​ഡൗൺ 15 ദിവസത്തേക്ക്​ നീട്ടിയിരുന്നു.

കേന്ദ്രസർക്കാർ പ്രഖ്യാപിച്ച ലോക്ക്​ഡൗൺ ഏപ്രിൽ 14 ന് അപ്പുറത്തേക്ക് നീട്ടാനുള്ള തീരുമാനത്തിനായി മറ്റ്​ സംസ്ഥാനങ്ങൾ കാത്തിരിക്കുകയാണ്. ലോക്ക്​ഡൗൺ നീട്ടുന്നത്​ സംബന്ധിച്ച്​ പ്രധാനമന്ത്രി നരേന്ദ്രമോദി ശനിയാഴ്​ച മുഖ്യമന്ത്രിമാരുമായി വിഡിയോ കോൺഫറൻസ്​ നടത്തിയിരുന്നു. ലോക്ക്ഡൗൺ ഫലപ്രദമായി നടപ്പാക്കണമെന്നും നിയമലംഘനങ്ങൾ തടയണമെന്നും പ്രധാനമന്ത്രി സംസ്ഥാന സർക്കാരുകളോട് ആവശ്യപ്പെട്ടിട്ടുണ്ട്. രാജ്യവ്യാപക ലോക്ക്​ഡൗൺ നാളെ അവസാനിക്കാനിരിക്കെ അത്​ നീട്ടുന്നത്​ സംബന്ധിച്ച്​ സർക്കാരിൽ നിന്ന് അന്തിമ പ്രഖ്യാപനം ഇനിയും വന്നിട്ടില്ല.

അതേസമയം, ഇന്ത്യയിൽ 9,000 ലധികം കോവിഡ്​ കേസുകൾ റിപ്പോർട്ട് ചെയ്യപ്പെട്ടിട്ടുണ്ട്. മരണസംഖ്യ 308 ആയി. ഏറ്റവും കൂടുതൽ മരണങ്ങളും കേസുകളും റിപ്പോർട്ട് ചെയ്തത് മഹാരാഷ്ട്രയിലാണ്.