തേജസ്വിനി അനന്ത്​കുമാർ ബി.ജെ.പി കർണാടക ഉപാധ്യക്ഷ

ബംഗളൂരു: ബംഗളൂരു സൗത്ത്​ മണ്ഡലത്തിൽ അപ്രതീക്ഷിതമായി സീറ്റ്​ നിഷേധിക്കപ്പെട്ട തേജസ്വിനി അനന്ത്​കുമാറിനെ അനുനയിപ്പിക്കാൻ ബി.ജെ.പി നീക്കം. കർണാടക ബി.ജെ.പി വൈസ്​ പ്രസിഡൻറായി തേജസ്വിനിയെ നിയമിച്ചതായി പ്രസിഡൻറ്​ ബി.എസ്​. യെദിയൂരപ്പ അറിയിച്ചു. ത​​െൻറ ട്വിറ്റർ പോസ്​റ്റിൽ തേജസ്വിനിയെ ടാഗ്​ ചെയ്​താണ്​ ഇൗ വിവരം യെദിയൂരപ്പ അറിയിച്ചത്​.

ബംഗളൂരു സൗത്തിലെ പാർട്ടി സ്​ഥാനാർഥിയായ തേജസ്വി സൂര്യയുടെ പ്രചാരണത്തിനായി ബി.ജെ.പി ദേശീയാധ്യക്ഷൻ അമിത്​ ഷാ മണ്ഡലത്തിലെത്തുന്നതിന്​ ഏതാനും മണിക്കൂറുകൾ മുമ്പാണ്​ ഇൗ പ്രഖ്യാപനമെന്നതാണ്​ ശ്രദ്ധേയം​. അമിത് ​ഷാ പ​െങ്കടുക്കുന്ന റാലിയിൽ തേജസ്വിനി അനന്ത്​കുമാറി​​െൻറയും അതൃപ്​തരായ അനുയായികളുടെയും സാന്നിധ്യം ഉറപ്പുവരുത്തുക എന്ന ലക്ഷ്യംകൂടി ഇൗ ധിറുതിയിലുള്ള പ്രഖ്യാപനത്തിനു​ പിന്നിലുണ്ട്​.

അഞ്ചുതവണ തുടർച്ചയായി ബംഗളൂരു സൗത്ത്​ മണ്ഡലത്തെ പ്രതിനിധാനം ചെയ്​ത അന്തരിച്ച മുൻ കേന്ദ്രമന്ത്രി എച്ച്​.എൻ. അനന്ത്​കുമാറി​​െൻറ ഭാര്യയാണ്​ തേജസ്വിനി. മണ്ഡലത്തിലെ സ്​ഥാനാർഥിയായി തേജസ്വിനിയുടെ പേര്​ ബി.ജെ.പി സംസ്​ഥാന കമ്മിറ്റി നിർദേശിച്ചെങ്കിലും അവസാന നിമിഷം നരേന്ദ്ര മോദിയുടെ നിർദേശപ്രകാരം യുവമോർച്ച നേതാവായ തേജസ്വി സൂര്യയെ സ്​ഥാനാർഥിയാക്കുകയായിരുന്നു. ബസവനഗുഡി എം.എൽ.എ രവി സുബ്രഹ്​മണ്യയുടെ മരുമകൻ കൂടിയാണ്​ 28കാരനായ തേജസ്വി സൂര്യ. തേജസ്വിനി അനന്ത്​കുമാറിനെതിരെ രവി സുബ്രഹ്​മണ്യ ചരടുവലിച്ചതാണെന്നാരോപിച്ച്​ അവരുടെ അനുയായികൾ പ്രതിഷേധവുമായി രംഗത്തെത്തിയിരുന്നു. തേജസ്വി സൂര്യക്കായി പ്രചാരണത്തിനിറങ്ങാനും പലരും തയാറായിരുന്നില്ല.

2018 നിയമസഭ തെരഞ്ഞെടുപ്പിൽ ബി.എസ്​. യെദിയൂരപ്പയുടെ രണ്ടാമത്തെ മകൻ ബി.വൈ. വിജയേന്ദ്ര വരുണ മണ്ഡലത്തിനായി ശ്രമിച്ചിരുന്നെങ്കിലും സീറ്റ്​ ദേശീയ നേതൃത്വം നിഷേധിച്ചിരുന്നു. അനുയായികൾ അമിത്​ഷാക്കെതിരെ പ്രതിഷേധവുമായി രംഗത്തെത്തിയതോടെ വിജയേന്ദ്രക്ക്​ യുവമോർച്ച ജനറൽ സെക്രട്ടറി പദവി നൽകി പ്രശ്​നപരിഹാരം ക​ണ്ടെത്തുകയായിരുന്നു.