മതനിരപേക്ഷ ഇന്ത്യയുടെ യുവതേജസ്വി

റ​ണ്ണെ​ടു​ക്കാ​നോ​ടു​ന്ന ബാ​റ്റി​ങ് പ​ങ്കാ​ളി​യെ ച​തി​ച്ച് ഔ​ട്ടാ​ക്കി എ​തി​ർ ടീ​മി​നെ സ​ഹാ​യി​ക്കു​ന്ന​തു പോ​ലൊ​രു കൊ​ടും​ക്രൂ​ര​ത​യാ​ണ് 2017ൽ ​ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​ർ ഉ​പ​മു​ഖ്യ​മ​ന്ത്രി തേ​ജ​സ്വി യാ​ദ​വി​നോ​ട് ചെ​യ്​​ത​ത്. തി​ക​ഞ്ഞ രാ​ഷ്​ട്രീ​യ വി​രോ​ധ​ത്തി​ലൂ​ന്നി കേ​ന്ദ്ര​സ​ർ​ക്കാ​ർ കെ​ട്ടി​ച്ച​മ​ച്ചൊ​രു കേ​സി​ൽ പേ​രു​ണ്ടെ​ന്ന് പ​റ​ഞ്ഞാ​യി​രു​ന്നു ആ​ദ​ർ​ശ​വാ​ദി ച​മ​ഞ്ഞ് നി​തീ​ഷ് തേ​ജ​സ്വി​യെ മ​ന്ത്രി​സ​ഭ​യി​ൽ​നി​ന്ന് ഇ​റ​ക്കി​വി​ട്ട​തും മ​ഹാ​സ​ഖ്യം പി​രി​ഞ്ഞ് ബി.​ജെ.​പി പാ​ള​യ​ത്തി​ൽ ചേ​ക്കേ​റി​യ​തും.

ബി​ഹാ​റി‍െൻറ ച​രി​ത്ര​ത്തി​ലെ ഏ​റ്റ​വും പ്രാ​യം കു​റ​ഞ്ഞ ഉ​പ​മു​ഖ്യ​മ​ന്ത്രി​യാ​യി​രു​ന്ന ആ ​മു​ൻ ക്രി​ക്ക​റ്റ​ർ തി​ക​ഞ്ഞ രാ​ഷ്​ട്രീ​യ പ​ക്വ​ത ത​നി​ക്കു​ണ്ടെ​ന്ന് അ​ന്നേ തെ​ളി​യി​ച്ചി​രു​ന്നു. ആ ​പ​ക്വ​ത​യി​ലൂ​ന്നി ജ​ന​ഹൃ​ദ​യ​ങ്ങ​ളി​ലേ​ക്ക് ന​ട​ത്തി​യ സ​ഞ്ചാ​രം മൂ​ന്നു വ​ർ​ഷ​ങ്ങ​ൾ​ക്കി​പ്പു​റം ആ 31​കാ​ര​നെ ബി​ഹാ​റി​ലെ പ്ര​മു​ഖ നേ​താ​വി​െൻറ ക​സേ​ര​യി​ലെ​ത്തി​ച്ചി​രി​ക്കു​ന്നു.

നാ​ണം​കു​ണു​ങ്ങി​യും അ​ന്ത​ർ​മു​ഖ​നു​മാ​യി​രു​ന്നു ബി​ഹാ​റി​ൽ മു​ഖ്യ​മ​ന്ത്രി​മാ​രാ​യി​രു​ന്ന ലാ​ലു​പ്ര​സാ​ദ് യാ​ദ​വി‍െൻറ​യും റാ​ബ്രി ദേ​വി​യു​ടെ​യും ഇ​ള​യ​മ​ക​ൻ. ക്രി​ക്ക​റ്റ്​ ക​രി​യ​ർ സ്വ​പ്​​നം​ക​ണ്ട് ഒ​മ്പ​താം ക്ലാ​സി​ൽ പ​ഠി​ത്തം നി​ർ​ത്തി. ഝാ​ർ​ഖ​ണ്ഡ്, ഡ​ൽ​ഹി ഡെ​യ​ർ ഡെ​വി​ൾ​സ് ടീ​മു​ക​ളു​ടെ ജ​ഴ്​​സി​യ​ണി​ഞ്ഞെ​ങ്കി​ലും മി​ക്ക​വാ​റും പ​വി​ലി​യ​നി​ലാ​യി​രു​ന്നു സ്ഥാ​നം.

കാ​ലി​ത്തീ​റ്റ കും​ഭ​കോ​ണ​ക്കേ​സി​ൽ കു​റ്റ​ക്കാ​ര​നെ​ന്ന് വി​ധി​ച്ച് കോ​ട​തി തെ​ര​ഞ്ഞെ​ടു​പ്പി​ൽ​നി​ന്ന് വി​ല​ക്കി​യ ഘ​ട്ട​ത്തി​ലാ​ണ് ലാ​ലു​ജി രാ​ഷ്ട്രീ​യ പാ​ര​മ്പ​ര്യം കാ​ക്കാ​ൻ തേ​ജ​സ്വി​യെ​യും തേ​ജ് ബ​ഹാ​ദൂ​റി​നെ​യും 2015ലെ ​തെ​ര​ഞ്ഞെ​ടു​പ്പി​ൽ സ്​​ഥാ​നാ​ർ​ഥി​ക​ളാ​ക്കി​യ​ത്.

കാ​ടി​ള​ക്കി വ​ന്ന മോ​ദി-​ഷാ ദ്വ​യ​ങ്ങ​ളെ ത​ക​ർ​ത്ത് നി​തീ​ഷി‍െൻറ ജെ.​ഡി​യു​വും ലാ​ലു​വി‍െൻറ ആ​ർ.​ജെ.​ഡി​യും കോ​ൺ​ഗ്ര​സു​മ​ട​ങ്ങി​യ മ​ഹാ​സ​ഖ്യം വി​ജ​യം കൊ​യ്തെ​ങ്കി​ലും ബി.​ജെ.​പി കൊ​രു​ത്ത ചൂ​ണ്ട​യി​ൽ കൊ​ത്തി​യ നി​തീ​ഷ്, സ​ഖ്യം പി​ള​ർ​ത്തി​യ​തോ​ടെ ഉ​പ​മു​ഖ്യ​മ​ന്ത്രി​ക്ക​സേ​ര പോ​യ തേ​ജ​സ്വി പ്ര​തി​പ​ക്ഷ നാ​യ​ക​നാ​യി. 2019ലെ ​ലോ​ക്​​സ​ഭ തെ​ര​ഞ്ഞെ​ടു​പ്പി​ൽ പാ​ർ​ട്ടി​യെ ന​യി​ച്ചെ​ങ്കി​ലും തോ​റ്റ​മ്പി. തോ​ൽ​വി​ക്കു പി​ന്നാ​ലെ രാ​ഹു​ൽ ഗാ​ന്ധി​യെ അ​നു​സ്​​മ​രി​പ്പി​ക്കും വി​ധം തി​രോ​ഭ​വി​ച്ച തേ​ജ​സ്വി പി​ന്നെ​യൊ​രു​നാ​ൾ മ​ട​ങ്ങി വ​ന്നു. പാ​ർ​ട്ടി അ​തി‍െൻറ അ​ധി​കാ​ര​കാ​ല​ങ്ങ​ളി​ൽ ചെ​യ്​​തു കൂ​ട്ടി​യ അ​പ​രാ​ധ​ങ്ങ​ൾ​ക്ക് ജ​ന​ത​യോ​ട് മാ​പ്പ് ചോ​ദി​ക്കു​ക എ​ന്ന ഇ​ന്ത്യ​ൻ രാ​ഷ്​ട്രീ​യ​ത്തി​ൽ മാ​തൃ​ക​യി​ല്ലാ​ത്ത മാ​ന്യ​ത കാ​ണി​ച്ചു. ബി​ഹാ​റി ജ​ന​ത​യെ കാ​ണു​വാ​നും കേ​ൾ​ക്കു​വാ​നും സ​മ​യം ക​ണ്ടെ​ത്തി. ക​ന​ത്ത നാ​ശം പെ​യ്യി​ച്ച് ബാ​ഗ്മ​തി, അ​ധ്വാ​ര ന​ദി​ക​ൾ ക​വി​ഞ്ഞൊ​ഴു​കി​യ പ്ര​ള​യ​കാ​ല​ത്ത് ന​ന​ഞ്ഞു​വി​റ​ച്ച ജ​ന​ത​യെ നെ​ഞ്ചി​ലെ ചൂ​ടി​നാ​ൽ ചേ​ർ​ത്തു​പി​ടി​ച്ചു. മു​ന്നും​പി​ന്നും നോ​ക്കാ​തെ പ്ര​ഖ്യാ​പി​ച്ച കോ​വി​ഡ് ലോ​ക്​​ഡൗ​ൺ മൂ​ലം ദു​രി​ത​ക്ക​ന​ൽ താ​ണ്ടേ​ണ്ടി​വ​ന്ന ബി​ഹാ​റി​ൽ​നി​ന്നു​ള്ള കു​ടി​യേ​റ്റ തൊ​ഴി​ലാ​ളി​ക​ൾ​ക്ക് സാ​ന്ത്വ​ന​മേ​കി. വി​കാ​സ പു​രു​ഷ​ൻ എ​ന്ന് വീ​മ്പി​ള​ക്കു േമ്പാ​ഴും നി​തീ​ഷ് കു​മാ​ർ അ​േ​മ്പ പ​രാ​ജ​യ​പ്പെ​ട്ട യു​വ​ജ​ന​ങ്ങ​ളു​ടെ തൊ​ഴി​ൽ വി​ഷ​യം രാഷ്​ട്രീ​യ പ്ര​ശ്​​ന​മാ​യി ഉ​യ​ർ​ത്തി​ക്കാ​ണി​ച്ചു.

നി​തീ​ഷ് വീ​ണ്ടും അ​ധി​കാ​ര​ത്തി​ലേ​റു​മെ​ന്ന് അ​ഭി​പ്രാ​യ​വോ​ട്ടെ​ടു​പ്പു​ക​ളെ​ല്ലാം ഒ​രേ ശ​ബ്​​ദ​ത്തി​ൽ പ്ര​വ​ചി​ക്കു​ന്ന​തി​നി​ടെ പ​യ്യ​ന് പ​ക്വ​ത പോ​രെ​ന്ന് പ​റ​ഞ്ഞ് തെ​ര​ഞ്ഞെ​ടു​പ്പി‍െൻറ പ​ടി​വാ​തി​ക്ക​ൽ വെ​ച്ച് ജി​തി​ൻ റാം ​മാ​ഞ്ജി​യെ​പ്പോ​ലു​ള്ള കാ​ര​ണ​വ​ന്മാ​ർ സ​ഖ്യം വി​ട്ട് ബി.​ജെ.​പി​ക്കൊ​പ്പം പോ​യി. അ​പ്പോ​ഴും കു​ലു​ങ്ങി​യി​ല്ല ലാ​ലു പു​ത്ര​ൻ. ആ​കാ​വു​ന്ന​ത്ര തെ​ര​ഞ്ഞെ​ടു​പ്പ് യോ​ഗ​ങ്ങ​ളി​ൽ നേ​രി​ട്ടെ​ത്തി. അ​ധി​കാ​ര​മേ​റ്റാ​ൽ ആ​ദ്യ മ​ന്ത്രി​സ​ഭ​യോ​ഗ​ത്തി​ൽ പ​ത്തു​ല​ക്ഷം പേ​ർ​ക്ക് തൊ​ഴി​ല​വ​സ​രം സൃ​ഷ്​​ടി​ക്കു​മെ​ന്ന വാ​ഗ്​​ദാ​നം ത​രം​ഗ​മാ​യി. പാ​ർ​ട്ടി​യെ​പ്പോ​ലും ഞെ​ട്ടി​ച്ച് എ​ല്ലാ സാ​മൂ​ഹി​ക അ​ക​ല​ങ്ങ​ളും തെ​റ്റി​ച്ച് പ്ര​ചാ​ര​ണ​യോ​ഗ​ങ്ങ​ളി​ലേ​ക്ക് ആ​ളൊ​ഴു​കി. പ​ണി​യി​ല്ലാ​തെ, പ​ട്ടി​ണി കി​ട​ന്നു മ​രി​ക്കു​ന്ന​തി​ലും ഭേ​ദം കോ​വി​ഡ് പി​ടി​ക്കു​ന്ന​താ​ണെ​ന്ന് ക​രു​തി​യി​ട്ടു​ണ്ടാ​വും ജ​ന​ങ്ങ​ൾ. എ​ൻ.​ഡി.​എ​യു​ടെ താ​ര​പ്ര​ചാ​ര​ക​നാ​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി 'ജം​ഗി​ൾ​രാ​ജി​ലെ യു​വ​രാ​ജാ'​വെ​ന്ന് പ​രി​ഹ​സി​ച്ച​പ്പോ​ഴും നി​യ​ന്ത്ര​ണം വി​ട്ടി​ല്ല. പ​ക​രം വേ​ദി​ക​ളി​ൽ പ​ക്വ​ത​യോ​ടെ പ​ച്ച​യാ​യ രാ​ഷ്ട്രീ​യം പ​റ​ഞ്ഞു. രാ​ഷ്ട്രീ​യ ബോ​ധ​ത്തി​ൽ എ​ന്നും ഇ​ന്ത്യ​ക്ക് വ​ഴി​കാ​ണി​ച്ച ബി​ഹാ​റി ജ​ന​ത ആ ​പ​ക്വ​ത​യെ അം​ഗീ​ക​രി​ച്ചു എ​ന്നു വ്യ​ക്ത​മാ​ക്കു​ന്ന​താ​ണ് ജ​ന​വി​ധി.

തേ​ജ​സ്വി​യു​ടെ നേ​തൃ​ത്വ​ത്തി​ലെ മ​ഹാ​സ​ഖ്യം മു​ന്നേ​റുേ​മ്പാ​ൾ ബി​ഹാ​ർ ജ​ന​ത​ക്കൊ​പ്പം ആ​ന​ന്ദി​ക്കു​ന്ന​ത് ഇ​ന്ത്യ​യെ​മ്പാ​ടു​മു​ള്ള മ​തേ​ത​ര ജ​നാ​ധി​പ​ത്യ സ​മൂ​ഹ​മാ​ണ്. വി​ശി​ഷ്യാ, വ​ർ​ഗീ​യ​ത​യു​ടെ ര​ഥ​ച​ക്ര​ങ്ങ​ളെ ത​ട​യാ​ൻ നെ​ഞ്ചൂ​ക്ക് കാ​ണി​ച്ച ലാ​ലു​വി​നൊ​ത്തൊ​രു പി​ൻ​ഗാ​മി അ​നി​വാ​ര്യ​മാ​കു​ന്നൊ​രു കാ​ല​ത്ത്..