'മോദി സംസാരിക്കേണ്ടിയിരുന്നത്​ വിശപ്പിനെക്കുറിച്ച്​​'; തിരിച്ചടിച്ച്​ ​േതജസ്വി

പറ്റ്​ന: 'ജംഗ്​ൾ രാജി​െൻറ യുവരാജ്​' എന്ന്​ തനി​ക്കെതിരെ പ്രധാനമന്ത്രി നരേന്ദ്ര മോദി ചൊരിഞ്ഞ പരിഹാസത്തിന്​ കുറിക്കുകൊള്ളുന്ന മറുപടിയുമായി ആർ.ജെ.ഡി നേതാവ്​ തേജസ്വി യാദവ്​. വ്യക്​തിപരമായ ആക്രമണങ്ങൾ നടത്തുന്നതിനു പകരം ബിഹാറി​ലെ വിശപ്പും തൊഴിലില്ലായ്​മയും അടക്കമുള്ള പ്രശ്​നങ്ങളെക്കുറിച്ചാണ്​ മോദി സംസാരിക്കേണ്ടിയിരുന്നതെന്ന്​ വിശാല പ്രതിപക്ഷ സഖ്യത്തി​െൻറ മുഖ്യമന്ത്രി സ്​ഥാനാർഥി കൂടിയായ തേജസ്വി തിരിച്ചടിച്ചു.

'അദ്ദേഹം ഈ രാജ്യത്തെ പ്രധാനമന്ത്രിയാണ്​. അതുകൊണ്ടുത​ന്നെ എന്തും പറയാം. അതിനെക്കുറിച്ചൊന്നും പ്രതികരിക്കാൻ ഞാൻ ആഗ്രഹിക്കുന്നില്ല. പക്ഷേ, ബിഹാറിൽ വന്ന്​ സംസാരിക്കു​േമ്പാൾ സംസ്​ഥാനത്തിനുള്ള പ്രത്യേക പാക്കേജിനെക്കുറിച്ചും തൊഴിലില്ലായ്​മ, വിശപ്പ്​ അടക്കമുള്ള യാഥാർഥ്യങ്ങളെക്കുറിച്ചും മോദി സംസാരിക്കണമായിരുന്നു. ഈ വിഷയങ്ങളിൽ അദ്ദേഹം എന്തെങ്കിലും പറയുമെന്നാണ്​ ജനം പ്രതീക്ഷിച്ചിരുന്നത്​.' -തേജസ്വി വിശദീകരിച്ചു.

രാഹുൽ ഗാന്ധിക്ക്​ 'അന്തസ്​ ഇല്ല' എന്ന കേന്ദ്ര മന്ത്രി രവി ശങ്കർ പ്രസാദി​െൻറ വിമർശനത്തിനെതിരെയും തേജസ്വി ശക്​തമായി പ്രതികരിച്ചു. തൊഴിലില്ലായ്​മയും അഴിമതിയും അടക്കമുള്ള അടിസ്​ഥാനപ്രശ്​നങ്ങളെക്കുറിച്ച്​ പറയുന്നതിനും പകരം വ്യക്​തിപരമായ ആക്രമണങ്ങൾക്ക്​ മുതിരുന്ന രീതി ബി.ജെ.പി നേതാക്കൾ അവസാനിപ്പിക്കണമെന്നും അ​ദ്ദേഹം ആവശ്യപ്പെട്ടു. ബിഹാർ നിയമസഭയിലേക്ക്​ ബുധനാഴ്​ച നടന്ന ആദ്യഘട്ട വോ​​ട്ടെടുപ്പിൽ സീറ്റുകൾ ആർ.ജെ.ഡി തൂത്തുവാരുമെന്നാണ്​ തങ്ങൾക്ക്​ ലഭിച്ച പ്രതികരണങ്ങൾ വ്യക്​തമാക്കുന്നതെന്നും തേജസ്വി പറഞ്ഞു.