Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'തേജസ്വി ഇളയ സ​ഹോദരനെ ...

'തേജസ്വി ഇളയ സ​ഹോദരനെ പോലെ'; ആർ.ജെ.ഡിയുമായി കൈകോർക്കുന്നതി​െൻറ സൂചന നൽകി ചിരാഗ്​

text_fields
bookmark_border
Tejashwi yadav Chirag Paswan
cancel

ന്യൂഡൽഹി: പാർട്ടിയിൽ നടക്കുന്ന പൊട്ടിത്തെറികൾക്കിടയിലും ബി.ജെ.പി മൗനം പാലിക്കുന്നതിനിടെ തേജസ്വി യാദവി​െൻറ രാഷ്​ട്രീയ ജനതാദളുമായി (ആർ.ജെ.ഡി) അടുക്കുന്നതി​െൻറ സൂചന നൽകി ലോക്​ ജനശക്​തി പാർട്ടി (എൽ.ജെ.പി) നേതാവ് ചിരാഗ്​ പാസ്വാൻ. ​

'എ​െൻറ പിതാവും ലാലുജിയും അടുത്ത സുഹൃത്തുക്കളായിരുന്നു. ആർ.ജെ.ഡി നേതാവ്​ തേജസ്വി യാദവിനെ എനിക്ക്​ കുട്ടിക്കാലം മുതൽ അറിയാം.​ ഞങ്ങൾ നല്ല സുഹൃത്ത​ുക്കളാണ്​. അവൻ എനിക്ക്​ ഇളയ സഹോദരനെ പോലെയാണ്​. ബിഹാറിൽ തെരഞ്ഞെടുപ്പ്​ വരുന്ന സമയത്ത്​ സഖ്യ കാര്യത്തിൽ ഉചിതമായ തീരുമാനം എടുക്കും' -ചിരാഗ്​ ഉദ്ധരിച്ച്​ വാർത്താ ഏജൻസിയായ എ.എൻ.ഐ റി​പ്പോർട്ട്​ ചെയ്​തു.

കേന്ദ്രത്തിൽ എൻ.ഡി.എയുടെ ഭാഗമായ എൽ.ജെ.പി ബിഹാറിൽ ഭരണം കൈയാളുന്ന ബി.ജെ.പി-ജെ.ഡി.യു സഖ്യത്തിനൊപ്പമില്ല. ബിഹാർ മുഖ്യമന്ത്രി നിതീഷ്​ കുമാറിനോടുള്ള അഭിപ്രായ ഭിന്നതകളെ തുടർന്ന്​ സഖ്യം ഉപേക്ഷിച്ച ചിരാഗ്​ ഒറ്റക്കായിരുന്നു നിയമസഭ തെരഞ്ഞെടുപ്പിൽ മത്സരിച്ചത്​. നിതീഷിനെതിരെ വോട്ട്​ ചെയ്യാൻ അഭ്യർഥിച്ച ചിരാഗ്​ പക്ഷേ ബി.ജെ.പിയെ പിന്തുണച്ചു. എന്നാൽ തെരഞ്ഞെടുപ്പിൽ എൽ.ജെ.പിക്ക്​ ആകെ ഒരു സീറ്റ്​ മാത്രമാണ്​ നേടാനായത്​.

ജെ.ഡി.യുവിന്​ നാശം വരുത്തി ബി.ജെ.പിക്ക്​ കൂടുതൽ സീറ്റ്​ നേടിക്കൊടുക്കുകയായിരുന്നു ത​െൻറ ലക്ഷ്യമെന്നും 2025ൽ എൽ.ജെ.പി നില മെച്ചപ്പെടുത്തുമെന്നുമായിരുന്നു തെരഞ്ഞെടുപ്പിന്​ ശേഷം ചിരാഗ്​ പറഞ്ഞത്​.

പാർട്ടിയിൽ പിതാവി​െൻറ സഹോദരൻ പശുപതി പരാസുമായുള്ള അധികാര വടംവലി രൂക്ഷമായതിന്​ പിറകേ ബി.ജെ.പി തനിക്കൊപ്പമാണോ അതോ ജെ.ഡി.യുവിനൊപ്പമാണോ എന്ന്​ വ്യക്തമാക്കണമെന്ന്​ ചിരാഗ്​ ആവശ്യപ്പെട്ടിരുന്നു.

ഈ മാസം ആദ്യം​ എൽ.ജെ.പി എം.പിമാർ ചിരാഗിനെ മാറ്റി പാർട്ടി സ്​ഥാപകൻ റാം വിലാസ്​ പാസ്വാ​െൻറ സഹോദരൻ പശുപതി പരാസിനെ പാർട്ടിയുടെ പാർലമെൻററി പാർട്ടി നേതാവായി നിയമിച്ചതോടെയാണ്​ കലഹം തുടങ്ങിയത്​.

Show Full Article
TAGS:Chirag Paswan Tejashwi Yadav RJD LJP 
News Summary - 'Tejashwi like my younger brother' -Chirag Paswan hints about future alliance with RJD
Next Story