ആധുനിക സൗകര്യങ്ങളുമായി റെയിൽവേയുടെ തേജസ്​ ​

ന്യൂഡൽഹി: പുതുവർഷത്തിൽ റെയിൽവേയുടെ തേജസ്​ ട്രെയിൻ യാത്രക്കൊരുങ്ങി. റെയിൽവേ മന്ത്രി സുരേഷ് പ്രഭുവാണ്​ ഇത്​ സംബന്ധിച്ച പ്രഖ്യാപനം നടത്തിയത്​. ആധുനിക സൗകര്യങ്ങളാവും പുതിയ ട്രെയിനിൽ ഉണ്ടാവുക. 

2016ൽ റെയിൽവേക്ക്​ പല വെല്ലുവിളികളുമുണ്ടായിരുന്നു അതെല്ലാം മറികടന്ന്​ മികച്ച സേവനം യാത്രകർക്ക്​ നൽകാൻ പുതുവർഷത്തിൽ ശ്രമിക്കുമെന്ന്​ റെയിൽവേ മന്ത്രി സുരേഷ്​ പ്രഭു പറഞ്ഞു. ഹംസഫർ, ഗതിമാൻ ​എക്സ്​പ്രസുകൾക്ക്​ ​ ശേഷമാണ് അതിവേഗ ട്രെയിൻ​ തേജസുമായി റെയിൽവേ രംഗത്തെത്തുന്നത്​. പുതിയ ട്രെയിനിൽ എല്ലായാത്രക്കാർക്കും വിമാനങ്ങളിലേതു പോലെ എൽ.സി.ഡി സ്​ക്രീനും ഹെഡ്​ഫോണും റെയിൽവേ ലഭ്യമാക്കിയിട്ടുണ്ട്​. വൈ ഫൈ അടക്കമുള്ള സംവിധാനങ്ങളും പുതിയ ട്രെയിനിൽ ലഭ്യമാവും. ഭക്ഷണ കാര്യത്തിലടക്കം വിദഗ്ധ അഭിപ്രായം മാനിച്ചാണ്​ റെയിൽവേ തേജസി​​െൻറ മെനു തയ്യാറാക്കുന്നത്​.

​ഇൗ വർഷം റെയിൽവേയിലെ അടിസ്​ഥാന സൗകര്യ മേഖലയിൽ വൻ വികസന പദ്ധതികൾ ആരംഭിക്കുമെന്നും 2018ൽ ഇത്​ പൂർണമായ രീതിയിൽ നടപ്പാക്കാൻ കഴിയുമെന്നും റെയിൽവേ മന്ത്രി സുരേഷ്​ പ്രഭു പ്രതീക്ഷ പ്രകടിപ്പിച്ചു.