Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right...

കൂട്ടബലാത്സംഗത്തിനിരയായ പെൺകുട്ടി ആത്മഹത്യ ചെയ്​തു; േകസെടുക്കാതെ പൊലീസ്​; പിതാവും ആത്മഹത്യക്ക്​ ശ്രമിച്ചു

text_fields
bookmark_border
കൂട്ടബലാത്സംഗത്തിനിരയായ പെൺകുട്ടി ആത്മഹത്യ ചെയ്​തു; േകസെടുക്കാതെ പൊലീസ്​; പിതാവും ആത്മഹത്യക്ക്​ ശ്രമിച്ചു
cancel

ഭോപ്പാൽ: ഛത്തീസ്ഗഢില്‍ കൂട്ടബലാത്സംഗത്തിന് ഇരയായ പ്രായപൂർത്തിയാകാത്ത പെൺകുട്ടി ആത്മഹത്യ ചെയ്​തു. മകൾ കൂട്ടബലാത്സംഗത്തിനിരയായിട്ടും ആത്മഹത്യ ചെയ്​തിട്ടും കേസ്​ രജിസ്​റ്റർ ചെയ്യാത്ത പൊലീസ്​ നടപടിയിൽ മനംനൊന്ത് പെണ്‍കുട്ടിയു​ടെ പിതാവും ആത്മഹത്യക്ക്​ ശ്രമിച്ചു.

ഛത്തീസ്ഗഢിലെ കോണ്ടഗാവ് ജില്ലയിലാണ് സംഭവം. 16 വയസുള്ള പെണ്‍കുട്ടിയെ ഏഴുപേർ ചേർന്നാണ്​ ബലാത്സംഗത്തിനിരയാക്കിയത്​. ഇക്കാര്യം പുറത്തുപറഞ്ഞാൽ അപായപ്പെടുത്തുമെന്ന്​ അക്രമികൾ ഭീഷണിപ്പെടുത്തിരുന്നു. സമ്മർദ്ദം സഹിക്കാനാവാതെ പെൺകുട്ടി ജൂലൈ 20ന്​ തൂങ്ങിമരിക്കുകയായിരുന്നു. പെൺകുട്ടിയുടെ മൃതദേഹം പോസ്​റ്റ്​മോർട്ടത്തിന്​ ശേഷമാണ്​ സംസ്​കരിച്ചത്​. എന്നാൽ പീന്നീട്​ പെൺകുട്ടി ബലാത്സംഗത്തിനിരയായെന്ന്​ സുഹൃത്ത്​ വഴി കുടുംബാംഗങ്ങൾ അറിയുകയും പരാതി നൽകുകയും ചെയ്യുകയായിരുന്നു.

പീഡനം നടന്ന് രണ്ട് മാസത്തിന് ശേഷവും കേസെടുക്കാതിരുന്ന ലോക്കല്‍ പൊലീസ്, പെണ്‍കുട്ടിയുടെ പിതാവ് ആത്മഹത്യാശ്രമം നടത്തിയതോടെയാണ് കേസ് രജിസ്റ്റര്‍ ചെയ്യാന്‍ തയാറായത്. തുടർന്ന്​ പൊലീസ്​ പെൺകുട്ടിയുടെ മൃതദേഹം വീണ്ടും ​േപാസ്​റ്റ്​മോർട്ടം ചെയ്യുന്നതിനായി പുറത്തെടുത്ത​ു.

എന്നാൽ പെൺകുട്ടിയുടെ വീട്ടുകാർ പീഡനവിവരം അറിയിച്ചിരുന്നില്ലെന്ന്​ ബസ്തര്‍ റേജ് ഐ. ജി സുന്ദരരാജ് പറഞ്ഞു. ഭയന്നുപോയ പെണ്‍കുട്ടി വീട്ടുകാരോട് പീഡനവിവരം പറഞ്ഞിരുന്നില്ല. ഒരു സുഹൃത്തിനോട് ഇക്കാര്യം വെളിപ്പെടുത്തുകയും പിന്നീട്​ മനോവിഷമത്തില്‍ പെണ്‍കുട്ടി ആത്മഹത്യ ചെയ്യുകയുമായിരുന്നു. പെൺകുട്ടിയുടെ സുഹൃത്തി​െൻറ മൊ​ഴിയ​ുടെ അടിസ്ഥാനത്തിൽ അഞ്ച്​ പ്രതികളെ അറസ്​റ്റു ചെയ്​തായും ഐ.ജി അറിയിച്ചു. രണ്ട്​ പ്രതികൾ ഒളിവിലാണ്​.

ഗ്രാമത്തിലെ ഒരു വിവാഹചടങ്ങിൽ പ​ങ്കെടുക്കാനെത്തിയ പെൺക​ുട്ടിയെ രണ്ടുപേർ ചേർന്ന്​ ഒഴിഞ്ഞ സ്ഥലത്തെത്തിക്കുകയും പിന്നീട്​ എത്തിയ അഞ്ച​ു പേർ കൂടി ചേർന്ന്​ മണിക്കൂറുകളോളം പീഡിപ്പിക്കുകയുമായിരുന്നു. പിറ്റേദിവസം സുഹൃത്തിനോട്​ ഇക്കാര്യം വെളിപ്പെടുത്തിയ പെൺകുട്ടി അന്ന്​ തന്നെ ആത്മഹത്യ ചെയ്​തു. എന്നാൽ ദിവസങ്ങൾക്ക്​ ശേഷമാണ്​ സുഹൃത്ത്​ വീട്ടുകാരോട് പെണ്‍കുട്ടി ബലാത്സംഗത്തിന് ഇരയായ വിവരം വെളിപ്പെടുത്തിയത്. തുടർന്ന്​ കുടുംബം പരാതി നൽകിയെങ്കിലും. പെണ്‍കുട്ടി ആത്മഹത്യ ചെയ്തതിനാല്‍ ഇനി കേസെടുക്കാനവില്ലെന്ന്​ പൊലീസ്​ അറിയിക്കുകയായിരുന്നു. മനോവിഷമത്തെത്തുടര്‍ന്ന് ചൊവ്വാഴ്​ച പെണ്‍കുട്ടിയുടെ പിതാവ് കീടനാശിനി കുടിച്ച് ആത്മഹത്യക്ക് ശ്രമിച്ചതോടെയാണ്​ ​െപാലീസ്​ നടപടിയെടുത്തത്​.

സംഭവത്തില്‍ നിഷ്‌ക്രിയത്വം കാണിച്ച ലോക്കല്‍ പൊലീസിനെതിരെ നടപടിയെടുക്കണമെന്നാവശ്യപ്പെട്ട് ദേശീയ ബാലാവകാശ കമ്മീഷന്‍ കോണ്ടഗാവ് എസ്.പിക്ക് കത്ത് നല്‍കിയിട്ടുണ്ട്.

Show Full Article
TAGS:Gang rape Bastar Body Exhumed Suicide 
Next Story