Begin typing your search above and press return to search.
proflie-avatar
Login
exit_to_app
exit_to_app
Gold
cancel
Homechevron_rightNewschevron_rightIndiachevron_rightമാതാപിതാക്കൾക്ക്​...

മാതാപിതാക്കൾക്ക്​ സമ്മാനങ്ങൾ നൽകാൻ ബാങ്ക്​ കവർച്ച; 18കാരനും സുഹൃത്തും പിടിയിൽ

text_fields
bookmark_border

നാഗ്​പൂർ: മാതാപിതാക്കളിൽ മതിപ്പുണ്ടാക്കാൻ ബാങ്ക്​ കവർച്ച നടത്തി ജുവല്ലറിയും കാറും ഉൾപ്പെടെയുള്ള സമ്മാനങ്ങൾ നൽകി യുവാവ്. മഹാരാഷ്​ട്ര സ്വദേശിയായ 18 കാരൻ അജയ്​ ബൻജാരേയും സുഹൃത്ത്​ പ്രദീപ്​ താക്കൂറും കൂടിയാണ്​ കവർച്ച നടത്തിയത്​.

കവർച്ച പണം ഉപയോഗിച്ച്​ അജയ്​ മാതാവിന്​ 50,000 രൂപയുടെ ജുവല്ലറിയും പിതാവിന്​ 40,000 രൂപയുടെ സെക്കൻഡ്​ ഹാൻഡ്​ കാറും വാങ്ങിനൽകുകയായിരുന്നു. ത​െൻറ സ്വത്തുകൊണ്ട്​ മാതാപിതാക്കളെ സന്തോഷിപ്പിക്കാനായിരുന്നു യുവാവി​െൻറ ശ്രമം. മാതാപിതാക്ക​ളിൽ മതിപ്പുണ്ടാക്കാനാണ്​ അജയ്​ കവർച്ച നടത്തിയതെങ്കിൽ കുട്ടിക്കാലം തകർത്ത മാതാപിതാക്കളോട്​ പകരം വീട്ടാനായിരുന്നു പ്രദീപി​െൻറ ശ്രമം.

ഇന്ദിര ഗാന്ധി നഗറിലെ ബാരാനാൽ സ്​ക്വയറിലെ കോർപറേറ്റീവ്​ ബാങ്കിൽനിന്നാണ്​​ ഇരുവരും ചേർന്ന്​ 4.78 ലക്ഷം രൂപ കവർന്നത്​.

അജയ്​യും സുഹൃത്ത്​ പ്രദീപ്​ താക്കൂറും വർഷങ്ങളായി ഒരുമിച്ച്​ ​ജോലിചെയ്​തുവരികയായിരുന്നു. കവർച്ചക്ക്​ ശേഷം രാജസ്​ഥാനിലേക്ക്​ കടക്കാനായിരുന്നു ഇരുവരുടെയും പദ്ധതി. പിതാവിന്​ വാങ്ങി നൽകിയ കാർ കൂടാതെ മറ്റൊരു സെക്കൻഡ്​ ഹാൻഡ്​ കാർ കൂടി സ്വന്തമാക്കി രാജസ്​ഥാനിലേക്ക്​ പോകാനായിരുന്നു ശ്രമം.

കൂടാതെ, ഇരുവരും വലിയ വിലയുള്ള മൊബൈൽ ​ഫോൺ സ്വന്തമാക്കിയിരുന്നു. എന്നാൽ, കവർച്ചക്ക്​ ശേഷം ഇരുവരെയും ​പൊലീസ്​ തിരിച്ചറിഞ്ഞിരുന്നു. കൂടാതെ ഇരുവരുടെയും കൈവശം വലിയ തുകയുണ്ടെന്ന്​ തിരിച്ചറിഞ്ഞതോടെ പൊലീസ്​ നിരീക്ഷിക്കാനും ആരംഭിച്ചിരുന്നു. തുടർന്ന്​ രാജസ്​ഥാനി​േലക്ക്​ കടക്കാൻ ശ്രമിക്കുന്നതിനിടെ പ്രതികളെ പൊലീസ്​ സംഘം പിടികൂടുകയായിരുന്നു. ഇരുവരിൽ നിന്നും രണ്ടുലക്ഷം രൂപയും കണ്ടെടുത്തു. കവർച്ച നടത്തിയ ബാക്കി പണം രണ്ടുപേരും ചേർന്ന്​ ചെലവാക്കിയിരുന്നതായും പൊലീസ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bank robberyLooting
News Summary - teenager robbed bank in Maharashtra, used the loot money to give gifts to his parents
Next Story