Begin typing your search above and press return to search.
proflie-avatar
Login
exit_to_app
exit_to_app
HD Kumaraswamy
cancel
Homechevron_rightNewschevron_rightIndiachevron_rightആർ.എസ്​.എസ്​ ശാഖയിൽ​...

ആർ.എസ്​.എസ്​ ശാഖയിൽ​ പഠിപ്പിക്കുന്നത്​ നിയമസഭയിൽ​ നീലച്ചിത്രം കാണാൻ -എച്ച്​.ഡി. കുമാരസ്വാമി

text_fields
bookmark_border

ബംഗളൂരു: നിയമസഭയിലിരുന്ന്​ നീലച്ചിത്രം കാണാൻ പഠിപ്പിക്കലാണ്​ ആർ.എസ്​.എസ്​ ശാഖയിൽ ചെയ്യുന്നതെന്നും അതിനാൽ തനിക്ക്​ അവിടെനിന്ന്​ ഒന്നും പഠിക്കാനില്ലെന്നും കർണാടക മുൻ മുഖ്യമന്ത്രിയും ജെ.ഡി.എസ്​ നേതാവുമായ എച്ച്​.ഡി. കുമാരസ്വാമി. ആർ.എസ്.എസ് ശാഖ സന്ദർശിച്ച് സംഘത്തിന്‍റെ പ്രവർത്തനങ്ങളെക്കുറിച്ച് പഠിക്കാൻ സംസ്ഥാന ബി.ജെ.പി അധ്യക്ഷൻ നളിൻ കുമാർ കട്ടീൽ ക്ഷണിച്ചതിനോട് പ്രതികരിക്കുകയായിരുന്നു കുമാരസ്വാമി.

'അവരുടെ (ആർ.എസ്.എസ്) കൂട്ടുകെട്ട് എനിക്ക് വേണ്ട. ആർ.എസ്​.എസ്​ ശാഖയിൽ എന്താണ് പഠിപ്പിക്കുന്നതെന്ന് നമ്മൾ കണ്ടതല്ലേ? നിയമസഭ സമ്മേളനം നടക്കുമ്പോൾ നീലച്ചിത്രങ്ങൾ കാണുകയാണ്​ അവർ. ആർ.എസ്.എസ് ശാഖയിൽ അത്തരത്തിലുള്ള ഒരു കാര്യം ആയിരിക്കും പഠിപ്പിച്ചിട്ടുണ്ടാകുക. ഇത് പഠിക്കാൻ എനിക്ക് അവിടെ പോകേണ്ടതുണ്ടോ?' -എച്ച്​.ഡി. കുമാരസ്വാമി ചോദിച്ചു.

ഉപതെരഞ്ഞെടുപ്പ് പ്രചാരണത്തിന്‍റെ ഭാഗമായി മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. 'എനിക്ക് അവരുടെ ശാഖ വേണ്ട. ഞാൻ പഠിക്കുന്നത്​ പാവപ്പെട്ട ജനങ്ങളുടെ ശാഖയിൽനിന്നാണ്​. ആർ.എസ്​.എസ്​ ശാഖയിൽനിന്ന്​ എനിക്ക് ഒന്നും പഠിക്കാനില്ല' -കുമാരസ്വാമി കൂട്ടിച്ചേർത്തു.

2012ലെ നിയമസഭയിൽ മൂന്ന് മന്ത്രിമാർ മൊബൈൽ ഫോണിൽ നീലച്ചിത്രം കാണുന്നത്​ കാമറയിൽ കുടുങ്ങിയിരുന്നു. സംഭവം ബി.ജെ.പി സർക്കാറിന് നാണക്കേടുണ്ടാക്കുകയും മൂന്ന് മന്ത്രിമാരും രാജിവെക്കുകയും ചെയ്​തിരുന്നു.

അടുത്തിടെ ഒരു പുസ്തകത്തെ പരാമർശിച്ചുകൊണ്ട്, ആർ.എസ്.എസ് ഹിഡൻ അജണ്ടയുടെ ഭാഗമായി ഉദ്യോഗസ്ഥ സംഘത്തെ നിയോഗിക്കുകയും ഇവർ ഇപ്പോൾ വിവിധ സ്ഥാപനങ്ങളിൽ ജോലി ചെയ്യുകയാണെന്നും​ എച്ച്.ഡി. കുമാരസ്വാമി ആരോപിച്ചിരുന്നു. കേന്ദ്രത്തിലെയും കർണാടകയിലെയും ബി.ജെ.പി സർക്കാറുകൾ പ്രവർത്തിക്കുന്നത് ആർ.എസ്.എസിന്‍റെ നിർദേശപ്രകാരമാണെന്നും പ്രധാനമന്ത്രി നരേന്ദ്ര മോദി അവരുടെ കൈയിലെ പാവയാണെന്നും കുമാരസ്വാമി പറഞ്ഞിരുന്നു. ഇതിനെത്തുടർന്നാണ്​ ആർ.എസ്.എസ് ശാഖയിൽ വന്ന് അതിന്‍റെ പ്രവർത്തനങ്ങളെക്കുറിച്ച് പഠിക്കാൻ നളിൻ കട്ടീൽ കുമാരസ്വാമിയെ ക്ഷണിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:HD Kumaraswamyrss
News Summary - Teaching in the RSS branch to see the bluefilm in the Assembly -HD Kumaraswamy
Next Story