അമിത്​ ഷാക്കെതിരെ ടി.ഡി.പി പ്രതിഷേധം; കാറി​െൻറ ചില്ല്​ തകർത്തു

ഹൈദരാബാദ്​: ആ​ന്ധ്രപ്രദേശിന്​ പ്രത്യേക പദവി ആവശ്യപ്പെട്ട്​ ബി.ജെ.പി അധ്യക്ഷൻ അമിത്​ ഷാക്കെതിരെ തെലുഗുദേശം പ്രവർത്തകരുടെ പ്രതിഷേധം. കർണാടകയിലെ തെരഞ്ഞെടുപ്പ്​ പ്രചാരണം കഴിഞ്ഞ്​ തിരുമല ക്ഷേത്രത്തിൽ ദർശനത്തിന്​ എത്തിയതായിരുന്നു അമിത്​ ഷാ. ക്ഷേത്രത്തിൽനിന്ന്​ പുറത്തിറങ്ങിയപ്പോൾ ‘ഗോ ബാക്ക്​​’ വിളിയുമായി​ ടി.ഡി.പി പ്രവർത്തകർ അദ്ദേഹത്തി​​​െൻറ വാഹനവ്യൂഹം തടഞ്ഞത്​ ബി.ജെ.പി പ്രവർത്തകരുമായുള്ള ഏറ്റുമുട്ടലിലാണ്​ കലാശിച്ചത്​.

കല്ലേറിൽ വാഹനവ്യൂഹത്തിലെ കാറി​​​െൻറ ഗ്ലാസ്​ തകർന്നു. സുരക്ഷ ഉദ്യോഗസ്​ഥർ ഇടപെട്ടാണ്​ അമിത്​ ഷായെ രക്ഷപ്പെടുത്തിയത്​. ആന്ധ്രപ്രദേശിനോടുള്ള അവഗണനയിൽ പ്രതിഷേധിച്ചാണ്​ എൻ.ഡി.എ മന്ത്രിസഭയിൽനിന്ന്​ ടി.ഡി.പി പിന്മാറിയത്​.

ആന്ധ്രക്ക്​ പ്രത്യേക പദവി നൽകാത്തതിൽ പ്രതിഷേധിച്ച്​ ചന്ദ്രബാബു നായിഡുവി​​​​െൻറ തെലുങ്കു ദേശം പാർട്ടി എൻ.ഡി.എ സഖ്യം ഉപക്ഷേിച്ചിരുന്നു. ഇതിന്​ ശേഷം ബി.ജെ.പിക്കെതിരെ വൻ പ്രതിഷേധമാണ്​ ആന്ധ്രയിൽ അലയടിക്കുന്നത്.