ടി.സി.എസ് 12,000 ജീവനക്കാരെ പിരിച്ചുവിടുന്നു

മുംബൈ: ജീവനക്കാരെ പിരിച്ചുവിടാനൊരുങ്ങി ഇന്ത്യയിലെ ഏറ്റവും വലിയ ഐ.ടി സേവന ദാതാക്കളായ ടാറ്റ കൺസൾട്ടൻസി സർവീസ് (ടി.സി.എസ്). 2026 സാമ്പത്തിക വർഷത്തിൽ തങ്ങളുടെ ജീവനക്കാരുടെ എണ്ണം രണ്ടുശതമാനം​ വെട്ടിക്കുറക്കുമെന്നാണ് കമ്പനി അറിയിച്ചത്.

പ്രധാനമായും മിഡിൽ, സീനിയർ മാനേജ്മെന്റിനെയാണ് ഇത് ബാധിക്കുക. ഡിമാൻഡ് കുറയൽ, നിരന്തരമായ പണപ്പെരുപ്പം, യു.എസ് വ്യാപാര നയങ്ങളെ കുറിച്ചുള്ള നീണ്ടുനിൽക്കുന്ന അനിശ്ചിതത്വം എന്നിവ കാരണം ഇന്ത്യയുടെ 283 ബില്യൺ ഡോളർ മൂല്യമുള്ള ഐ.ടി മേഖലയെ സാരമായി ബാധിച്ചിട്ടുണ്ട്.