Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇന്ത്യയിൽ ആദ്യമായി...

ഇന്ത്യയിൽ ആദ്യമായി ‘അച്ഛനില്ലാത്ത കുട്ടി’ 

text_fields
bookmark_border
ഇന്ത്യയിൽ ആദ്യമായി ‘അച്ഛനില്ലാത്ത കുട്ടി’ 
cancel

ചെന്നൈ: ഏറെ നാളത്തെ നിയമപോരാട്ടത്തിനൊടുവിൽ മധുമിത രമേശിന്​ ഇനി ആശ്വസിക്കാം. മധുമിതയുടെ മകൾ തവിഷി പെരേര  ഇന്ത്യയിൽ ആദ്യത്തെ ‘അച്ഛനില്ലാത്ത കുട്ടി ആയേക്കും. തവിഷിയു​െട ജനന സർട്ടിഫിക്കറ്റിൽ ഇനി അച്ഛ​​​െൻറ പേരെഴുതുന്ന കോളം ഒഴിഞ്ഞു കിടക്കും. എളുപ്പമായിരുന്നില്ല മധുമിതക്ക്​ ഇൗ ലക്ഷ്യത്തിലേക്കുള്ള യാത്ര. രണ്ടു തവണ ഇതിനായി മധുമിത ഹൈകോടതിയെ കേസുമായി സമീപിച്ചു. 

മധുമിത ത​​​െൻറ ഭർത്താവ്​ ചരൺരാജുമായി പരസ്​പര സമ്മതപ്രകാരം വിവാഹമോചനം നേടിയ ശേഷം 2017 ഏപ്രിലിൽ കൃത്രിമ ബീജ നിക്ഷേപ ചികിത്സയിലൂടെ ഗർഭം ധരിക്കുകയായിരുന്നു. എന്നാൽ ട്രിച്ചി നഗരസഭ കമീഷണർ ബീജ ദാതാവായ​ മനീഷ്​ മദൻപാൽ മീന എന്നയാളുടെ പേര്​ കുഞ്ഞി​​​െൻറ പിതാവി​​​െൻറ സ്​ഥാനത്ത്​ ചേർത്ത്​ ജനന സർട്ടിഫിക്കറ്റ്​ നൽകി. ഇൗ പേര്​ ഒഴിവാക്കി കിട്ടാൻ അധികൃത​െര സമീപിച്ചെങ്കിലും പേര്​ ഒഴിവാക്കാൻ സാധിക്കില്ലെന്നും അക്ഷര പിശക് ​ശരിയാക്കാൻ  മാത്രമേ  നിർവാഹമുള്ളു എന്നും പറഞ്ഞ്​ അപേക്ഷ നിരസിക്കുകയായിരുന്നു. 

സർട്ടിഫിക്കറ്റ്​ തിരുത്താൻ റവന്യു ഉദ്യോഗസ്​ഥർക്ക്​ നിർദ്ദേശം നൽകണമെന്നാവശ്യപ്പെട്ട്​ മധുമിത ഹൈകോടതിയെ സമീപിച്ചെങ്കിലും ഇൗ വിഷയം ജനന മരണ വിഭാഗം രജിസ്​ട്രാറാണ്​ പരിഹരിക്കേണ്ടതെന്ന്​ പറഞ്ഞ്​ ഉദ്യോഗസ്​ഥർ കൈകഴുകി. മധുമിത വീണ്ടും കോടതിയെ സമീപിച്ചു. മനീഷ്​ മദൻപാൽ മീനയുടെ പേര്​ പിതാവി​​​െൻറ കോളത്തിൽ തെറ്റായി എഴുതി ചേർക്കുകയായിരു​ന്നെന്ന്​ മധുമിതയുടെ അഭിഭാഷകൻ കോടതിയിൽ വാദിച്ചു.

കൂടാതെ തങ്ങൾ രണ്ടുപേരും കുട്ടിയുടെ പിതാവല്ലെന്നു കാണിച്ച്​ മദൻപാൽ മീനയും മധുമിതയുടെ ഭർത്താവ്​ ചരൺരാജും കോടതിയിൽ സത്യവാങ്​മൂലം നൽകി. തുടർന്ന്​ കൃത്രിമ ബീജ നിക്ഷേപ ചികിത്സയിലൂടെയാണ്​ ഗർഭം ധരിച്ചതെന്ന്​ വ്യക്തമായതോടെ കോടതി ജനന സർട്ടിഫിക്കറ്റിൽ പിതാവി​​​െൻറ കോളത്തിൽ നിന്ന്​ മദൻപാൽ മീനയുടെ പേര്​ ഒഴിവാക്കാനു​ം കോളം ഒഴിച്ചിടാനും അനുവദിക്കുകയായിരുന്നു. 

Show Full Article
TAGS:child without a father child Tavishi Perara mathumitha india news malayalam news 
News Summary - Tavishi Perara may be india's first child 'without father'-india news
Next Story