ടൗ​​ട്ടെ ചുഴലിക്കാറ്റ്​: കേസർ മാമ്പഴത്തിന്‍റെ രുചി ഇക്കുറിയുണ്ടാവില്ല

അഹമ്മദാബാദ്​: ടൗ​​ട്ടെ ചുഴലിക്കാറ്റ് ഗുജറാത്തിലെ​ കേസർ മാമ്പഴത്തിന്‍റെ വിളവെടുപ്പിനേയും ബാധിച്ചുവെന്ന്​ റിപ്പോർട്ട്​. കേസർ വിഭാഗത്തിൽ പെടുന്ന മാങ്ങകളുടെ കൃഷി നടക്കുന്ന പ്രധാന സ്ഥലങ്ങളായ ഗിർ-സോമനാഥ്​, അമറേലി, ജുനഗഢ്​ എന്നിവിടങ്ങളിൽ ചുഴലിക്കാറ്റ്​ വൻ നാശമാണ്​ വിതച്ചത്​. ഇതോടെ പ്രധാന വിപണിയായ തലാല മാർക്കറ്റിങ്​ യാർഡിലേക്കുള്ള മാങ്ങളുടെ വരവിൽ വലിയ കുറവാണ്​ രേഖപ്പെടുത്തുന്നത്​.

45 ശതമാനം മാങ്ങകൾ മാത്രമാണ്​ കർഷകർ വിളവെടുത്തത്​. ബാക്കി 55 ശതമാനം വിളവെടുത്തിരുന്നില്ല. ഇതിൽ 95 ശതമാനവും ചുഴലിക്കാറ്റിൽ നശിച്ചുവെന്ന്​ തലാല മാർക്കറ്റിങ്​ യാർഡ്​ സെക്രട്ടറി ഹാർസുഖ്​ ജർസാനിയ പറഞ്ഞു. ഈ സീസണിൽ ഇനി കുടുതൽ വിളവുണ്ടാകാനുള്ള സാധ്യതയില്ലെന്നും അദ്ദേഹം വ്യക്​തമാക്കി.

ചുഴലിക്കാറ്റിനെ തുടർന്ന്​ കർഷകർക്ക്​ 25 കോടിയുടെ നഷ്​ടമുണ്ടായെന്നാണ്​ കണക്കാക്കുന്നത്​.​ ചുഴലിക്കാറ്റിനെ തുടർന്ന്​ 75 ശതമാനം മാങ്ങകളും താഴെ വീണുപോയെന്ന്​ കർഷകനായ പ്രവീൺ പ​േട്ടാലിയ പറഞ്ഞു.