തമിഴ്നാട്ടിൽ മദ്യശാലക​ൾ തുറന്നതിനെതിരെ പ്രതിഷേധം; സി.പി.എം വനിത പ്രവർത്തകർക്ക്​ നേരെ ലാത്തിചാർജ്​

ചെ​െന്നെ: തമിഴ്​നാട്ടിൽ മദ്യവിൽപ്പന ശാലകൾ തുറന്നതിനെതിരെ പ്രതിഷേധം സംഘടിപ്പിച്ച നൂറോളം സി.പി.എം വനിത പ്രവർത്തകർക്ക്​ നേരെ ലാത്തിചാർജ്​. മധുരയിലാണ്​ സി.പി.എം വനിത പ്രവർത്തകർ​ തസ്​മാക്​ ഷോപ്പുകൾ തുറന്നതിനെതിരെ തെരുവിൽ പ്രതിഷേധം സംഘടിപ്പിച്ചത്​. 

ഷോപ്പുകൾ തുറന്നതിനെതിരെ അവർ മുദ്രാവാക്യം വിളിച്ചു. പ്രതിഷേധം നടത്താതെ പിരിഞ്ഞുപോകണമെന്ന്​ ആവശ്യപ്പെ​ട്ടെങ്കിലും പ്രതിഷേധക്കാർ തയാറാകാതിരുന്നതിനെ തുടർന്ന്​ ​പൊലീസ് ഇവർക്ക്​ ​േ​നരെ​ ലാത്തിചാർജ്​ നടത്തി കസ്​റ്റഡിയിൽ എടുക്കുകയായിരുന്നു. 

തസ്​മാക്​ ഷോപ്പുകൾ തുറക്കുന്നത്​ കോവിഡ്​ ബാധ വേഗത്തിൽ പടരാൻ ഇടയാക്കുമെന്നും ലോക്​ഡൗൺ മൂലം പണമില്ലാതെ കഷ്​ടപ്പെടുന്ന കുടുംബങ്ങളെ കൂടുതൽ ദുരിതത്തിലാക്കുമെന്നും പ്രതിഷേധക്കാർ പറഞ്ഞു. തിരുച്ചിയിലും സമാനരീതിയിൽ പ്രതിഷേധം അരങ്ങേറിയിരുന്നു. 

അതേസമയം തസ്​മാക്​ ഷോപ്പുകൾ തുറന്ന ആദ്യ ദിവസമായ വ്യാഴാഴ്​ച റെക്കോർഡ്​ മദ്യ വിൽപ്പനയാണ്​ നടന്നത്​. 172 കോടിയുടെ മദ്യമാണ്​ വിറ്റത്​. 5146 തസ്​മാക്​ ഷോപ്പുകളാണ്​ തമിഴ്​നാട്ടിലുള്ളത്​. സാധാരണ ദിവസങ്ങളിൽ 70 മുതൽ 80 കോടി രൂപയൂടെ വരുമാനമാണ്​ ദിവസേന ലഭിക്കാറ്​. ലോക്​ഡൗൺ മൂലം 3750 ഷോപ്പുകൾ മാത്രമേ തുറന്നിട്ടുള്ളൂ. ഇതിൽ നിന്നാണ്​ 172 കോടി രൂപയുടെ വരുമാനം. 

മധുര ​മേഖലയിലാണ്​ ഏറ്റവും കൂടുതൽ മദ്യം വിറ്റത്​. 46.78 കോടി രൂപയുടെ മദ്യമാണ്​ ഇവിടെ മാത്രം വിൽപ്പന നടത്തിയത്​. തിരുച്ചിയിൽ 45.67 കോടിയുടെയും സേലത്ത്​ 41.56 കോടിയുടെയും മദ്യം വിറ്റു.