തമിഴ്​നാട്ടിൽ പത്താം ക്ലാസ്​ പരീക്ഷ റദ്ദാക്കി, എല്ലാവരെയും വിജയിപ്പിച്ചു

ചെ​ൈ​ന്ന: തമിഴ്​നാട്ടിൽ പത്താം ക്ലാസ്​ പരീക്ഷ റദ്ദാക്കി. ഇതോടെ പത്താം ക്ലാസിൽ പരീക്ഷയെഴുതിയ മുഴുവൻ പേരും 11ാം ക്ലാസ്​ പ്രവേശനത്തിന്​ അർഹരായി. 11ാം ക്ലാസിലും പരീക്ഷ റദ്ദാക്കി മുഴുവൻ പേരെയും വിജയിപ്പിച്ചിട്ടുണ്ട്​. മൂന്നു തവണ മാറ്റിവെച്ചതിനൊടുവിലാണ്​ തമിഴ്​നാട്​ സർക്കാർ പൊതുപരീക്ഷ റദ്ദാക്കിയത്​. മുഖ്യമന്ത്രി എടപ്പാടി കെ. പളനിസ്വാമിയാണ്​ സെക്രട്ടറിയേറ്റിൽ പ്രഖ്യാപനം നടത്തിയത്. 

ഏറ്റവുമൊടുവിൽ ജൂൺ 15ന്​ നടത്താൻ നിശ്ചയിച്ചിരുന്ന പരീക്ഷയാണ്​ റദ്ദാക്കിയത്​. പത്താം ക്ലാസ്​ വിദ്യാർഥികൾക്ക്​ 80 ശതമാനം മാർക്ക്​ അവരുടെ പാദവാർഷിക, അർധവാർഷിക പരീക്ഷകളുടെ അടിസ്​ഥാനത്തിലും 20 ശതമാനം മാർക്ക്​ ഹാജരി​​െൻറ അടിസ്​ഥാനത്തിലും നൽകുമെന്ന്​ മുഖ്യമന്ത്രി പളനിസ്വാമി വ്യക്​തമാക്കി. 

പത്താം ക്ലാസ്​ പരീക്ഷ ആദ്യം മാർച്ച്​ 27നായിരുന്നു നിശ്ചയിച്ചിരുന്നത്​. പിന്നീട്​ ഏപ്രിൽ 13ലേക്ക്​ മാറ്റി. മാർച്ച്​ 24ന്​ ലോക്​ഡൗൺ പ്രഖ്യാപിച്ചതോടെ പരീക്ഷ അനിശ്ചിതമായി നീളുകയായിരുന്നു. ഒടുവിൽ ജൂൺ ഒന്നിനും 15നുമിടയിലായി പരീക്ഷ നടത്തുമെന്ന്​ സംസ്​ഥാന വിദ്യാഭ്യാസ മന്ത്രി പ്രഖ്യാപിച്ചു. 

കോവിഡ്​ പടരുന്ന സാഹചര്യത്തിൽ സ്​ഥിതി സങ്കീർണമായതോടെ ജൂൺ 15നും 25നുമിടയിൽ നടത്താൻ തീരുമാനിക്കുകയായിരുന്നു. ഇപ്പോഴത്തെ സാഹചര്യത്തിൽ അതും നടക്കില്ലെന്നായ​േതാടെയാണ്​ പരീക്ഷ റദ്ദാക്കിയത്​.