കോവിഡ്​ വാക്​സിൻ കൂടുതൽ പാഴാക്കുന്നത്​ തമിഴ്​നാട്; സ്​റ്റോക്ക്​ കൂടുതലുള്ളത്​ യു.പിയിൽ

ന്യൂഡൽഹി: രാജ്യത്ത് കോവിഡ്​​ വാക്​സിൻ ഏറ്റവും കൂടുതൽ പാഴാക്കുന്ന സംസ്ഥാനം​ തമിഴ്​നാടാണെന്ന്​ റിപ്പോർട്ട്​. കഴിഞ്ഞ ദിവസം കേന്ദ്രസർക്കാർ പുറത്തിറക്കിയ കണക്കുകൾ പ്രകാരം 8.8 ശതമാനം വാക്​സിനാണ്​ തമിഴ്​നാട്​ പാഴാക്കുന്നത്​. കേന്ദ്രഭരണ പ്രദേശങ്ങളിൽ 9.76 ശതമാനം പാഴാക്കൽ നിരക്കോടെ ലക്ഷദ്വീപാണ്​ ഒന്നാം സ്ഥാനത്ത്​.

ഏറ്റവും കൂടുതൽ കോവിഡ്​ വാക്​സിൻ കൈവശമുള്ളത്​ ഉത്തർപ്രദേശിനാണ്​. 11,80,659 വാക്​സിൻ ഡോസുകൾ ഇനിയും ഉത്തർപ്രദേശി​െൻറ കൈവശമുണ്ട്​. 3.54 ശതമാനമാണ്​ ഉത്തർപ്രദേശിലെ വാക്​സിൻ പാഴാക്കൽ നിരക്ക്​. 1.06 കോടി ഡോസ്​ വാക്​സിൻ കേന്ദ്രസർക്കാറി​െൻറ കൈവശമുണ്ട്​. 20,48,890 വാക്​സിൻ കൂടി വൈകാതെ എത്തുമെന്നും ആരോഗ്യമന്ത്രാലയം അറിയിച്ചു.

കോവിഡി​െൻറ രണ്ടാം തരംഗം വ്യാപകമാവു​േമ്പാഴും രാജ്യത്ത്​ വാക്​സിൻ ക്ഷാമം രൂക്ഷമായി തുടരുകയാണ്​. മഹാരാഷ്​ട്ര ഉൾപ്പടെയുള്ള പല സംസ്ഥാനങ്ങളും ആവശ്യത്തിന്​ സ്​റ്റോക്ക്​ എത്താത്തതിനെ തുടർന്ന്​ വാക്​സിൻ വിതരണം നിർത്തിവെച്ചിരിക്കുകയാണ്​.