ലോക്സഭ സീറ്റുകൾ 30 വർഷത്തേക്ക് മാറ്റരുത്- തമിഴ്നാട് സർവകക്ഷി യോഗം

ചെ​ന്നൈ: 1971ലെ ​ജ​ന​സം​ഖ്യ​യെ അ​ടി​സ്ഥാ​ന​മാ​ക്കി​യു​ള്ള ലോ​ക്സ​ഭ മ​ണ്ഡ​ല പു​ന​ർ​നി​ർ​ണ​യം 2026 മു​ത​ൽ 30 വ​ർ​ഷ​ത്തേ​ക്കു​കൂ​ടി നീ​ട്ട​ണ​മെ​ന്നും പ്ര​ധാ​ന​മ​ന്ത്രി ന​രേ​ന്ദ്ര മോ​ദി പാ​ർ​ല​മെ​ന്റി​ൽ ഉ​റ​പ്പു​ന​ൽ​ക​ണ​മെ​ന്നും മു​ഖ്യ​മ​ന്ത്രി എം.​കെ. സ്റ്റാ​ലി​ന്റെ നേ​തൃ​ത്വ​ത്തി​ൽ ചെ​ന്നൈ സെ​ക്ര​ട്ടേ​റി​യ​റ്റി​ൽ ചേ​ർ​ന്ന ത​മി​ഴ്നാ​ട് സ​ർ​വ​ക​ക്ഷി​യോ​ഗം ആ​വ​ശ്യ​പ്പെ​ട്ടു.

2026ലെ ​ജ​ന​സം​ഖ്യാ​ടി​സ്ഥാ​ന​ത്തി​ലു​ള്ള പു​ന​ർ​നി​ർ​ണ​യ​ത്തെ സ​ർ​വ​ക​ക്ഷി യോ​ഗം എ​തി​ർ​ക്കു​ന്ന​താ​യി പ്ര​മേ​യ​ത്തി​ൽ പ​റ​യു​ന്നു. രാ​ഷ്ട്ര ക്ഷേ​മ​ത്തി​നാ​യി കു​ടും​ബാ​സൂ​ത്ര​ണം ന​ട​പ്പി​ലാ​ക്കി​യ ത​മി​ഴ്‌​നാ​ട്ടി​ലെ​യും തെ​ന്നി​ന്ത്യ​ൻ സം​സ്ഥാ​ന​ങ്ങ​ളി​ലെ​യും പ്രാ​തി​നി​ധ്യം കു​റ​ക്കു​ന്ന​ത് നീ​തീ​ക​രി​ക്കാ​നാ​വി​ല്ല. - പ്ര​മേ​യം ചൂ​ണ്ടി​ക്കാ​ട്ടി.

ജ​ന​സം​ഖ്യാ​ടി​സ്ഥാ​ന​ത്തി​ൽ മ​ണ്ഡ​ല​ങ്ങ​ൾ വി​ഭ​ജി​ച്ചാ​ലും ത​മി​ഴ്‌​നാ​ടി​ന് ന​ഷ്ടം സം​ഭ​വി​ക്കു​മെ​ന്ന് മു​ഖ്യ​മ​ന്ത്രി എം.​കെ. സ്റ്റാ​ലി​ൻ പറഞ്ഞു. ഡി.​എം.​കെ, അ​ണ്ണാ ഡി.​എം.​കെ, കോ​ൺ​ഗ്ര​സ്, ഇ​ട​തു​ക​ക്ഷി​ക​ൾ ഉ​ൾ​പ്പെ​ടെ 58 പാ​ർ​ട്ടി​ക​ളു​ടെ നേ​താ​ക്ക​ളും പ്ര​തി​നി​ധി​ക​ളും പ​ങ്കെ​ടു​ത്തു. ബി.​ജെ.​പി ബ​ഹി​ഷ്ക​രി​ച്ചു.