ടിക്​ ടോക് വിഡിയോ​ തുണച്ചു; യുവതിക്ക്​ നാടുവിട്ട ഭർത്താവിനെ തിരി​െക കിട്ടി

ചെന്നൈ: അനേകം കലാകാരൻമാർക്ക്​ തങ്ങളുടെ കഴിവ്​ പ്രകടിപ്പിക്കാനും മറ്റുള്ളവരുടെ പ്രകടനം കണ്ടാസ്വദിക്കാനും സഹായകരമായ മാധ്യമമാണ്​ ടിക്​​ ടോക്​. നല്ല നിലയിലു​ം മോശം നിലയിലും ടിക്​ ടോക്​ ചർച്ചാ വിഷയമാകാറുണ്ട്​. എന്നാൽ അതേ ടിക്​ ടോക്​ ഒരു യുവതിക്ക്​ ത​​​െൻറ നാടുവിട്ടു പോയ ഭർത്താവിനെ തിരികെ കിട്ടാൻ സഹായകമായിരിക്കുകയാണ്​. തമിഴ്​നാട്ടിലാണ്​ സംഭവം. കൃഷ്​ണഗിരി സ്വദേശിനി ജയ​പ്രദക്കാണ്​ മൂന്ന്​ വർഷം മുമ്പ്​ തന്നേയും രണ്ട്​ മക്കളേയും ഉപേക്ഷിച്ച്​ നാടുവിട്ടു പോയ ഭർത്താവിനെ ടിക്​ ടോകിലൂടെ കണ്ടെത്തി തിരികെ കൊണ്ടുവരാൻ സാധിച്ചത്​.

2016ലാണ്​ ജയപ്രദയുടെ ഭർത്താവ്​ സുരേഷ്​ ഭാര്യയെയും മക്കളെയും ഉ​േപക്ഷിച്ച്​ കടന്നുകളഞ്ഞത്​. ബന്ധുക്കളുടെയും സുഹൃത്തുക്കളുടെയും വീടുകളിലെല്ലാം സുരേഷിനെ തിരഞ്ഞെങ്കിലും കണ്ടെത്താനായില്ല. തുടർന്ന്​ ജയപ്രദ പൊലീസിൽ പരാതി നൽകി. പൊലീസ്​ അന്വേഷിച്ചെങ്കിലും സുരേഷിനെ കുറിച്ച്​ വിവരമില്ലായിരുന്നു.

അന്വേഷണം ഏറെ കുറെ വഴിമുട്ടിയ സാഹചര്യത്തിലാണ്​ ജയപ്രദയുടെ ഒരു ബന്ധു സുരേഷിനോട്​ രൂപ സാദൃശ്യമുള്ള ഒരാളുടെ വിഡിയോ ടിക്​ ടോകിൽ കാണുന്നത്​. ഒപ്പം ഒരു ട്രാൻസ്​ജൻഡറുമുണ്ടായിരുന്നു. ഈ ദൃശ്യം കണ്ട ജയപ്രദ അത്​ സുരേഷ് ആണെന്ന്​ സ്ഥിരീകരിച്ചു. തുടർന്ന്​ പൊലീസിനെ അറിയിച്ചു. പൊലീസ്​ വിഴുപ്പുറം എന്ന സ്ഥലത്തുവെച്ച്​ സുരേഷിനെ കണ്ടെത്തി തിരി​െക കൊണ്ടു വരികയായിരുന്നു.

ചില കുടുംബ പ്രശ്​നങ്ങ​െള തുടർന്ന്​ നാടുവിട്ട സുരേഷ്​ ഹൊസൂർ എന്ന സ്ഥലത്ത്​ മെക്കാനിക്​ ആയി ജോലി ചെയ്യുകയായിരുന്നെന്നും ടിക്​ ടോക്​ വിഡിയോയിൽ ഒപ്പമുണ്ടായിരുന്ന ട്രാൻസ്​ജൻഡറുമായി ഇയാൾ ബന്ധം പുലർത്തി വരികയായിരുന്നെന്നും പൊലീസ്​ പറഞ്ഞു. ട്രാൻസ്​ജൻഡറുകളു​െട ക്ഷേമത്തിനായി പ്രവർത്തിക്കുന്ന ഒരു സംഘടനയു​െട സഹായത്തോടെയാണ്​ പൊലീസ്​ സുരേഷിനെ കണ്ടെത്തിയത്​. ജയപ്രദയേയും സുരേഷിനേയും കൗൺസിലിങ്ങിന്​ വിധേയമാക്കിയ ശേഷം വീട്ടിലേക്ക്​ പറഞ്ഞയച്ചു.